Ég veit um land í veröldu
sem vaknað hefur loksins.
Þar hímdi föst í hrímköldu
hugarfari flokksins
þjóð sem fálkans þekkir tak
á þegna hennar frelsi,
áður okkar breiða bak
bar hans ok og helsi.
Kastað höfum Flokksins fugli
og fegin göngum jöfn!
Höfnum núna rætnu rugli,
ríkis- setjum -stjórn á söfn!
Borgarar! í eigin efnum
eigum við að þekkja rétt.
Hvassast áfram hugrökk stefnum
hægri, vinstri lægri stétt,
óháð fornum flokkaböndum
fæðum okkar þing á ný!
Framfaranna vinnu vöndum,
virðum fólkið æ og sí.
zZz... Farið nú að hætta þessu væli og gera eitthvað í málunum eins og framhaldsskóla krakkarnir sem halda uppi þeim litla heiðri sem þessi skitna þjóð á eftir...
Skemmtilegt en... Svo verður maður að nýta atkvæðið og um hvað er að velja? Liðið sem flokkarnir velja sjálfir á lista og hefur verið þarna, er og mun verða. Vakandi þegnar með kröfuspjöld breyta engu fyrr en þeir bera fólkið úr flokkunum og setjast þar að sjálfir.
Þú vilt sumsé frekar sitja með hendur í skauti og játa þig sigraða fyrirfram? Hvernig væri þá að stofna sjálf flokk, eða skrá þig í einn af þeim sem fyrir er starfandi til að hafa áhrif á stefnuna innanfrá? Eða lýsa yfir stuðningi við hugmyndir manna á borð við Njörð P. Njarðvík sem vilja stofna nýtt lýðveldi á Íslandi, með nýja stjórnarskrá. Allt sem þarf fyrir hið illa til að grasserast er að gott fólk geri ekkert. Hvert mótmælaspjald gegn Flokknum telur.
[Glottir]
Hvað veistu nema ég sé búin að því? Þessi ummæli mín voru bara leið til að koma því á framfæri að vakna er ekki alveg nóg... í mínum augum.