...versnað, sagði ég og henti nokkrum mókögglum ofan á Kölska þar sem hann stóð nokkuð súr ofan í djúpri holu, búinn að kynda bál og heimtaði sál mína.

Kölski hafði á sínum tíma haft samband við mig vegna kaupa á sál minni, en auglýsingin var svona:

Viltu karl minn kynda bál
kann að vera föl ein sál.
Kynda bestu kögglarnir
kætast allir bögglarnir.

Kölski tók mig á kvæðinu, byrjaði að stinga upp móinn og mókögglarnir streymdu upp úr holunni. Holan dýpkaði og dýpkaði. Að lokum kveikti hann eld ofan í holunni og þóttist nokkuð hróðugur með sig. Á meðan hann hamaðist týndi ég saman bestu kögglana og setti í þurrk til síðari tíma. Afganginn skyldi hann fá aftur ofan í holuna.

Ég gleymdi reyndar að minnast á það við hann að auglýsingin var nokkuð villandi og þó hann myndi kynda bál, þá myndi það breyta litlu, föl sál eða rjóð, engin loforð um kaup eða sölu.

Já, ég held að fólk jafnt sem djöflar ættu að passa sig á villandi auglýsingum, maður veit aldrei nema maður fái þunga móköggla í höfuðið.