Skreytifíklar

Skemmtilegu blikkandi hurðarhúnarnir eru komnir aftur. A.v.á.

Rómverskir riddarar

Vorum að fá nýja sendingu af rúsínum og rófum. A.v.á.

Frá Fiskistofu

Gildi hefur tekið reglugerð nr. 132.b.11.2008, um bann við áti á öðru meðlæti en kartöflum með eftirfarandi fisktegundum: Ýsu, þorski, ufsa, loðnu, skarkola, steinbít og krossfiski.

Sá eða sú

sem á eftir að skila kvikmyndinni The Gate á Vídeóleigu Valgerðar frá því 12. júní 1988 er vinsamlegast beðin(n) að gera það hið snarasta að viðlögðum sektum.

Til sölu

vel með farnir, lítið notaðir sjömílnaskór. Á sama stað fást gefins óskasteinn og fjöregg. Afgreiðsla vísar á.

Þjóðarbú

Vorum að fá í einkasölu, fallegt þjóðarbú. Á besta stað, miðsvæðis á Atlantshafi. Búið þarfnast töluverðs viðhalds og fæst gegn yfirtöku skulda. Eigna- og hárþvottamiðstöð Snúlla og Dúlla.