Í dag fór ég á fætur rétt fyrir sólarupprás, þó reis sólin ekki upp þannig séð, en vissulega birti.

Ég ákvað að fara í sundlaugarnar, ég laugaði mig áður en ég fór í sund og einnig á eftir, samkvæmt öllum lögum og reglugerðum, rauðu blettirnir voru laugaðir tvisvar (og sérstök sápa fór þrisvar í skeggið).

Ég fór á hárgreiðslustofu, hársnyrtikonan snyrti skegghárin og greiddi, það kitlaði og hávær hrossahlátur hljómaði.

Þegar ég kom heim fór ég á baggalút, hann var illa farinn eftir helgina og lítið við því að gera, vonandi lagast þetta þegar líður á vikuna.

Frúin kom heim úr vinnunni og ég eldaði fyrir hana djúpsteikt skyr í brauði.

Nú er ég að fara í vinnuna.

Svona er dagurinn í dag hingað til, þ.e. dagurinn í gær þú sem ert að lesa þetta á morgun, ég nenni ekki að minnast á þá sem munu lesa þetta síðar.