Ég lýsi mig hjartanlega sammála hverju orði.

[Fellur í stafi. Prílar upp úr stafahrúginni aftur] Ertu að semja bók? Er hægt að kaupa eitt eintak?

Bravó. Hér kemur ýmislegt fram sem ég hafði velt fyrir mér í sambandi við þessa ömurlegu virkjun, og fleira til. Kostnaðinn á hvert mannsbarn á Íslandi reiknaði ég til að mynda einu sinni líka. Hvernig í andskotanum er hægt að réttlæta hann, þegar gróðinn er jafn lítill og raun ber vitni, og svo stóru landsvæði sökkt að auki?

Á meðan er ekki rassgat að gerast til að mynda í þeim iðnaði sem þú nefnir og ég stafa við, upplýsingatækniiðnaðinum. Fyrst að stjórnvöld líta á það sem sitt hlutverk að byggja upp atvinnulífið hér á landi og 'bjarga' öllum fjáranum (sem ég er sjálfur efins um að sé í raun þeirra hlutverk), af hverju er ekki meira gert á þessu sviði? Írland ætti að geta verið okkur góð fyrirmynd ... það eitt sinn fátæka land er núna Mekka tölvunördisma.

En nei ... álver skal það vera. Það er það eina sem getur 'bjargað okkur'. Helst eins mörg og komast fyrir á skerinu.

Hafðu þakkir fyrir þetta rit ... bara ef fleiri hugsuðu eins og þú, Glúmur.

Þetta var ekki svo svakalega orðljótt hjá þér. Ég get skilið mótmæli þeirra sem fara um þetta svæði en fólk sem mótmæliir hvarfi á landi sem það hefur aldrei séð og hefði hvort eð er aldrei ætlað að sjá er mér óskiljanlegt þeir sem hafa lagt sér leið þarna uppeftir til að missa ekki af þessari dásamlegu náttúru sem á að sökkva verða flestir fyrir vonbrigðum því þessar perlur eru ekki eins æðislegar og látið er af.

Þrefalt húrra fyrir þessum skrifum. Þetta þyrfti helst að skrifa með gyllingu og hengja upp í Alþingishúsinu.

Til eru þeir sem segja landið ljóta eyðimörk og því allt í lagi að sökkva því en hafa þó aldrei komið þangað.

Jahá. Ég hef bara engu við þetta að bæta, þetta er nákvæmlega það sem er að þessari framkvæmd, það er verið að fórna of miklu fyrir of lítið. Takk fyrir að setja þetta svona vel upp, þetta er með betri skrifum sem ég hef séð um þetta efni.

Gjörsamlega brilliant skrif.

P.S. Í dag er svartur dagur.

