— GESTAPÓ —
Í uppáhaldi:
Félagsrit:
Þarfagreinir
Friðargæsluliði.
Heiðursgestur og  skriffinnur.
Pistlingur - 1/11/03
Kanarnir og kynvillingarnir

Um málefni sem er mér ofarlega í hjarta um þessar mundir.

Hún hefur ekki farið nógu hátt að mínu mati, sú staðreynd að kosið var um ákveðið furðulegt málefni í nokkrum ríkjum Ameríku samhliða forsetakosningunum.

Málefnið snertir hjónabönd samkynhneigða, og voru samþykktir þess efnis að banna slíkt staðfestar í 11 ríkjum þessa furðulega lands. Núna þegar Búskurinn er búinn að tryggja sér fjögur ár í viðbót af ofstækisfullu valdabrölti, þá leitast hann strax við að fá samþykkt á ný alríkislög í þessa veru. Nei, það er víst ekki alls kostar nákvæmt hjá mér að kalla það lög. Hann vill breyta sjálfri stjórnarskránni til að pota þar inn ákvæði um að hjónaband sé milli karls og k0nu eingöngu. Mun þetta vera í fyrsta sinn svo ég viti til að menn finni hjá sér áhuga til að skerða réttindi fólks með stjórnarskrárbreytingu.

Þetta finnst mér allt saman vægast sagt ömurlegt. Á Ameríkan ekki að heita boðberi og fyrirmynd lýðræðis og mannréttinda öllum öðrum þjóðum til handa? Hvað er að gerast eiginlega? Hvernig getur trúfífl náð svona miklum völdum? Trúfíflska er eitt hættulegasta fyrirbæri nútímans, og ótækt að hún festi dýpri rætur hjá Kananum en hún hefur nú þegar því miður gert.

Að ætla sér að festa í stjórnarskrá hugmyndir sem grundvallast eingöngu á trúarsetningum (endilega látið mig vita ef þið teljið að eitthvað fleira liggi hér á baki, áhugavert væri að heyra af því) er auðvitað sorgleg glópska. Ríkisvaldið á ekkert með það að troða 'siðferðisgildum' á þegnana. Þetta eru ekki einu sinni siðferðisgildi, þó svo að þetta afvegaleidda lið segi svo vera. Hvað í fjáranum er siðlegt eða ósiðlegt við það að fólk sem finnur til ástar hvort gagnvart öðru og vill deila lífinu saman skuli setja slíkan ásetning niður á pappír og njóta sömu réttinda og skyldna og önnur pör? Hvaða andskotans máli skiptir það þó að apaheilar á borð við Búskinn og hans hyski telji, sökum annarlegrar og afvegaleiddrar trúhneigðar sinnar, að slík sambönd séu viðurstyggð? Það kemur þeim einfaldlega bara ekkert við. Þeir eiga þá ekkert erindi í valdastöður ef þeir geta ekki setið á sér og séð að þetta er flónska hin mesta sem brýtur gegn öllum grundvallaratriðum góðrar stjórnspeki.

Út í hafsauga með þetta hyski! Ég mótmæli harðlega þessu skítlega landi og brengluðum trúfíflsþegnum þess!

   (46 af 49)  
1/11/03 08:01

B. Ewing

Einhvernvegin þurfti að tryggja að allir trúsannir R-listamenn kæmu á kjörstað og myndi greiða atkvæði gegn hjónaböndum samkynhneigðra, og svona í leiðinni, henda atkvæði í kassann til styrktar Bush og hvað það vara sniðugt að sameina kosningarnar svo ekki þyrfti að fara margar ferðir

Sjálfshjálparflokkur Íslands er með áætlanir um að smala sínu liði á staðinn á svipaðan hátt en allir skráðir Sjálfshjálparflokksmen fá 2 atkvæðaseðla, einn fyrir kosningarnar og einn þar sem segir; ,,Á hvaða eyju í Kyrrahafi skulum við senda alla kommúnistana og túnfótamarvaðanna á þinginu og gleyma svo að sækja þá aftur''?

1/11/03 08:01

Tannsi

Já endilega sem mest af hommum. En samt minna af pjúra lesbíum. Bi-sexual kellingar eru langtum betri. Málið er nefnilega að því fleiri hommar því fleiri kellingar fyrir okkur kallana. Og við segjum ekki nei ef kellurnar vilja vera tvær eða fleiri með okkur í bólinu.

Lengi lifi hommarnir!

1/11/03 08:01

Hakuchi

Ég er hjartanlega sammála Þarfagreini. Tilraunir Bushstjórnarinnar til að troða þessari kúgun í stjórnarskrá er óhugnarleg. Þeir gætu allt eins þá skyldað konur til að ganga með búrkhur í leiðinni af því það er það sem guð þeirra vill.

Hjónaband samkynhneigðra á að vera milli einstaklinga í samfélaginu og trúarsafnaða og kemur ríkinu ekki nokkurn skapaðan hlut við.

1/11/03 08:01

Finngálkn

Einhver andleg krísa hér á ferð? - Hum... Þér berið öll merki þess að vera þermispersónuleiki...

1/11/03 08:02

Þarfagreinir

Nei, ég er þarfagreinir er ekki þarmagreinir, fjandinn hafi það!

1/11/03 08:02

Finngálkn

Og uppfrá þeim deigi var hann alltaf kallaður ÞARMAGREINIR! (Og Óþarmur við hátíðleg tækifæri).

