Ég er svo kalkaður að það hálfa væri öö, hvað er aftur orðið.
Ég vil gagnrýna sjálfan mig, ég hugsa að ég hafi ætlað að gagnrýna sjálfan mig fyrir að vera gleyminn en man það þó ekki alveg nógu vel. Sé þó að ég hef skrifað sem titil á þessu félagsriti orðið Kalkaður og þó svo að ég gæti hafa verið að meina kalkið í skónum mínum eftir að hafa verið að þvælast í kalknámunum, hvert er ég að fara eiginlega [les aftur það sem er komið]. Já, kalk, það borgar sig að borða mikið kalk því það þykir vera gott við vöxt og viðhald beina og tanna, þá er nauðsynlegt að borða fæðu með D-vítamíni og ekki gleyma C-vítamíninu, hvert er ég að fara eiginlega [les aftur það sem er komið].
Já nú man ég, ég ætlaði að segja frá því að ég er búinn að gleyma framhaldssögunni um Klípu í námunni, o jæja það hlýtur að rifjast upp með tíð og tíma. Ég gef Kalki þrjár stjörnur, fimm fyrir hollustu, mínus eina vegna þess hvað það er hvim-leitt í skóm og mínus eina fyrir að vera í hausnum á mér.
Fáðu þér smá dreitil af ákavíti.
Brennivín hefur alltaf gert eldri borgara gáfulegri
Þetta rifjast upp fyrir þér Sæmi minn, drektu bara mikið lýsi og þá verðurðu stór og sterkur og hver veit nema það lagi heilann líka.
Ég held svei mér þá að hann Bjargmundur hafi komið með lausnina: Ákavíti og nóg af því!
Þér var andskotans nær að reykja allt þetta hass í gamla daga, nú getur ekkert bjargað þér nema sterkari efni.
Já ég man þegar hestar voru ekki bara hestar heldur voru þeir oft... ... ... ... ......... .