Þjóðbók
Ég vissi það! Frændur okkar í Bretlandi hafa lengi vitað um líf á öðrum lífstjörnum. Og þeir hafa skrifað skýrslur um astrómekanísk farartæki og gert um þau hvurskyns nótasjónir. Sumt af þessu má skoða hér. En ég spyr: Hvar eru leyniskýrslur Bjarna Ben.? Við vitum öll að þær eru til. Fram í dagsljósið með þetta TAFARLAUST!
Tómas Guðmundsson
Mikið óskaplega voru eldhúsdagsumræðurnar um daginn skemmtilegar. Frábært sjónvarpsefni. Yndislegt alveg hreint. Og mikið var gaman að sjá hvað þingmenn Reykjavíkur báru af landsbyggðarlýðnum.
Egill Skallagrímsson
Oft hefi ek fullr verið. Aldrei sem í gærkveldi þó. Fokk hvat ek em hellaðr.
Einar Ben
Skelfilega getur fólk verið skammsýnt. Hér er ég með frábærar tillögur, tímamótatillögur, um að breyta Breiðholtinu í stærsta friðland apa í heiminum. En manni er ekki einu sinni ansað hjá borgarskipulagi. Bévítans molbúar.
Jónas Hallgrímsson
fjær ertu fornri
frægð þinni
dallur dóps og sælu
pólsins stjarna
starir niðurlægð
yfir Fáskrúðsfjörð
smygli öngvu eirir
armur laga
upprætir amfetamín
en lyfseðla ljúfa
fær lögregla
aldrei upp tekið
frægð þinni
dallur dóps og sælu
pólsins stjarna
starir niðurlægð
yfir Fáskrúðsfjörð
smygli öngvu eirir
armur laga
upprætir amfetamín
en lyfseðla ljúfa
fær lögregla
aldrei upp tekið
Sr. Hallgrímur Pétursson
fallin af mér fögur hönd
fúið eyra
nefið gengið leið og lönd
ljótt að heyra
fúið eyra
nefið gengið leið og lönd
ljótt að heyra
Hjálmar Jónsson frá Bólu
drulluskíta helvískt haust
hata ekkert fremur
djöfuls ömurð endalaust
allar vonir kremur
hata ekkert fremur
djöfuls ömurð endalaust
allar vonir kremur
Jóhannes S. Kjarval
Af hverju hefur þetta aldrei hvarflað að mér fyrr? Það er miklu skemmtilegra að tagga á fallegt steinhús en að skælast þetta austur á Þingvelli og mála þennan moðerfokking mosa.
Halldór Kiljan Laxness
Ég mæli hiklaust með pönnusteiktum slaungulúngum frá Sörensen kaupmanni, með miklu sméri. Hreinasta lostæti.
Sigurður Nordal
Góður vinur minn, lærður mjög og mikilsvirtur bróðir í fræðinum kom til mín, slefandi af geðshræringu og hjúfraði sig upp að mér. Sagði með ekkasogum að hann væri hættur með lávaxna forverðinum með ístruna og tjúguskeggið. Ástæðan? Jú, sá síðarnefndi sagðist fá of mikil útbrot af hugvitsamlegum tilraunum þeirra með ýmis forvörsluefni á leynilegum fundum þeirra í Þjóðdeild Landsbókasafnsins...
Jón Sigurðsson
Á nú enn og aftur að fara að sleikja sig upp um bakraufina á þessari bannsettu Evru? Vilja þessir háu herrar ekki bara taka upp danska fánann aftur? Og nýta sér stöðugleika og hagkvæmni þýska þingsins í stað þess íslenska? Franski þjóðsöngurinn er líka æði, af hverju getum við ekki notað hann? Og er ekki upplagt að næla sér í litla, netta, ítalska fjallkonu, frekar en þessar þunglamalegu jussur sem við sitjum uppi með?
Sr. Hallgrímur Pétursson
Öngva á ég sokka
(ennþá síður skó)
- en meir en nóg af naflaló!
(ennþá síður skó)
- en meir en nóg af naflaló!
Fréttir
Lesbók
Úr þjóðbók
Af hverju talar enginn stjórnmálaflokkur fyrir bættri stöðu holdsveikra hér á landi? Hvað er eiginlega málið? Það er hreinlega tekið á þessum málum eins og verið sé að fjalla um málefni ... tjahh ... holdsveikra...
Ég hef í hyggju að rita annan sálmaflokk, í svipuðum stíl og passíusálmana mína, um ekki síðri hetju en hann Jesús minn. Nefnilega hinn eina sanna Messías 20. aldarinnar, sjálfan Greystoke lávarð – eða Tarzan.
Ég hlakka óskaplega til, enda ólíkt skemmtilegra að yrkja um apa en Gyðinga.
Hvur ætlu séu viðurlög við því að skjóta skunk? Eða mörð?
Þeir hafa nokkrir verið að sniglast hér í bakgarðinum undanfarið. Og haldið fyrir mér vöku.