Síðan má bæta við þetta: Ef það er einhver tilgangur með lífinu, hver ákvað þann tilgang? Og hvaða markmiðum á tilgangurinn að þjóna? Ég man ekki eftir að hafa kvittað undir neitt. [glottir eins og fífl]

Hvers vegna ætti nokkur að vilja vita tilgang lífsins? Eftir að svar fæst þá er öll spennan og óvissan horfin

Spurningunni um tilgang lífsins hafa okkur vísari menn svarað fyrir löngu, nánar tiltekið fyrir 25 árum. Svarið er á þessa leið í þýðingu minni:
Tilgangur lífsins? Jæja, það er reyndar ekkert sérstakt. Reynið að vera vingjarnleg við annað fólk, forðist feitan mat, lesið góða bók annað slagið, skreppið í göngutúr og reynið að lifa saman í friði og sátt, óháð trúarbrögðum og þjóðerni.

Tilgangur lífsins er að leika sér og hafa gaman. Talandi um það, þá langar mig svolítið að prófa að fara í fallhlífarstökk.. svona afþví að þú minntist á það. [Ljómar Upp]

TIlgangur lífsins er einmitt að upplifa spennu og spennufall til skiptis. Annað er ekki í boði.

Tilgangur lífsins er að njóta þess, því þetta er okkar eigið og eina líf.

Var það ekki 42?

Hvað er tilgangur?

[Gengur til Dulu]

Náttúran hefur séð til þess að þeir sem á ögurstundu fara að velta fyrir sér tilgangi lífs síns, verða fljótlega lausir við hvorutveggja.

Við þessari spurningu er einfalt svar.
Ég held það sé við hæfi að við brestum í söng einsog í teiknimyndunum.

<Tekur upp krumpað og illa skrifað blað>

<Syngur>
Tilvera okkar er undarlegt ferðalag
Við erum gestir og hótel okkar er Gestapó

hótelinu má líkja við hlaðborð, þú tekur það sem þig langar í, ef þú sækir það ekki sjálfur, þá tekur einhver annar það og á endanum klárast það.

Svo má enda á einni mögnuðustu textalínu ever...

<Syngur aftur>
You can checkout any time you like,
But you can never leave!

Vjer höfum nokkuð lengi haft efasemdir um að í raun sje einhver tilgangur með lífinu (nema þá einhver tilgangur sem maður ákveður sjálfur). En lífið þarf samt alls ekki að vera verra fyrir því. Valkvíði eins og minnst er á aftast í fjelagsritinu gerir þó stundum vart við sig.

"Life's what happens when you're busy making other plans."

Tilgangur míns lífs er að vera á Gestapó. Ég hélt að þið hin væruð eins? Eða eruð þið komin á snjáldurskinnu?

Við hin erum auðvitað eins en vandmálið þar er m.a. eftirfarandi: Í hvaða tilgangi er það tilgangur lífsins að vera á Gestapó ?

Hmmmm. Það þarf nú ekki að horfa mjög lengi í kringum sig til á átta sig á að tilgangurinn með lífi hvaða lífsforms sem er, er að halda lífi (hæfilega lengi) og viðhalda stofninum. Að komast af og bera efrðaefnið áfram. Þetta er augljóst.

Jamm, sammála froskinum. En hver tilgangurinn með því er síðan ... það er ég ekki eins viss um.

Hingað hafa borist góðir orðabelgir, uppfullir af skemmtilegum vinklum.

Ég tek undir með Garbo; þó það kunni að vera hárrétt að tilgangurinn með tilvist einstakra lífvera er að þær haldi áfram að fjölga sér, þá segir sú staðreynd ekkert um tilgang lífsins sem slíks. Það er þó mjög áhugaverð pæling - en svörin við henni eru hins vegar ekki beinlínis á reiðum höndum.

Því má bæta við að vjer getum eiginlega ekki ímyndað oss að nokkurntíma muni verða alveg ótvírætt ljóst fyrir hvern einasta mann hver hinn raunverulegi tilgangur lífs okkar allra er - ef hann er einhver. En ef það gerist væri það líklega stærsti viðburður mannkynssögunnar.

Spurning er svo hvort það hvað þetta er ólíklegt sje ekki nánast sönnun þess að það sje enginn sjerstakur 'æðri' tilgangur með lífinu (og þar með væri þá líka komin sönnun fyrir því að það sem vjer sögðum hjer kl. 14:26 væri staðreynd).

Iss, ef einhver myndi finna út hver tilgangur lífsins raunverlulega er, þá myndu bara sumir trúa henni/honum.

Æjj nei, lífið er eiginlega frekar tilgangslaust.

Nei, nei Villimey...etum , drekkum og verum glaðir!

Ekki skal ég fullyrða um tilgang sjálfs l í f s i n s – enda hef ég litla þekkingu á innviðum þess. Oft & margsinnis hefur mér afturámóti orðið hugleikinn tilgangur annars fyrirbæris – t i l v e r u n n a r sem slíkrar. Það hygg ég, fyrstu sýn, að gæti verið öllu einfaldari pæling, enda lít ég á þetta tvennt sem tvennt ólíkt & tiltölulega aðskilda hluti. (Vel má hugsa sér líf án tilveru, en örðugt gæti verið að hugsa sér tilveru án lífs...)

Í mínum augum er tilgangur tilverunnar einfaldlega að fylla uppí það tóm sem hún lætur okkur í té. Aðferðir við slíka upp-fyllingu geta verið jafnmargar & einstaklingarnir sem tilveran skorar á með þessum hætti, en tilgangurinn er ævinlega sá sami – að fylla uppí tómið. Vitaskuld tekst þetta misvel einsog gengur, en það breytir þó öngvu um hinn ótvíræða tilgang tilverunnar.

Þegar betur er að gáð... ætli tilgangur lífsins sé þá ekki fyrstogfremst að knýja áfram tilveruna ?

Já, þetta er þörf ábending - líf og tilvera er ekki alveg það sama. Líklegast er réttast að segja að í pistlinum hafi ég verið að fjalla um tilgang tilverunnar, enda notaðist ég við það orð inn á milli. Forsetinn færði umræðuna hins vegar yfir í tilgang lífsins sem slíks - og það má vel vera rétt að þess helsti eða jafnvel eini tilgangur sé að knýja áfram tilveruna.