Spilla ekki spenar fyrir kúnum.
Mjólkurdreytil máttu fá
að matartíma búnum.

Búnum leggja bændur næsta vetur.
Þegar ræður EES
enginn búið getur.

Geta margt sem megna afl að virkja.
Jah, nema kannski kveifar þær
sem klíkur vilja styrkja.

Styrkja vil ég stöðumælaverði.
Með Tazer byssu og táragas
þeir tækla brotamerði.

Merðina ég meiða vil og lemja.
Bíta af hið breiða skott
berja þá og kremja.

‹Kannske of ofbeldisfullt?›

Kremja vil ég vínberin í bala.
Traðka á þeim tánum á,
tárið svo ég fala.

Fala vil ég vínin góðu þýsku,
með eikarkeim og öðru því
sem er nú mest í tísku.

Tískubólutildurrófur raupa
um eðalföt á uppsprengdu
og eftir þeim svo hlaupa.

Hlaupabólan hressir menn og kætir.
Önugheit og ergelsi
algerlega bætir.

Bætir geðið bótasjóður tryggur
ef þú færð hann fyrir slikk
þá flögugull þú tyggur.

Tyggigúmí trauðla japla séður.
Heitir það í heimasveit
hrútajórturleður.

Leðurdvergar leika sér að kasti.
Renna þeir þá rassi á
þó risarnir það lasti.

Lastabæli liggur austan heiðar.
Oft af heilum hug ég fer
á höfuðleðursveiðar.

Veiðar eru vandamál í Kína.
Einkanlega á ísbjörnum
sem aldrey þar sig sína.

Sína mín er svakalega liðug,
spíkat bæði og splitt hún kann,
spengileg og sniðug.

Sniðugt er að snoða koll um sumur,
hárlubbann þó hafa skalt
ef hitinn skaðar frumur.

Frumur náðu' að frjógva eggin bæði.
Kýrin tveimur kálfum ber.
Kálfasteik er æði.

Æði margir ætla heim um jólin,
opna pakka, eta mat,
æða svo í bólin.