1/11/03 08:02

Tannsi

Það er nákvæmlega svona sem alvöru viðurnefni verða til. Trúðu mér þú losnar ekki við þetta í bráð.

1/11/03 08:02

Vladimir Fuckov

Vér að verulegu leyti sammála Þarfagreini, þó með þeim stóra fyrirvara að hann virðist setja Bandaríkin öll undir einn hatt en þetta er stórt land og viðhorfin eigi hin sömu allsstaðar. Það er hinsvegar ólíklegt að þessi stjórnarskrárbreyting nái í gegn því það er stórmál að breyta stjórnarskránni þarna. En þetta eykur stuðning við Bush & co hjá vissum hópum.

Hinsvegar er oss óskiljanlegt hvað kosningaþátttaka er lítil þarna þegar mikið virðist í húfi. Stærsti hópurinn er eigi sá sem kaus Bush (um 30%). Stærsti hópurinn er sá sem sat heima (um 40%) !? Eigi er oss kunnug ástæða þess. Áhugaleysi ? Vesen að kjósa (gert á virkum degi) og að það þarf fyrst að skrá sig á kjörskrá ? Undarlegt kosningakerfi, þ.e. kjörmenn ? En ef vér skiljum rétt er kjörmannakerfið m.a.s. ekki einu sinni það undarlegasta heldur sk. 'redistricting' er tengist kosningum til þingsins. Mismunur á íbúafjölda í kjördæmum má ekki fara upp fyrir 1% ef vér munum rétt (skv. stjórnarskrá, líka með fyrirvara um að vér munum rétt), þá verður að breyta kjördæmamörkum (svoleiðis breytingar kallast 'redistricting'). Flokkurinn sem ræður í viðkomandi fylki ræður hvernig mörkunum er breytt og því verða mörkin í t.d. borgum hin fáránlegustu því þau miðast við að vera flokknum í hag (t.d. með því að færa smá hluta af einhverju hverfi í kjördæmi A yfir í kjördæmi B því flokkurinn er með mikið fylgi í kjördæmi A en staðan tvísýn í kjördæmi B). Hefur þetta verið stundað í stórum stíl í t.d. Texas upp á síðkastið. Hverskonar kosningakerfi er þetta eiginlega ?!

Látum vér þessum reiðilesturslanghundi hér með lokið, vér erum eiginlega komnir út fyrir efnið og vonum vér heitt og innilega að oss misminni og/eða að vér höfum misskilið þetta kosninga/kjördæmakerfi illilega. [Fer að leita upplýsinga á netinu] [Sér að þetta hefði næstum getað verið sjálfstæður pistlingur]

1/11/03 08:02

Mosa frænka

Heyr, heyr, Þarfagreinir ... en ekki missa úr sjóni þann 48% (af þeim sem kusu) sem er jafn stórhneyslaður af þessari trúfíflsku og þú. Þessi 48% verður að berjast eins og kappar næstu fjögur ár, bæði í þessu máli og almennt gegn illmennum eins og dóminíonistunum. Ef þig langar í hroll, skaltu fara á Google og nota 'dominionists' sem leitarorð.

1/11/03 09:00

Barbie

Mannréttindabrot eru skelfileg og þrífast víst enn í hinum vestræna heimi. Annars minna ríkisafskipti af ástarmálum þegnanna mig bara á Hitler. Kannski Bush nái á stall með honum einhvern daginn?

1/11/03 09:01

feministi

Hvernig í andskotanum datt þér í hug að nota orðið kynvillingur í fyrirsögn þessa annars ágæta pistlings?

1/11/03 09:01

Júlía

Ætli það hafi ekki verið uppá stuðlana?
Góður pistill.

1/11/03 09:01

Þarfagreinir

Já, þetta voru stuðlarnir og svo var ætlunin líka að vekja áhuga. Ég vona að enginn hafi móðgast vegna þessa.

Þarfagreinir:
  • Fæðing hér: 5/10/04 00:11
  • Síðast á ferli: 13/12/20 16:11
  • Innlegg: 13121
Eðli:
Ég er Þarfagreinir. Ég hef mikið yndi af því að þarfagreina. Ef ykkur vantar mann til að sjá um þarfagreiningarþarfir ykkar, þá er ég sá maður.
Fræðasvið:
Þarfagreining fyrst og fremst. Einnig etanólrannsóknir, orðkynngi, algrím, og listfræði.
Æviágrip:
Ég var eitt sinn týndur og sótti Menntaskólann í Reykjavík. Síðan gerðist ég tossi og fór í Fjölbraut í Breiðholti og hóf etanólneyslu. En það var ekki fyrr en í Háskóla Íslands að ég fann mína sönnu hillu í lífinu, en það er auðvitað hið merka fræðasvið er þarfagreining nefnist. Fyrir áhugasama um þarfagreiningu þá er það fyrst að nefna hún kennd innan tölvunarfræðinnar. Reyndar er ýmislegt fleira gagnslaust rusl kennt þar; mín skoðun er sú að fella mætti allt slíkt niður og kenna þarfagreiningu eingöngu, enda er það göfugasta fræðasvið þessa heims, sem og allra annarra.

Nú í dag stunda ég fræði mín við virðulega stofnun í höfuðstað Íslands. Samhliða því eyði ég óhemju miklum tíma í rannsóknarvinnu ýmis konar á Alnetunum. Miðar þetta allt að því að ég uppfylli mitt æðsta markmið, sem er að verða Yfirþarfagreinir alheimsins.