Líkt og Skabbi, er ég eiginlega fjúkandi reiður. Meira að segja af sama tilefni en þó kannski ekki á jafn málefnalegan hátt. Þannig er nefnilega að lengi hefur mér fundist sem þessu spjallsvæði færi hrakandi – a.m.k. er það ekki samt og það var s.l. vetur og ég hef meira að segja gælt við þá hugmynd að hætta hérna þegar verst hefur látið. Þar hef ég kennt um viðbjóðslegu orðbragði og heimskulegum athugasemdum ýmissa þeirra sem síðan hafa skráð sig hér.

Þess vegna þótti mér það ekkert ólíklegt að einhverjir hefðu kvartað, jafnvel kært, og því trúði ég því fyrst í stað að jafnvel stæði til að loka. Ég m.a. greip til þess ráðs að senda einkapóst á nokkra Bagglýtinga þar sem ég útlistaði mínar hugmyndir að viðbrögðum við þessu og ég meira að segja sendi einum þátttakenda í „gríninu“ slík skilaboð. Það hinsvegar pirrar mig ekkert, heldur hitt að þeir sem haft hafa í frammi svívirðingar og rætnar athugasemdir um aðra, skuli hafa komið þessu af stað og nú segja flestir að þessir umræð hafi verið þörf.

Vissulega var þörf á því að gera eitthvað í þessum ósóma en lausnin var miklu einfaldari en þetta; þeir sem að þessu stóðu gátu einfaldelga horft í eigin barm og ákveðið með sjálfum sér að láta af sínum plagsiðum. Þess vegna þykist ég vita að það hafi ekki vakað fyrir þeim að opna á umræðu um innihald Gestapó heldur hafi tilgangurinn einungis verið sá að gera öðrum illt. Mér sýnist það hafa tekist alveg því margir fóru á taugum og mega sökudólgarnir una sáttir við sitt. Ef ríkisstjórnin segði nú allt í einu að þeir hefðu bara verið að vekja athygli á mikilvægi mannréttinda með því að taka Mannréttindaskrifstofu Íslands af fjárlögum, mætti líkja því við þetta. Grjótkast úr glerhúsi.

Ég er alveg sammála Skabba um ósmekklegheit þess að blanda Feministafélaginu inn í þetta og ráðast síðan að feministanum okkar með dylgjum og rógi. Sjálfur er ég feministi og tek nærri mér allar rætnar árásir á þann ágæta málstað, þótt vissulega megi henda gaman að honum – a.m.k. mín vegna. Held meira segja ég hafi gert það sjálfur.

Þeir taka þetta til sín sem eiga það.