Ógaman að lesa moksturinn úr skítahaugum sálar þinnar Glúmur. Það er að skemmta skrattanum að vera að elta ólar við bullið í þér en samt, hvenær er honum nógu skemmt?
Það gróðurlendi sem fer undir Hálslón er sára-, sáralítið. Miðað við það sem er verið að græða upp á Hólssandi, Mývatnsöræfum og víðar þá er það peanuts. Í hinum margfræga Kringilsárrana td er mjög lítill hluti af grónu landi á förum undir vatn. Langstærsti hluti þess ofbeitta og útskitna skika verður ósnertur nema af gæsaplágunni, sem bæ the vei ætti að veiða niður um ca 60-70% til að minnka áníðslu hennar á viðkvæmu gróðurlendi á hálendinu. Það er ömurlegt að sjá hvernig heiðagæsin rífur stráin upp með rótum og eyðileggur þannig þá grasbletti sem hún bítur á meðan sauðkindin kroppar grasið en lætur ræturnar í friði. Endilega segið Herdísi Þorvaldsdóttur og félögum frá því, Glúmur þú ert áreiðanlega á kaffíhúsarölti með þessu liði, stútfullur af hroka og menningu.
Haraldur, til eru þeir sem dásama svæðið en hafa aldrei komið þangað, éta það eftir lýðskrumurum og sögufölsurum eins og Andra Snæ og Ómari sem telja sjálfa sig yfir náttúruvernd og lög hafna. Ómar með sín vélknúnu ökutæki friðlandi þar sem hann ætlar að sökkva því, væntanlega með rafgeymi olíum og öðru.
Glúmur, það er hámarks ósvífni og móðgun við okkur Austfirðinga að halda því fram að helstu náttúruperlur svæðisins séu á leið undir Hálslón. Augljóst að þú hefur þína vitneskju frá fölsurunum. Þér til uppfræðslu get ég bent þér á eftirfarandi:
Snæfell fer ekki undir.
Minnstur hluti Kringilsárrana fer undir - ekki Hraukarnir.
Laugavellir fara ekki undir.
Minnstur hluti Hafrahvammagljúfurs fer undir, þvert á móti verður mun auðveldara og skemmtilegra að njóta þess.
Kverkfjöll fara ekki undir.
Heimskan fer því miður ekki undir, enda uppspretta hennar ansi langt frá stíflustæðinu.
Varðandi það að farið sé að bera á nokkrum einstaklingum sem telja að óhætt sé að mæra þessa mestu framkvæmd Íslandssögunnar, þá segji ég heyr á endemi, inn í hvaða grængolandi fílabeinsturni sjálfumgleðinnar og heimskunnar hefur þú verið?
Er þér ekki ljóst að þrátt fyrir gríðalega stærð framkvæmdarinnar og þrátt fyrir að við séum að fórna þarna hluta af náttúru lands okkar þá hefur ótrúlegur einhugur ríkt á Austurlandi um málið og fólk verið alls óhrætt við að sýna stuðning í verki. Þeir sem mótmælt hafa virkjuninni og álverinu á svæðinu hafa verið innfluttir atvinnumótmælendur sem lognir hafa verið fullir um eðli framkvæmdarinnar og afstöðu heimamanna. Lognir fullir af fólki sem einskis svífst til að koma höggi á þá sem á undan fara við að byggja upp efnahag og atvinnulíf landsins. Virkjunin og álverið er fyrsta alvöruátakið sem gert er til að styðja við byggð á Austurlandi og kemur til með að verða sterkt mótvægi við segulinn á suðvesturhorninu sem að því er kominn sporðreisa landinu. Ef heimskan og hrokinn væru mælanleg á vog þá væri höfuðborgin því miður undir vatni, söltu.
Bestu kveðjur í bæinn.

Byggðastuðningurinn ernú ansi takmarkaður af þessari frammhvæmd. Íslendingum hefur FÆKKAÐ á Austurlandi. Í stað þeirra koma útlendingar sem sennilegast borga flestir skatta í sínu heimalandi. Arðseminn af virkjuninni er nánast núll.. enda lét Valgerður Sverris og stjórnarmenn Landsvirkjunnar álmógúlana taka sig feitt í ósmurðann analinn. Þetta félagsrit er snilld !!

Ég segi: Húrra!!!
Fágætlega frábært fjelagsrit.

Þetta er aldeilis smellin grein, uppfull af heilagri reiði en þó að mestu vel rökstudd.

Persónulega hefur mér verið merkilega sama um þetta mál. Ég ríf ekki úr mér hárið yfir landinu sem fer undir vatn og dagurinn í dag var ágætur. Þetta verður að mestu gleymt eftir nokkur ár.

Mér hefur hins vegar aldrei líkað framkvæmdin en það er heldur út af þeim ríkisstalínistafnyk sem henni fylgir sem og gríðarlegu álagi sem hún hefur á hagkerfið í heild með tilheyrandi ruðningsáhrifum og vaxtabyrðum og verðbólgum. Svo er verðmætasköpunin, eins og Glúmur bendir á, hverfandi lítil miðað við fyrirhöfnina.

Þetta er fyrst og fremst ríkisstutt byggðarþróunarverkefni. Raforkan (þaðan sem alvöru peningurinn á að koma) var mjög líklega seld fyrir slikk. Þó ég stórefist um að Landsvirkjunarmenn séu svo vitlausir að tapa á henni. Ég held hins vegar að þeir þori ekki að segja frá því hversu lágt verðið er af því þeir hafa líklega samið skammarlega frá sér. Mig grunar nefninlega að Landsvirkjunarmenn hafi farið í algert panikk þegar Norsk Hydró hætti við þátttöku á sínum tíma og þeir hóruðu sig því allt of lágt frammi fyrir þeim næsta í röðinni (Alkóa).

