Lesbók08.09.03 — Númi Fannsker

Ég fór og skoðaði flaggskip græningjanna í fyrradag með Myglari. Þetta er ágætis fley - ósköp grænt. Svo nota þeir segl til að spara eldsneyti og svona - allt óskaplega umhverfisvænt. Ég rabbaði lítillega við sænskan grænjaxl og sá kom alls ekki illa fyrir og það fer ekki á milli mála að þarna er á ferð fólk sem berst fyrir málstað sem það trúir á í einlægni og af fúlustu alvöru. Því var ljótt að sjá nokkur hrekkjusvín grilla hrefnukjöt við skipið - slíkt er ekki gestrisni og hreinlega ósmekklegt að koma þannig fram við gesti sem hingað koma í einlægni og friði. Þó svo að við lítum svo á að það sé okkar að ákveða hvernig við nýtum auðlindir hafsins verðum við að hlusta á þær raddir sem eru okkur ósammála og ekki gleyma að vera gestrisin - hver vill slást við örfáar grænmetisætur? Látum Kínverjann frekar heyra það sem hér er í heimsókn þessa dagana. Sá á heldur betur skilið að talað sé yfir hausamótunum á honum!

 
Enter — Forystugrein
 
Enter — Forystugrein
 
Enter — Sálmur
 
Númi Fannsker — Forystugrein
 
Enter — Sálmur
 
Spesi — Forystugrein
 
Númi Fannsker — Forystugrein
 
Enter — Forystugrein
 
Enter — Forystugrein
 
     1, 2, 3 ... 180, 181, 182