Ég er í smá tilvistarkreppu varðandi hvernig jólatré ég á að hafa um jólin. Mamma og pabbi voru með gervitré með ökklasíðu englahári sem brann ein jólin. (H)exið heimtaði lifandi jólatré og þannig var það, þangað til mér var kastað út á götu eins og ofþornuðu jólatré og hef ég ekki borið barr mitt síðan. Núna langar mig til þess að rífa mig upp úr þessari ójólalegu tilveru minni. Ég óska eftir ráðleggingum. Hvernig jólaté ætlið þið að vera með ???

Ódýrast er að vera með stórt plakat með mynd af grenitrje. Sje kostnaður hinsvegar eigi vandamál mælum vjer með risafuru eða strandrisafuru ‹Ljómar upp við tilhugsunina um meira en 1000 tonna þungt jólatrje›.

Ég hef einmitt haft það sama og exið vildi, ekta jólatré sem var hrynjandi undan eigin þunga í hvert sinn sem blessuð börnin, hundurinn eða kötturinn hlupu á það eða héngu í skrautinu. Þannig að plakat er snilldarhugmynd og svo líka gervi sem er hægt að fá í öllum verð flokkum og litaafbrigðum.‹Ljómar upp› Ég ætla að fá mér bleikt.

Snilld! Plakatið er lausnin fyrir svona 6 fermetra risherbergi eins og ég er í! ‹Ljómar upp eins og Oslóartréð þegar Villi kveikti á því›

Samkvæmt mythbusters er besta leiðin til að halda nálum á trénu hárlakk, spreyja vel yfir tréð. En ekki búast við því að það verði jafn grænt og án þess þó það muni líta vel út. Svo á viagra að virka vel.

Það á ekki að vera vandamál með plakattrén. Þau eru sérlega barrheldin að mér er tjáð.‹Gefur frá sér vellíðunarstunu›

Ég keypti mér æðislegt jólatré fyrir nokkrum árum síðan.
Það á víst að vera óbrennanlegt og því nokkuð öruggt.
Keypti það af skátunum ef ég man rétt.
Fokdýrt dót, en alveg þess virði því það er fallegt, stórt og sígrænt ‹Ljómar upp›

Ég sá eitt andskoti fallegt á Laugarásvegi (segi ekki númer hvað)
Annars eru falleg tré í mörgum görðum, það er bara að rúnta um bæinn og finna þau.
Svo er bara að mæta með öxina á Þorláksmessunótt.
Oft nær maður í seríuna á sama stað en nú er ég búinn að velja mér eina í Grafarvogi.
Ég var full grófur á því í fyrra. Ég sit uppi með um sextíu seríur sem ég mundi gjarna vilja selja fyrir slikk.
Hefur einhver áhuga?

Ég mæli með jólaherðatré. Á það má svo hengja ljótu peysurnar og bindin sem þú hefur fengið í gegnum árin.

Ég gæti hugsað mér 1/2 jólatré upp við vegg. Eða jafnvel 1/4 sem færi vel útí horni. Vill einhver deila með mér jólatré?

Var að setja litla gervijólatréð mitt í samband. Það er með ljósum sem hægt er að stilla á mismunandi blikk. Það vita nú allir hversu ómissandi blikkljós eru fyrir jólaskapið .

‹Ljómar upp›

Mér finnst þau reyndar mjög missandi.

Annars á ég lítið og sætt gervitré sem ég hugsa að ég fari að ná í úr jólakassanum á næstu dögum. Það er nógu lítið til að komast fyrir uppi í hillu og er ekki fyrir neinu...

Þarna er ég furðanlega sammála þér Vladimir, fura er það og fura skal það vera.‹Stekkur hæð furutrésins stórfenglega›

Já reyndar, ég var búin að gleyma því að blikkljós eru mjög missandi um jól og reyndar alltaf.
Jólatréð er komið á stillingu með stöðugum ljósum.

Ég myndi saga út þríhyrning, þeirrar gerðar að löngu hliðarnar er tvisvar sinnum lengri en sú stutta. Til að gera tréð jólalegra er hægt að mála það grænt og skreyta með límmiðum eða öðru jóladrasli nú eða þá líma á það jólapappír. Þetta tré getur þú hengt upp á vegg og dansað fyrir framan það.

Sökum alvarlegs skorts á gólfplássi í íbúðinni verður ekkert jólatré hér.

Þá getið þjer hengt upp plakat, líkt og vjer nefndum sem möguleika í fyrsta innleggi voru í þræði þessum.

Þeir ættu að framleiða gólfmottur með mynd af jólatré (séð ofanfrá). Þær taka lítið pláss, en hafa þann kost að hægt er að ganga í kringum jólatréð og syngja jólalög.