Ég sé sól og rigningu á veðurkortinu. Dæmigert íslenskt veðurfar.
Allt á einum stað? Þá verð ég að vera í regnstakk á Húsdýragarðinum annaðkvöld. [/s]
Skuggabaldrar, skoffín, grasate (eitthvað fyrir þig), varðeldur, kynjaverur, spákona (hef í mörg ár reynt að komast að, en nenni aldrei að standa í röðinni), talandi beljur og almenn skemmtilegheit.
Ja hérna hér. Þetta hefur einhvern veginn algerlega farið fram hjá mér. Hefur þessi hátíð verið haldin oft?
Ég veit alltaf um allar 'obskúrar' hátíðir á höfuðborgarsvæðinu.
Húsdýragarðurinn hefur verið með opið á Jónsmessunótt undanfarin 5- 6 ár. Opnar kl. 11 og lokar aftur kl. 1, ef mig misminnir ekki.
Það er alltaf voða gaman og góð stemming. Svo er tilvalið að fá sér hressingu eftir miðnættið í kaffihúsinu, þegar maður er búinn að hlusta á kýrnar tala.
-- en best er að fá sér te fyrst. Til varnar. Ekki satt?
Já, afsturlunarteið er eina teið sem ég læt inn fyrir mínar varir, ótilneydd.
Graskögglateð er hins vegar ótrúlegur viðbjóður - varist það, Bagglýtingar!
Afsturlunarteið? Hvað er nú það?
Grájarlsteið er sígilt, svartberjate er líka gott. Kann ekkert á græn te, þó það sé upprunalegra
Starfsfólk Húsdýragarðsins hefur af fyrirhyggju sinni bruggað sérstakt te til að varna því að gestir missi vitið þegar þeir heyra kýrnar tala á miðnætti. Verandi sérlega hjátrúarfull drekk ég alltaf vænan sopa af brugginu og hef haldið geðheilsunni merkilega vel til þessa. sjö-níu-þrettán
Aaah ég skil. Nú vakna upp grunsemdir í huga mínum. Getur verið að starfsfólk húsdýragarðsins setji 'ímyndunarörvandi' efni í bruggið til þess að tryggja að fólk heyri kýrnar tala en selji það síðan sem vörn gegn sturlun er fólk heyrir beljurnar tala?
Hmmm..
Horfir á heimsmynd sína hrynja til grunna Áttu við að ég hafi verið blekkt?!
Hver veit mín kæra, hver veit.
Það er ljóst að hér getur verið athyglisvert sakamál á ferðinni.
Gerum vísindalega tilraun: Ég fer og drekk afsturlunarteið og hlusta á kýrnar, þú sleppir teinu, en hlusta líka, svo berum við saman bækur okkar.
Hér gæti verið á ferð einstakt tækifæri til að afhjúpa umfangsmikið samsæri frímúrara, starfsfólks Húsdýragarðsins, grænfriðunga og Vestmannaeyinga.