Það snjóar þau ókjörin hér í mínum heimabæ. Ætlar þetta engan enda að taka? Þetta varð mér tilefni til að raula örlítinn blús að hætti míns heimafólks og allt í einu var kominn texti!
Nú er það svart, því það snjóar og snjóar
og snöfla í sköflunum Gunnur og Jóar.
Og ég er á dekkjunum ónýtu og flötu
og ætti ekki að sjást hér á bæjarins götu.
En eflaust það sleppur,
því ég er á Lödu.
(3 af 5)
Ladan blífur ! [Sér orðabelg Billa og hrökklast víða og hrasar við, en man þá að Billi er náttúrlega snarbilaður og jafnar sig þó nokkuð.] Skamm Billi
[Fær nostalgíukast síð-kaldastríðsbarnsins sem var alið upp í lödum og skódum] Snilld!
P.s. Billi, ertu eitthvað lasinn?
Ég maneftir Lödunni hennar ömmu, öruggasti bíll í heimi, maður setti bara miðstöðina á og druslan nauðhemlaði.
Og fólk tók það persónulega móðgun ef amma tók fram úr þeim.
Já Garbo, þú varst svaka svag fyrir Lödu, eða einhverjum sem átti Lödu. [ljómar upp.]
Ég hef alltaf furðað mig á Lödu Sport-heitinu. Hvað er svona rosalega sportlegt við þær?
Hér er kannski komin skýringin á þessum samsöfnuði fólks á gagnvarpinu - erum við öll tengd góðum minningum af Lödum í æsku okkar?
- Fæðing hér: 25/1/07 00:05
- Síðast á ferli: 12/10/21 14:57
- Innlegg: 243