Óborganlegt grín. Engin mynd kemst nálægt henni í efnisvali og framsetningu.
Jagshemash!
Fór í gærkvöldi í Smárabíó og bar þar augum myndina um kasaska sjónvarpsfréttamanninn Borat Sagadiyev sem var gerður út af örkinni af stjórnvöldum í Kasakstan til þess að kynna sér lifnaðarhætti Bandaríkjamanna.
Ég verð að segja að ég hef ekki hlegið jafn mikið að kvimynd í langan tíma, ef þá nokkrun tímann.
Veit ekki hversu vel ég ætti að fara út í stök atriði myndarinnar svo ég skemmi ekki fyrir þeim sem ekki hafa séð hana.
Ef þú, Gestapói góður, vilt sjá eina fyndnustu mynd allra tíma þá er Borat: Cultural Learnings of America for Make Benefit for Glorious Nation of Kazakhztan, einmitt myndin fyrir þig.
Persónan Borat er svo einlæg í framkomu sinni og endalaust langlundargeð Bandaríkjamanna er merkilegt en þó enn merkilegra þegar sumir þeirra láta sínar réttu skoðanir í ljós, þá er fyrst gaman.
Í myndinni eru endurleikin atriði sem voru sýndir í þáttunum um Borat sem voru í Da Ali-G Show. Þeim er þó breytt lítillega og engu síðri heldur en gömlu atriðin.
Ég gef þessari mynd fullt hús stjarna því hún á það svo fyllilega skilið. Það er alveg klárt mál að ég fer og séð þessa mynd aftur eða kaupi hana á DVD, það er ekki spurning.
Ég fór að sjá Borat í gær og hló mig máttlausan. Þetta er gríðarlega fyndin mynd og er afskaplega óviðeigandi. Ég held að fólk sem móðgast auðveldlega eigi erfitt með að horfa á þessa mynd. En ég mæli með henni, enda er mjög gaman af óviðeigandi hegðun.
Hún er allt í lagi, ekki mikið meira en það. Ef menn hafa fylgst með Borat í gegnum tíðina þá er nánast ekkert nýtt efni í þessari mynd.
Eiginlega sammála Magnúsi... Þetta er engu að síður stórgóð mynd. Illa farið með nokkur fífl sem áttu það sennilega inni eins og fávitana í útskriftarferðinni!