— GESTAPÓ —
Langlokan - langþráður langlínuþráður
» Gestapó   » Kveðist á
     1, 2, 3, 4  
 • Svara • Vitna í •  Senda skilaboð Senda póst

Heil & sæl!
Hér er markmiðið að heildar-atkvæðafjöldi í 4ra línu vísu sé eigi undir 60 (sextíu).
Til þess þarf minnst fimm þríliðaðar kveður í hverja línu.
Hér þarf að huga vel að hrynjandi & stuðlasetningu, & því er allra vinsamlegazt mælzt til þess að hér skrifi
(til að byrja með a.m.k.) einungis þeir sem eru „í góðu formi“ bragfræðilega séð.

Nú tek ég til máls, hér á langlínuþræðinum langþráða;
lafmóður strax, eftir tuttugu atkvæð´er gesturinn.
Öryggisatriði: gefa skal hjartveikum gangráða
svo greyin steindrepi sig ekki við maraþonlesturinn.

Góðar stundir.

 • Svara • Vitna í •  Senda skilaboð Senda póst
Lostahross 5/12/04 16:51

Hugdjarfur stígur hann fram til ljúfrar langlokugerðar
lætur þó minni spámenn vita til syndanna sinna.
Hætti einn sér upp á dekk með ljóðvísur lítilsverðar
létt Znatan mun znýt’onum fimlega niður til hinna.

 • Svara • Vitna í •  Senda skilaboð Senda póst
Barbapabbi 5/12/04 17:54

Fín hugmynd, og ágæt þjálfun brageyrans.

Z. Natan Ó. Jónatanz lipur í langlokufræðunum
leggur til hugmynd sem eflaust mun geymast í skræðunum.
Fimm eru þríliðir festir í þessum hér ræðunum.
Fimlega bræður og systur nú hlúum að kvæðunum.

 • Svara • Vitna í •  Senda skilaboð Senda póst

Að lífið sé skjálfandi planta með eilífðar-ekkasog,
ábyggilega er satt, þótt það virðist hreint stórskrýtið...
þessvegna má ekki gleyma að gef´enn´að drekka - &
- Guðvorslands þessvegna skapaði blessað Á-kavítið.

 • Svara • Vitna í •  Senda skilaboð Senda póst
Haraldur Austmann 5/12/04 18:17

Í birtingu rumskar hann, berst við að halda sér vakandi,
búin er nóttin sem ljúf var með henni þar skakandi.
Heim til sín treglega á helvítis druslunni akandi,
heima er konan sem stendur þar foxill og bakandi.

 • Svara • Vitna í •  Senda skilaboð Senda póst

Laglega kveðurðu þríliðað, heiðraði Haraldur!
haglega meður orð þokkuð & brýnandi skínandi.
Daglega gleður mig, nýliðann, frábæri faraldur!
faglega séður, þótt nokkuð sé dvínandi vínandi.

 • Svara • Vitna í •  Senda skilaboð Senda póst
Enter 5/12/04 20:06

það ætti að banna svo déskoti margorðar vísur - og vers
sem vella hér þrútin og fánýtum tilgangi þjóna
ég hlýt því að spyrjykkur heiðruðu hagmæltu kappar - til hvers?
æ hættið að teygjennan lopa - og farið að prjóna!

 • Svara • Vitna í •  Senda skilaboð Senda póst

Prjónaskap eftirlæt þeim sem það hentar að hekla & sauma.
Hendell & Jóhannes, rituðu þeir kannski of marga tóna?
Í Sixtínsku krotaði Mikaelandséló mynd, ekki nauma.
Máske þeir félagar hefð´ átt að láta sér nægja - að prjóna...

 • Svara • Vitna í •  Senda skilaboð Senda póst
Hildisþorsti 6/12/04 03:19

Ég veit ekki hvernig í ósköpunum veltist ’hún vessa
ef væri hér bara einn knappur og aumingjans háttur.
Ef sæjuð þið meistara prjóna þá yrði sko heimurinn hissa.
Ég held bara’ að þetta sé gott. Og nú er ég sáttur.

 • Svara • Vitna í •  Senda skilaboð Senda póst
víólskrímsl 6/12/04 14:11

Margkvæðu ljóðin oss gleðja og gera að sínum
gerist það betra í heimi svo fullum af hnoði
Því meira kemst fyrir í ljóðunum margorðum mínum
sem mætavel skiljast þó lengingar við þau og loði.

