Ég var að velta því fyrir mér andvaka hvort væri ekki rökrétt að skipta orðskrípinu "rýni" út með "fyrirlit".
Allir vita hvað eftirlit á framkvæmdum þýðir, þ.e.a.s. fylgjast með einhverju eftir að framkvæmdin hefst.
Er þá ekki rökrétt að hið svo kallaða "rýni", sem yfirleitt á sér stað áður en framkvæmd hefst, sé fyrirlit?
Þetta heldur manni nú vakandi um þessar mundir.
Með vegsemd og virðingu, Grikkur.
P.S. Þessi skilaboð voru fyrirlitin áður en þau voru send af stað!
Vér höfum æ skilið rýni framkvæmda eftir að athöfninni lýkur. Fyrirlit er þó hin ágætasta viðbót við orðaflóruna hér, og teljum vér það orðið vel nothæft í hófi.
Er fyrirlit ekki eitthvað sem er ómálað?
Hvað ef það er málað í svörtu og hvítu?
Mætti þá ekki alveg eins kalla það eftirlit?
Fyrirlítur nýliðann Kannski er best að hafi þig undir eftirliti fyrstu dagana.
Það, Billi, þykir oss eigi samrýmast rökum nógu vel.
Þegar búið er að setja lit á, jafnvel svartan og hvítan, erum við þá ekki komin í eftirlit?
Samkvæmt náttúruheimspekinni er svartur fjarvist allra lita (ólit), en hvítur nærvist allra lita (allit). Hin lægri alþýðuvísindi flokka stundum ólit og allit sem einlit, en þetta er rangt.
Hvað ef það er málað í svörtu og hvítu?
Ertu þá ekki að mála (eða réttara sagt lita) þegar þú málar í svörtu og hvítu?
Ertu þá að aflita?
Þannig að mafíósar og ljóskur eiga það sameiginlegt að vera aflituð.
Samkvæmt náttúruheimspekinni er svartur fjarvist allra lita (ólit), en hvítur nærvist allra lita (allit). Hin lægri alþýðuvísindi flokka stundum ólit og allit sem einlit, en þetta er rangt.
Skil jeg þá rétt að svart sé aflitað?
Það þyrfti kannski að segja íbúum Selfoss frá þessu
Þannig að fólk hefur verið að fara í allitun öll þessi ár?
Það lítur svo sannarlega út fyrir að þeir sem versla sér aflitun hafi verið blekktir hingað til.
Er þetta svo gróft að hafa þurfi samband við neytendastofu?
Hafi aflitað fólk verið blekkt, er það væntanlega orðið blakkt. Á Selfossi hlýtur því að vera stærsta blökkumannasamfélag landsins. Hefur einhver gert á þessu faraldsfræðilega greiningu?