Ég bara get ekki hætt að hugsa um ferðina sem við félagarnir fórum síðustu helgi til Nesjavalla. Við gistum í bústað Pemisar við Þingvallavatn og nutum veðurblíðunnar. Þetta var yndislegur tími.

Klaufinn ég datt reyndar út í vatnið, en það kom ekki að sök, því þegar piltarnir höfðu bjargað mér upp úr kom í ljós að ellidauður himbrimi hafði flækst með mér í netinu. Við höfðum þar með nóg að snæða þrátt fyrir að ekkert veiddist.

Leiðinlegast þótti mér þó að foreldrar mínir skyldu ekki láta sjá sig. Þau ætluðu að koma piltunum á óvart með því að mæta á undan okkur, hita upp bústaðinn og taka á móti okkur með veitingum, en það virðist eitthvað hafa farist fyrir. Ég hefi annars ekkert heyrt í þeim síðan fyrir helgi. Ætli þau séu ekki bara á einhverju ferðalagi í útlöndum. Örugglega.