Ég var nú bara að frétta af þessu fyrst í kvöld við gleymdum að mótmæla þessu.

Það eru einfaldlega engar eða fáar fréttir fluttar af þessum stækkunum. Fylgist maður kannski svona illa með? Það er svo sem möguleiki líka.

Já láttu þau heyra það Haraldur!

Ég reyni að passa mig á því að sonur minn sjái ekki allan hryllinginn sem sýndur er í fréttatímum svo ég horfi barasta yfirleitt ekki á sjónvarpsfréttir. Kannski fara hlutirnir framhjá mér í útvarpsfréttunum, ég veit ekki.
Kannski finnst fólki rangt að vernda börnin frá viðbjóðnum sem viðgengst að sýna í sjónvarpinu á þeim tíma sem þau eru pottþétt vakandi. Sumir gætu jafnvel sagt að þetta sé jú heimurinn eins og hann er og börnin hafi bara gott af því að horfa á.
Búllsjitt...
Ég var rétt áðan að reyna að útskýra fyrir fimm ára gömlum drengnum (sem skilur ekki enn til fulls konseptið 'dauði') að það væru bara ljótir menn sem myrtu litlu systur sínar og að svona menn færu í fangelsi að eilífu (kannski óskhyggja í mér?), en hann var semsagt hjá afa og sá fréttirnar þar. Ég hefði frekar viljað að hann sæi áttræða herstöðvarandstæðinga fagna burtför hersins eða 'gáfað fólk úr höfuðstaðnum' mótmæla álverum. Fjöllum meira um svoleiðis hluti.

Punkturinn minn var þessi: Af hverju heyrist hvorki hósti né stuna vegna álversframkvæmda á suðvesturhorninu en allt verður vitlaust þegar á að reisa álver annarsstaðar? Fréttin um Grundartanga og Helguvík var bara þarna sem stutt og sæt frétt innan um allt hitt.

Þetta hefur ekkert með skoðanir mínar á álverum að gera eða öðru því sem í fréttum að kann að vera, heldur velti ég bara áfram spurningu sem ég heyri Austfirðinga gjarnan varpa fram: Hvar eru mótmælin þegar talað er um álver fyrir sunnan?

Ég velti fyrir mér hræsni mótmælenda.

Jájá ég veit. Ég fór út fyrir efnið.

En ég er samt sammála þér með fréttir og börn.

Nú hef ég kannski ekki kynnt mér málin til hlítar, en ímynda mér að þetta snúist kannski miklu frekar um virkjanir en álver. Fólk er kannski ekki hrifið af álverum, en sér ekki ástæðu til að klifra í krana út af þeim einum og sér. Hins vegar eru virkjanamálin viðkvæmari. Ég man ekki eftir að hafa heyrt um stór landsvæði sem fóru undir vatn vegna Grundartanga eða munu fara undir vatn vegna Helguvíkur.

Þetta voru tvö sentin mín, svo ég sletti til hálfs.

Þetta er eflaust rétt hjá þér Hexia en spyr þá: Fyrst önnur orka en sú úr fallvötnum er ekki tiltæk á Austurlandi, er þá rangt að nýta hana?

kannski er það bara rétt sem maður heyrir æ oftar,að þessi mótmæli séu fyrst og fremst til komin vegna þess að íbúar á suðvesturhorninu þola ekki að það sé sóað svona miklum peningum úti á landi.

Hætt'essu tuði Halli og komdu að kela.

Ókídókí.

Kannski hefði þjóðinni ekki sárnað álvers stefnan ef þau yrðu öll byggð í Reykjavík og nágrenni. Það er náttúrulega ótrúlega grunnhyggið að fórna svona miklu af stórkostlegri náttúru okkar fyrir eitthvað skítapakk úti á landi.

Ég hef aldrei verið á móti álverinu á Austurlandi. Hins vegar er ég á móti því að öllu landinu verði sökkt og að álver verði í hverju krummaskuði þannig að ég er byrjaður að mótmæla. Það gerði ég með því að viðra mig og fara í kvöldgöngu með Ómari Ragnarssyni.

Ekki finnast mér beinlínis fallegar myndir af Hellisheiðinni og heitavatnsrörunum sem þar hlykkjast um.
Ég man líka alltaf frasa frá Ómari þegar hann var að fjalla um nýlegar virkjanaframkvæmdir og stíflugerð, mig minnir í Þjórsá; "...en þær sjást nú ekki frá þjóðveginum..". Það var sem sagt í lagi að stífla, virkja og spilla náttúrunni þar, til að unnt væri að stækka í áverið í Straumsvík af því það var úr alfaraleið. Á sama tíma hamaðist hann gegn Kárahnjúkavirkjun. Blessaður kallinn.

Myndir? Hefur þú aldrei komið suður Golíat?

Golíat, ef ég hef skilið Ómar rétt þá var hann alltaf að reyna að vera dipló og varð að hafa mikið fyrir því að fela sínar skoðanir í frétta-umfjöllunum sínum. Ég efast ekki um að þarna hafi hann verið að mæla gegn betri vitund.

Ég mældi einu sinni gegn betri vitund. Það voru næstum 6 lítrar...

...af gírolíu.

Er sammála blóðugt - held að það að færa fréttirnar til kl. 7 hafa verið samsæri andfeminista - ég hef amk ekki horft á fréttir síðan - kæri mig ekkert um að láta barnið mitt horfa á þennan hrylling - (man hvað ég sjálf hafði alltaf miklar áhyggjur af því sem ég sá í fréttunum, yfirvofandi kjarnorkuárásum o.s.frv. ) þannig að síðustu árin hef ég verið yndislega óuppfrædd og veit ekkert um það hvað er að gerast í hinum stóra heimi. Kára-hvað???

Dj... tuð er þetta í karltuskunni. Helvíti fór Ívar annars illa með þig hér um árið. Tekur þetta bara næst..

Ég vitna nú bara í stystu raedu sem haldin hefur verid á Alpingi: "Álver rísi!".

Jú Haraldur, var um miðja síðustu öld á vetrarvertíð suður á Hornafirði. Það er mjög minnisstætt, sérstaklega ungfrú Dýrafjörður og stöllur hennar.
Hexía, Ómar fór aldrei dult með andúð sína á virkjunarframkvæmdum við Kárahnjúka, enda sá hann fram á að missa einkaflugvöll sinn undir vatn.

Ég er á móti álverunum, hvar svo sem þau eru reist. Ég barasta var ekki á klakanum til að mótmæla!

Kárahnjúkavirkjun veldur varanlegum spjöllum á mínu heittelskaða hálendi, því er ég á móti.
Álver eru annar handleggur í mínum augum.