Árshátíð Gestapó 2007 verður haldin þann 17. nóvember klukkan 20:00 á sveitakránni Ásláki í Mosfellsbæ. Við höfum staðinn algjörlega út af fyrir okkur til miðnættis; eftir það verður opnað fyrir almenningi, en slíkt útilokar vitaskuld ekki frekara sumbl fram eftir nóttu af okkar hálfu.
Rúta verður í boði til að sækja fólk og ferja á staðinn, sem og keyra í bæinn þegar herlegheitunum lýkur, sem verður einhvern tímann eftir miðnætti. Þeir sem óska eftir rútu þurfa að koma til boðum til árshátíðarnefndarinnar og láta vita af því hvar þeir vilja láta ná í sig. Leiðarplan rútunnar verður ákveðið út frá því hverjir þiggja rútufarið.
Aðalþema árshátíðarinnar verður mafíutengt, en því fylgja engar kvaðir um klæðaburð, hegðun, né annað. Þó væri mjög skemmtilegt ef fólk gæti annað hvort mætt í grunsamlegum eða mafíutengdum klæðnaði. Hins vegar skal aftur ítrekað að slikt er engan veginn skylda. Ekki er heldur skylda að mæta í pörum, né að pör séu í sama stíl. Makar Gestapóa eru annars mjög svo velkomnir, og nýliðar eru sérstaklega hvattir til að mæta svo hægt sé að innvígja þá almennilega í okkar sérlega sérstaka samfélag.
Endanlegur kostnaður hefur því miður ekki verið ákveðinn, en honum verður stillt mjög svo í hóf. Með árshátíðarmiðanum mun fylgja eitthvað af fríu áfengi, en þegar það þrýtur verður nóg af slíku eftir á hefðbundnu verði.
Þeir sem vilja mæta geta staðfest mætingu annað hvort hér í þræðinum, eða með því að senda Dulu einkapóst. Ef þið viljið taka rútuna þurfið þið að taka það fram, sem og gefa upp hvar þið viljið láta sækja ykkur. Þeir sem hafa nú þegar sent Dulu einkapóst þurfa þó ekki að gera það aftur, nema þeir vilji koma því á framfæri að þeir ætli að taka rútuna.
Svo má víst ekki gleyma að minna á vinsældakosninguna. Taktu endilega þátt ef þú hefur ekki gert það nú þegar. Atkvæði þitt gæti ráðið úrslitum!
Tja, ég gleymdi víst að taka fram að við höfum staðinn út af fyrir okkur til miðnættis, þannig að vera okkar verður ekki hættulegri en hættan sem stafar af hættulegasta Gestapóanum sem mætir. [Glottir eins og fífl]
Ég bætti þessum upplýsingum við félagsritið.
Að vísu sýnir reynslan að tíminn til miðnættis er afar fljótur að líða. Teljum vjer því nauðsynlegt að tímavjel verði á staðnum.
Ég gæti bara hugsanlega komist... svei mér þá. Ég verð með hættulegri Gestapóum. Ætti ég þá ekki bara að koma seint?
Ég kem og ég ætla að fara eftir upprunalega þemanu! Því ég er búin að fjárfesta í mjög svo fallegum bleikum kjól með hjálp vinkonu minnar Vísa.
A. Hansen sem er ekki lengur til. Núna heitir það víst Gamla Vínhúsið. Hvern eru þeir að reyna að blekkja?
Já, ég er örugglega að rugla. Þær renna allar saman í eitt fyrir mér þessar landsbyggðarkrár.
[Brosir sakleysislega]
Ég verð staddur þarna með ykkur í anda.
En sendi svo leikara úr mannheimum til að mæta einnig í eigin persónu!
[fyllist tilhlökkun]