Bara svona í tilefni dagsins
Árshátíð Gestapó 2007 verður haldin þann 17. nóvember klukkan 20:00 á sveitakránni Ásláki í Mosfellsbæ. Við höfum staðinn algjörlega út af fyrir okkur til miðnættis; eftir það verður opnað fyrir almenningi, en slíkt útilokar vitaskuld ekki frekara sumbl fram eftir nóttu af okkar hálfu.
Aðalþema árshátíðarinnar verður mafíutengt, en því fylgja engar kvaðir um klæðaburð, hegðun, né annað. Þó væri mjög skemmtilegt ef fólk gæti annað hvort mætt í grunsamlegum eða mafíutengdum klæðnaði. Hins vegar skal aftur ítrekað að slikt er engan veginn skylda. Ekki er heldur skylda að mæta í pörum, né að pör séu í sama stíl. Makar Gestapóa eru annars mjög svo velkomnir, og nýliðar eru sérstaklega hvattir til að mæta svo hægt sé að innvígja þá almennilega í okkar sérlega sérstaka samfélag.
Rúta verður í boði til að sækja fólk og ferja á staðinn, sem og keyra í bæinn þegar herlegheitunum lýkur, sem verður einhvern tímann eftir miðnætti.
Árshátíðarmiðinn mun kosta 2000 krónur, með nokkru magni af fríkeypis blúti. Þeir sem kjósa að neyta ekki áfengis greiða einungis 1000 krónur, en verða þá vitaskuld stimplaðir bindindismafíósar fyrir vikið.
Rútan kostar síðan 1000 krónur aukalega. Enn eru pláss laus í rútunni, fram að hádegi á morgun (árshátíðardaginn). Eftir það tökum við ekki við fleiri skráningum.
Hér er svo rútuplanið:
18.55 Aktu Taktu Garðabæ
19.00 Hamraborg, Skiptistöð
19.05 Bústaðavegur við Litluhlíð
19.15 Hringbraut við Framnesveg
19.25 Hlemmur við Kaupþing, Rauðarárstíg
19.30 Laugavegur við Kauphöllina
19.35 Afrein af Miklubraut við Háaleitisbraut
19.45 Mjódd, við Nettó
19.50 Select við Suðurfell
19.55 Sjoppan við Hundavað í Norðlingaholti
20.00 Bónus við Hraunbæ
20.10 Spöng
20.20 Áslákur
Þeir sem vilja vera með í rútunni geta sent mér einkapóst.
Varstu ekki annars búinn að skrá þig, Texi? Mig minnir að þú viljir láta ná í þig á öllum stoppistöðvunum.
Þið skemmtið ykkur vel og rækilega fyrir mig og gerið allt sem ég myndi hengja mig og brenna áður en ég léti til skarar skríða.
Ástar- og saknaðar frá Hrafnistu.
Mikið langar mig að hitta Gísla Eirík og Helga og Upprifinn. Ætli maður verði ekki sjálfur að sækja þá heim.[Glottir]
Jöminn hvað ég hlakka til morgundagsins! [Ljómar upp og út og suður og dansar út um allar trissur]
Tekur einhver eftir því þó ég laumist með? Eða er þetta bara fyrir þá sem bera einkennismynd?
Ég býst fastlega við því að vera stuðboltinn um borð... ég ætla í það minnsta að vera með gítarinn meðferðis...
Ég vildi að ég gæti komið.
En ég mun fylgjast með rútunni er hún stoppar framan við gluggann minn.
Upprifinn
ég vildi óska að ég væri að koma.
Vá af einhverjum undarlegum ástæðum las ég að Upprifinn hefði sagt:
"ég vildi óska að ég væri kona"
Ég las þetta rétt en lagði allt aðra meiningu í orð hans...
[glottir eins og fífl]
Mér finnst nú hálfgerð móðgun að rútan komi ekki í Hafnarfjörðinn. Ætli ég þurfi þá ekki að byrja að labba af stað núna... [Dæsir þungt]
Hádegi. Það er þá of seint að melda sig í rútu.
[Dæsir mæðulega]
Þá verður að beita klækjum og kanna möguleika á fyrirgreiðslupólitík.
Hahaha.
Rútan var of snemma á ferð og skildi einn eftir á Hlemm.
Ég sá það útum stofugluggann.
<Glottir einsog fáviti>
Heimska rútufólk, ég sá búbbann undir stýri og einhver með Michael Jackson hatt framí.
Þú ýtir á On takkann fyrir aftan og beitir stýripinnanum að vild, sparaðu samt skottakkann því ekki er mikið um skot.