Sagnfræði er nú aldeilis hressandi í morgunsárið
Ég las í Fréttablaðinu í morgun að Graf Zeppelin loftskipið hefði sprungið í loft upp og verið knúið helíum.
Magnað hvað nasistarnir voru framarlega í nýtingu altenatívra orkugjafa.
Verst að þeim datt ekki í hug að fylla blöðruna með því í stað vetnis. Þá hefði það kannske ekki sprungið í loft upp.
Hvað þá Hindenburg...
[Grípur um eitthvað sem gæti flokkast undir velmegunarvömb, og þokar sér varlega í átt að gólfinu, uns hann lekur útaf, hamslaus af hlátri.]
Já ég tók eftir þessari skemmtilegu nýjung. Annars kom ekkert fram um Graf Zeppelin í greininni (ef ég man rétt) nema að það hafi verið systurskip Hindenburg, ekkert um að það hafi sprungið.
Jamm, ég skrifaði þetta líka eftir mjög takmörkuðu minni. Þetta var enda lesið á fyrsta kaffibolla.
Held reyndar að blaðamaðurinn hafi ekki verið byrjaður á sínum þegar hann hnoðaði þennan fróðleik saman.
Kannske þetta hafi verið einhver teþambari.
Loptskipin eru enn til; við Zeppelinsafnið í Friedrichshaven við Bodensee er hægt að kaupa sér far með slíku fyrir um 300 evrur, minnir mig.