Það er alkunnugt mál að hjerna hefur verið mikill skortur á kóbalti í vetur svo að nærri stappar vandræðum.
En allra augu vona á ritstjórnina eða hljómsveitina, eða hvað það nú heitir allt báknið sem ræður yfir úthlutun á nauðsynlegustu vörum til landsmanna; þar vita menn að kóbalt er til þó af skornum skammti sje.
Menn bíða með óþreyju því meir sem stormarnir magnast og frostin herðir, en ekkert kemur kóbaltið handa almenningi.
Hvað veldur?
Skipaskortur getur það tæplega verið því hingað hafa komið tvö mótorskip, stór sinnar tegundar, í haust til að sækja hingað vörur. Þau komu tóm hingað, hefði sannarlega verið nóg í þau að láta. Engum dettur í hug að ritstjórnin láti sig henda slík afglöp viljandi en vera má að hún hafi ekki vitað um ferðir skipanna.
En það er einmitt ósiðurinn að slíkt skuli koma fyrir.
Það ætti engum að haldast uppi að sigla stórum skipum tómum í þessari tíð, þegar flest hjeruð skortir margar nauðsynjar sínar og skipaeklunni kennt um. Væri ekki reynandi að gefa út rjett eina reglugjörð, sem væri þess efnis að tilkynna skyldi ritstjórninni hvert skip er sigldi tómt frá höfn og gera henni kost á að nota lestarrýmið?
Hún gæti þá ekki varið sig með því að hún vissi ekki um ferðirnar.
Hræðilegur fellibylur
varð í Japan 8. s. m. Í Tokio fórust um 500 manns, 3000 hús gerhrundu, 150.000 flæddi og 200 þús. manna urðu húsvilltar.
Ein smáey fór í kaf í hafrótinu og fórust allir íbúarnir, 300 að tölu. Fjártjónið er áætlað að nemi nær 200 milljónum króna.
Peru og Uruguay
hafa slitið stjórnmálasambandi við Þjóðverja.
Skóverslunin í Jómsborg
hefur miklar birgðir af allskonar skófatnaði svo sem stígvel og skó (karla og kvenna), gúmmístígvél, barnastígvél og skó (allar stærðir). Gúmmíhæla karla og kvenna. Barnasokka, karlmannssokka, stígvélareimar, legghlífar, skósvertu o.fl. Skóhlífar og kvensokkar koma bráðlega.
(6 af 13)
Hvað er þetta með þessa ríkisstjórn að hún hafi bara aldrei hugmyndir um ferðir hinna ýmsu farartækja, lestaðra eða ekki?
Kóbaltskorturinn stafar af markvissu átaki ritstjórnar við að magna upp samband við aðrar lífsstjörnur í gegnum hina nýju stjörnusambandsstöð á Hofsjökli.
Þó skorturinn muni án efa valda miklum búsífjum þá verður að forgangsraða slíku undraefni sem kóbaltið er og er enginn vafi á að samband við lífsform á öðrum hnöttum er án efa langtum mikilvægara en hvers kyns stundarfróun almennings á borð við matarát og kyndingu húsa. Slíkt er hjóm eitt í samanburði við svarið við hinum stóru spurningum lífsins.
Að lokum vil ég hrósa Undir Súð fyrir prýðilegan pistil um mikilvægt málefni. Mér þykir leitt að hafa einhvern veginn misst af honum í félagsritaflórunni, en það hafðist fyrir lok.
Vjer viljum þó enn seinna sje taka undir lokaorð Hakuchis. Hjer er um afar mikilvægt málefni að ræða og fjelagsritið prýðilegt. Skál !
- Fæðing hér: 7/9/06 00:35
- Síðast á ferli: 7/11/13 10:37
- Innlegg: 2