Vilhelm Sigurðarson, trúleysingi og spákaupmaður, hitti í morgun Guð, föður (almáttugan), betur þekktan sem skapara himins og jarðar.
Vilhelm sagðist í fyrstu ekki hafa trúað sínum eigin augum - skiljanlega - en þegar Guð sýndi honum nokkur einföld töfrabrögð og skapaði lítið fleygt nagdýr handa honum, lét hann loks sannfærast.
Mest segir Vilhelm það hafa komið sér á óvart hve eðlilegur Guð væri og alþýðlegur - og eins að hann skyldi vera örvhentur.
Til sölu
Lítið notuð æra. Fæst fyrir lítið fé.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.