Nú er Vetur konungur mættur á svæðið og með honum koma jólin. Þetta er einmitt sá árstími þar sem grjónagrautur á Ara í Ögri á afskaplega vel við. Grjónagrauturinn er rammáfengur, hlýr og góður og tilvalinn til hressingar á næturbröltinu. Svo fylgir honum líka afskaplega fallegt ljósasjó, rétt áður en honum er rennt niður.

Verið ekki feimin, börnin mín góð! Stoppið við á Ara í Ögri við Ingólfsstræti, gangið rösklega upp að næstu afgreiðslustúlku og biðjið um grjónagraut, hátt og snjallt! Að launum fáið þér einn þann þjóðlegasta drykk sem fáanlegur er á öldurhúsum borgarinnar.

Góða helgi
Úrsus