Víólskrímsl - fréttaritari Ríkisútvarpsins frá fyrir neðan sjávarmál - Undirróðursráðherra Baggalútíu - meistari dulargervanna
 • Svara • Vitna í •  Senda skilaboð Senda póst
voff 6/12/04 16:52

Það er naumast aldeilis lengdin á ljóðunum þessum.
Lagt hef ég hausinn í bleyti og stend enn á gati.
Orðhengilsandskota hálfdauða hengjum og pressum.
Hundurinn lýsir á of langa vísnagerð frati.

Throughout your life advance daily, becoming more skillful than yesterday, more skillful than today. This is never-ending.
 • Svara • Vitna í •  Senda skilaboð Senda póst
Kynjólfur úr Keri 8/12/04 19:17

Þótt frati hér lýsi út fjólu-ljós-hel-bláu hundspottin.
hattberinn dökk-græni leggur á rímbrattann titrandi.
Hveljusog drukknandans heyrast er svamlar um sundpottinn,
seiglan þó langþráðarvísunni skilar loks, glitrandi.

 • Svara • Vitna í •  Senda skilaboð
Smali 8/1/05 00:51

Æ! skelfing er gaman að skyld´einhver fatt´a upp á þessu
því skorinort kvæði eru einungis leikfimi og barnaspil
svo gjarnan hjá Natani mæti ég hérna í messu
og mikið er gaman í áfengisdróma að vera til.

 • Svara • Vitna í •  Senda skilaboð Senda póst
voff 8/1/05 14:53

Nú eru loksins á enda þau andskotans leiðinda jólin.
Og enn eru fjölmargir mánuðir til þeirra næstu.
Smásaman ofurhægt hækkar að lokum helvítis sólin.
Held ég næst bragði á súrmat og hvalketi kæstu.

Throughout your life advance daily, becoming more skillful than yesterday, more skillful than today. This is never-ending.
 • Svara • Vitna í •  Senda skilaboð Senda póst
Isak Dinesen 11/8/05 16:37

Þessi þráður á nú skilið að lifa lengur (og fyrsta vísan er frábær).

Sextíu atkvæðin pínlega pikka ég rangeygður,
pirraður, titrandi, skjálfandi, gónandi, vælandi.
Næstsíðust ljóðlínan - síðustu bíð eftir langeygður
svo lafrast á klósettið haltrandi, þar ég krýp ælandi.

 • Svara • Vitna í •  Senda skilaboð Senda póst
B. Ewing 11/8/05 23:31

Sem bragarsmiðs-rati og ljóðlínu þumalputt'klaufi
en langloku-orðagerð-meistari hlýt ég
að fagna með hrópum því markverða orðhenduslaufi
sem birtist mér óvænt í dag, því ei lýg ég.

kann ekki að dæma um gæði, einkunn.. Frá einhverjum sérfræðingnum ef til vill??

Siglingafræðingur Baggaflugs, teningaspilahúsasmíðameistari Baggalúts. •  • Stýrimaður Fjárfestinga og Margfeldisútvíkkunar Baggalútíska Heimsveldisins •  • Tryggingaráðherra Baggalútíu. Sendiherra S-Ameríku og Páskaeyju.
 • Svara • Vitna í •  Senda skilaboð Senda póst
B. Ewing 18/10/05 16:41

Rigsandi kem ég og reyni að lífga við dauðan þráðinn
en rasandi hissa sé ég að enginn er mættur.
Bölvandi finn ég að fljótlega snýr aftur rímna-kláðinn
og fimlega klóra og klóra unz vel ég er tættur.

Siglingafræðingur Baggaflugs, teningaspilahúsasmíðameistari Baggalúts. •  • Stýrimaður Fjárfestinga og Margfeldisútvíkkunar Baggalútíska Heimsveldisins •  • Tryggingaráðherra Baggalútíu. Sendiherra S-Ameríku og Páskaeyju.
 • Svara • Vitna í •  Senda skilaboð Senda póst
Skabbi skrumari 12/9/07 09:15

Á dauðanum mínum ég djöfulli átti von víst
en dásemd er þráður og kviknar hann núna í sátt
því langur víst er hann og leggja meir við hann þú kýst
því lokan er endalaus, þar jafnan er þónokkuð kátt.

To live outside the law, you must be honest.
     1, 2, 3, 4  
» Gestapó   » Kveðist á   » Hvað er nýtt?
Innskráning:
Viðurnefni:
Aðgangsorð: