Sóðalegur Leirinn er
lappa vill hér skamma
Maður þykist meiri hér
má samt ekki gjamma.
Mér finnst skammir vera óþarfar en vinsamlegar ábendingar eins og Skabbi gerði ættu að nægja.
Gjamma hér og gaspra þar,
gerst hef kannski sekur.
Nú er ei sem áður var,
eg kann að þegja betur.
-------------------------------------------------------
[ Góð vísa, Andþór. Reyndar er smá vafamál í lokalínunni, en ég geri ráð fyrir að þú hugsir ´eg kann að´ sem þrílið, sem er í sjálfusér í góðu lagi. Heppilegri kostir hefðu getað verið:
eg kann þegja betur
- eða -
enn má þegja betur
- bkv. / Z N Ó J - ]
Betur Andþór ætlar sér
eitthvað nú að haga
ef hann líkist Hlebba hér
hann við munum laga
Lagaflóran flókin er
flókin reglu saga
Lagastafinn bókin ber
bók um reglur laga.
lagavísu lagði inn
langa krísudaga
bagar skvísu böllurinn
er bíðst hann Dísu að laga
Laga mætti þessa þjóð
þræla stjórnar okkar
Náttúrunnar sæta sjóð
sópa burtu flokkar.
Flokkar eru fæstir eins
föður ómynd mesta.
Hugar fóstur stáls og steins
stæling hins allra versta.
verst er hér að vera einn
voma yfir engu
koma bara svoltið seinn
sjá hvað hinir fengu.
Fengu oftast fisk úr sjó
flestir sem hér róa
Upprifinn fékk úldna skó
á öngla sína mjóa.
mjóa vísa mikils tel
máttu þetta prófa
ekkert ég þér fyrir fel
feitt í mínum lófa.
Lófa mér í lagið var
að laumast milli kvæða
Stafir þessir þáðu far
og þráðlaust hingað flæða
Flóðagátt minn grátur er
gaurinn illa séður.
Héðan brátt minn hlátur fer
hausinn græni kveður.
kveðju þína karlinn minn
kann ég ekki að þekkja
sú hefur komið áður inn
en þá varstu að blekkja.
Blekkingin var sett á svið
særði vin sem lifir
Þekkinguna verðum við
værðarlausir yfir
yfir mér er engin hér
alltaf fer ég góður
margur sér að mikið ber
mestur er ég sjóður
Sjóðurinn er særður hér
sættir allar dauðar
Eðalskáld sem skemmtu mér
skrifa síður auðar.
Auðar hlíðar en tímans tönn
tætir upp gróður víða.
Hugsaðu ei um boð né bönn
bæjinn þarf að smíða .
[Vantar ekki orðið Boð í þriðju línu... Skabbi]
Jú,jú.
Þakka þér kærlega, Skabbi ,
Smíðað hef ég húsin mörg
í hellinginn af kofum.
Samið ljóðin all oft örg
orti í mínum stofum.