Það sem mér líkar hvað verst er einmitt leyndin í þessu máli. Ekkert má vita. Ekkert um verð. Ekki sá ég mikið um vandaðar greiningar á heildaráhrifum fyrir þjóðarbúskapinn (vaxtaáhrif á hagkerfið í heild, umhverfiskostnað, ábati af auknum útflutningi, staðbundin velferðaraukning á Austurlandi etc.). Svona bjánaskapur gengur ekki lengur. Í Noregi hafa menn þó skömm til að gefa upp verðin sín á raforku.

Umræðan sjálf hefur verið pirrandi og farið hálfa leið með að breyta mér, borgarbarni dauðans, í argasta borgarhatara. Sjálfsuppksafna klisjulistapakkið hefur farið einstaklega í taugarnar á mér með sínum málflutningi (sem þeir hafa fullan rétt á að flytja og ég er ekki að tala um alla sem eru á móti virkjun, þið vitið hverja ég á við) og hef ég oftar verið nálægt því að æla út af hrokanum sem vellur upp úr slíku fólki gagnvart Austfirðingum. Þar sem þetta er byggðarpólitík og snýst að mestu um að halda lífi í deyjandi byggðarlögum hef ég ekki heyrt eina einustu nothæfu hugmynd um hvað eigi að gera í staðinn. Nei, nei, Austfirðingar eiga bara að hætta að vera hræddir og nota ímyndunaraflið. Það á að mennta sig því allir vilja einmitt og geta fengið sér mastersgráðu í hugbúnaðarverkfræði og fengið stórkostlegar hugmyndir. Ímyndunarafl þeirra sem standa frammi fyrir deyjandi byggðarlagi, hverfandi vinnu sem áður gaf vel (sjór) fyrir fólk án háskólagráðu virkar nefninlega mjög vel. Ímyndunaraflið leiðir það í Grafarvoginn. Það er eina vitið.

Það gleymist líka að þessi fáu störf sem skapast eru mjög vel launuð störf og ekki þarf að vera með háskólagráðu til að fá þau. Slík störf eru að hverfa af landinu og umfram allt landsbyggðinni. þess vegna skil ég afar vel að Austfirðingar vilji ólmir störfin og virkjunina. Ég held að klisjupakkið skilji það ekki alveg. Það eru bara ekki allir í heiminum sem vilja eða eru í kringumstæðum til læra eitthvað skelfilega fínt í háskóla svo það geti notað 'mannauðinn' til að skapa eitthvað skelfilega frumlegt (flestir enda hjá ríkinu grunar mig í ofborguðum sérfræðistörfum)

Kárahnjúkar og álverið er ríkisstyrkt framkvæmd til að skapa hátt launuð störf sem krefjast ekki ótrúlegrar menntunar. Kostnaðurinn er hins vegar of mikill. Fyrst ríkið hefur styrkt þetta (sem það gerir í gegnum Landsvirkjun) hefði það miklu heldur átt að fara aðrar leiðir. Ekki kasta peningum eins og áður í glataða byggðaþróun heldur laða að erlenda fjárfestingu (verksmiðjur) með gulrótum og skattaívilnunum á landsbyggðinni. Gera t.d. eins og Írar hafa gert. Þar hafa mörg hátæknifyrirtæki og önnur framleiðslufyrirtæki samsetningarverksmiðjur sem er lokastopp fyrir Evrópumarkað. Fullt af góðum störfum (ekki fyrir listapakkið heldur alvöru fólk) án of mikillar mengunnar og vesens. írland er betur sett út af ES aðild en Ísland er betur sett en önnur lönd út af EES. Það ætti að vera hægt að plata þó ekki væri nema eina Tójóta verksmiðju hingað til lands. Það gæti bjargað einum fjórðungi (en bílaverkamannsstörf eru vel launuð).

Afsakið samhengislausa ræpuna.

Vel mælt.

<i>Þessi gjörningur er einhver sá al vanhuxaðasti sem við sem þjóð höfum borið ábyrgð á.</i>
Afsakið, við erum ekki þjóð, heldur ríki. Æskilegast væri þó að hér væri samfélag.

