vestur en ekki af Baggalúti.
Anchorage á þrettánda degi jóla 2004 (Sko, jólin 2004 ná yfir á 2005).
Ágætu Bagglýtingar.
Ég er fluttur úr landi og dvel nú í Anchorage í Alaska þar sem ég rannsaka lífshætti mörgæsa. Ég fékk styrk úr rannsóknarsjóði Greenpeace samtakanna til verkefnisins fyrir skemmstu og mun því dvelja í Alaska næstu tvö ár eða svo.
Ýmisskonar ævintýri hentu mig á leiðinni vestur en skemmtilegast var þó atvikið sem á Litla ljóta andarunganum í Reykjavík. Segi kannski nánar af því síðar en mörgæsirnar bíða og nú ætla ég að arka af stað með „The Greenpeace guide to finding Penguins in Alaska“ og skjóta nokkrar mörgæsir.
Kærar kveðjur að vestan,
Haraldur Austmann
mörgæsafræðingur.
Jah, það er gott að þú ert ekki farinn úr tölvusambandi, bið að heilsa mörgæsunum.. meðan ég man, athugaðu hvort þú sérð einhverja Albatrossa...
Það var nú eiginlega léttir að sjá að 'farinn' skuli eigi þýða brottför hér af Gestapó. Og gangi yður vel við veiðarnar [Íhugar að fara í sólarstrandarferð til Antarktíku (sól allan sólarhringinn þar núna) á bjarndýraveiðar]
Ég er mikið að hugsa um að skella mér á skíði við Keops. Það er víst komin stólalyfta þar og veitingastaður uppi...
Ég vona að þér gangi allt í haginn við mörgæsaleitina Haraldur minn, en einhvern veginn segir mér svo hugur að þú sért kominn í geitarhús að leita ullar. Ég hef þó ekki efni á að vera með neinar hrakspár enda aldrei til Alaska komið.
hvah, ætli þetta sé eitthvað Grín-peace bæklingur... nei, þú finnur mörgæsir, viss um það...
Já sennilega í dýragörðum eða sædýrasöfnum þeirra Alaskamanna...
Endilega vertu bara heima elskan... þú ert best kominn á klakanum.
Hélt fyrst að hér væri stafsetningarvilla hjá þér Haraldur og þú værir að fara að skoða margæsir. En penguins... Jæja, gangi þér sem best. Vona að þetta þýði ekki endalok Baggalútíudeildarinnar.
Skjóttu fyrir mig nokkrar mörgæsir. Mig hefur alltaf langað í mörgæsarpimpfrakka með ísbjarnarhýðiskraga.
já... og láttu þær hanga í svona þrjá daga og frystu þær. Síðan skulum við elda þær á næstu árshátíð og smakka mörgæsir...
Varaðu þig á innfæddum, Haraldur minn, þetta er mest illskeyttir einbúar og glæpónar.
Vona að þú hafir tekið með þér góðan sjónauka ef þú ætlar að sjá mörgæsir alla leið frá Alaska.
Og ef þú sérð einhverjar í návígi skaltu skoða þær vel áður en þú skýtur (Það boðar eilífa ógæfu að drepa nunnu í misgripum)...
Er þetta ekki eldrautt fylki, er ekki vissara að vera með eitthvað tákn þess að þú sért "staðfastur". Viltu barmmerkið mitt með merki framsóknarflokksins?
Nú, gaurinn á myndinni . Annað en þú, sem líkist repúblikana frá Ohio eða Gísla Marteini i þessari múnderingu.
[Flettir upp í lagasafni Baggalútíu til að kanna hvaða refsing (ef einhver) liggi við því að líkja háttsettum persónum í stjórnkerfi Baggalútíu við bandaríska repúblikana]
Er það ekki líka refsivert að líkjast háttsettum ammrískum stjórnmálamönnum?
Vona að þú hafir það gott fyrir westan (eða austan - er ekki frekar lítill munur á fjarlægð frá Íslandi hvora leiðina sem farið er?).
[ "Anchorage á þrettánda degi jóla 2 0 0 4 ." ] Getur verið að þurfi að athuga þessa dagsetningu? Afsakaðu smásmyglina.
Að sjálfssögðu. Þetta sama henti mig þegar ég skrifaði fyrstu ávísunina á þessu ári.
Mig langar samt ennþá að vita hvaða skemmtilega atvik þetta var á Litla ljóta andarunganum... það er nú einusinni mitti höfuðvígi.
nei heyrðu nú norn. það er mitt líka. ekki vænti ég að við sitjum sitt hvoru megin á salnum nánast daglega?