Þetta eru allt saman bollaleggingar um raforkuverðið, vegna þess að því hefur verið haldið leyndu. Það sem einkennir andmælendur framkvæmdarinnar og ekki síst vinstri græna er afstaðan; allir eru illa meinandi eða amk fífl þangað til annað kemur í ljós. Fólk eins og Valgerður sem hefur unnið í þessu máli af heilindum og í þökk stórs meirihluta þjóðarinnar er ausin aur og svívirðingum.
Það er hins vegar ekki allt stórkostlegt við þessa framkvæmd, raflínurnar eru frekar ljótar og mikið áberandi, sérstaklega í Reyðarfirði.
Hins vegar fylgir þessu margt sem er ansi hreint jákvætt; knattspyrnuhöll á Reyðarfirði, bíó á Reyðarfirði, sundlaug á Eskifirði (fræg), stórbættar samgöngur milli byggðarlaga td Fáskrúðsfjarðargöng, góðir vegir um hálendið norðan jökuls, fasteignamarkaður, atvinnumarkaður, sameining sveitarfélaga, bjartsýni, ungt fólk og barneignir.
Varðandi íbúaþróunina Nermal, hvernig hefði hún hún verið ef framkvæmdirnar væru ekki í gangi?
Nú á meðan á framkvæmdunum stendur er hér gríðarlegur fjöldi erlendra verkamanna sem flytur lögheimili sitt hingað og borgar hér skatta og skyldur. Íslendingar sem hér eru á vertíð flytja hins vegar ekki lögheimili sitt. Þegar álverið tekur til starfa hættir vertíðarstemmningin fljótlega og starfsmennirnir flytja búferlum, þe þeir sem ekki koma af svæðinu.
Bölverkur, hér á Austurlandi er samfélag, meira að segja gott samfélag. Að auki lifum við mörg hver hérna í nánu og góðu sambandi við náttúruna og þurfum ekki að friðþægja með mótmælum og múgæsingu gegn skynsamlegri nýtingu náttúrugæða.
Að lokum legg ég til að hvalveiðar verði hafnar strax í haust, leyfilegt verði að skjóta álft og heiðargæs og hreindýrum verði fækkað stórlega.
Góðar stundir.

Það hefði auðvitað bara átt að byggja kjarnorkuver

Frábært félagsrit.
En svo fór eins og við var að búast að einhverjir myndu andmæla ritinu. Að sjálfsögðu var það gert eins og við var að búast, með gífuryrðum, skítkasti og hroka. Sannleikanum er hver sárreiðastur.
Að láta það út úr sér að enginn megi vera á móti drekkingu landsins nema hafa komið þangað er álíka vel hugsað og segja að það megi ekki vera á móti misnotkun á börnum nema þekkja þau.
Og að halda því fram að það sé lýðskrum og sögufölsun að sýna Íslendingum myndir af landinu sem hverfur eru rökþrot sem dæma sig sjálf og ekki síst þann sem skrifar slíkt.
Og áfram heldur barnaskapurinn hjá Golíat: Snæfell fer ekki undir lónið! Kverkfjöll fara ekki undir lónið! Hvað segirðu maður? Af hverju hélstu ekki áfram og skrifaðir t.d. að Öræfajökull færi ekki undir lónið? Hvílík þrot!
Minnstur hluti Kringilsárrana fer undir segir Davíð.... nei afsakið Golíat. Það má kalla 1/4 minnsta hluta ef menn vilja. Mér finnst það mikið.
Það virðist vera dæmigert fyrir svona gasprara að hafa ekki kynnt sér það sem þeir skrifa um. Gott dæmi er dýrafræðikunnáttan. Golíat minn: Gæsir rífa gróður ekki upp með rótum og auk þess eru þær ekki friðaðar.
Ég er kominn miklu lengra en ég ætlaði, en ég ætlaði bara að hrósa vel skrifuðu og vel hugsuðu félagsriti, en missti mig svo aðeins útfyrir það.
Eitt var reyndar rétt hjá Golíatinum, en það er að heimskan fer ekki undir vatn. Þykir mér það miður, því þá slyppum við við að sjá fleiri pistla eins og þann sem Golíat skrifaði. Heimskan er hins vegar augljóslega nær Kárahnjúkum en Golíat gerir sér grein fyrir.
Það er sorglegt að þetta virðist vera mentalítetið sem við Íslendingar erum að púkka undir þar eystra.
Skrif Golíats eru grunsamlega lík skrifum Eskfirðings nokkurs í Moggann um sama málefni, en hann endaði kjánalega grein sína með orðunum: Og Smári Geirsson syngur betur en Björk!
Afsakið lengdina.

Ég er ekki sammála þessum Eskfirðingi sem þú minnist á, Björk syngur ágætlega og betur en Smári. En heldur hefur ferillinn hennar blessunarinnar verið niður á við síðan hún söng með Guðmundi Steingrímssyni.
Það er rétt hjá þér Grútur að heiðagæsina má skjóta frá 20. ágúst - 31. marz - en það sem ég vildi sagt hafa er að það er full þörf á að veiða hana niður. Tek það reyndar ekki að mér sjálfur. Þú hefur ekki gengið mikið um hálendi Íslands ef þú hefur ekki séð hvernig heiðagæsin fer með gróðurinn.
Þegar ég tala um lýðskrum og falsanir á ég við þegar menn td sýna myndir af náttúrufyrirbrigðum sem ekki eru lengur til eins og steindrangur nokkur í Jöklu sem hvarf fyrir hennar tilverknað fyrir meira en 2 árum og síðan láta menn eins og sökkva eigi fyrirbærinu, Þannig hefur verið látið með Hafrahvammagljúfur. Síðan er tvískinnungurinn hjá þessu liði; Ómari leyfist það sem sauðsvörtum almúganum mundi aldregi líðast. hvernig gekk ekki mótmælaliðið um náttúruna þar sem þau voru með tjaldbúðir sínar í sumar - skildi allt eftir í drasli. Sama gildir um draumalandsbullukollinn þar sem hann slær niður sínum tjöldum.
Grútur, með upptalningu minni á náttúrufyrirbærum sem ekki fara undir þá beitti ég kunnu stílbragði, svokallaðri kaldhæðni, e. ironia. Það er etv ekki von á að svona uppskrúfuð mannvitsbrekka hafi skilning á því.
Það er alveg merkilegt annars hvað menn eru sammála þvælunni í Glúm hérna, sennilega er mikið til í því að Glúmur sé allir nema etv við Hakuchi.
En Grútur - ég er þó ánægður með eitt í þínu fari, það er ekkert m í seinna nafninu, mér hefði þótt frekar sorglegt ef þú hefðir kennt þig við þann fallega fjörð Loðmundarfjörð (Loðmfirðingar koma þaðan, þó ég geri ekki ráð fyrir að lið með þitt mentalitet viti það).
Afsakið að ég nenni ekki að elta frekari ólar við vitleysuna í bili.
Sjáumst á föstudaginn!

Mjög skemmtileg umræða... (ekki sagt í kaldhæðni)... ég hef lesið þetta allt saman og mér finnst mest allt komið fram... mikið til er ég sammála Glúmi, en einnig kemur Golíat með góða punkta, þó ég sé minna sammála honum... skál félagar og góða helgi...

Ég lýsi mig hjartanlega sammála hverju orði Golíats.

Heyr, heyr! Ég er alfarið sammála.

Takk Glúmur, frábært félagsrit!

Framan af átti ég erfitt með að gera upp hug minn varðandi þessa framkvæmd. Það helgaðist aðallega af því að mig vantaði upplýsingar um málið. Meinið er nefnilega þetta: Stór hluti Íslendinga fékk litlar sem engar upplýsingar um framkvæmdina og forsendurnar.
Þann 13. september 2001 vissum við miklu meira um hryðjuverkaárásina á NY heldur en við vitum núna - mörgum árum seinna - um framkvæmdir og forsendur fyrir virkjun og álveri á Austurlandi. Hvers vegna í grængolandi golþorskum voru og eru ekki allir fjölmiðlar uppfullir af kortum og teikningum og súluritum sem gátu hjálpað almenningi að skilja stærð málsins? Hvar eru allar klisjukenndu viðmiðunarmyndirnar eins og Hallgrímskirkja fótósjoppuð inn í tilvonandi lón? Ha?

Er nema von að almenningur hafi verið svona seinn að taka við sér.

Og þegar ég meina almenningur, þá á ég við þann stóra hluta Íslendinga sem ekki eru:
a) tilvonandi starfsmenn virkjunar og álvers
b) ráðamenn þjóðarinnar
c) "kaffihúsahangandi listamenn"

Jæja, er þetta mál ekki flestum gleymt? Þetta er alla vega ágætis laumupúkaþráður...

Nei þetta er mér ofarlega í huga og alltaf jafn gaman að endurnýja kynnin við félagsritið þótt virkjunin sjálf verði alltaf jafn döpur.

Jámm, ég er alltaf að reyna að smala beljunum mínum yfir Hálslón, en þær sökkva bara. Landsvirkjun er alveg brjál, þeir segja að beljur skemmi hverflana