Vjer rákum augun í eftirfarandi athyglisverða texta í undirskrift salvadors:

Munið að nú er bara 2 mánuðir til jóla ATH ATH • - • EF VIÐ FLYTJUM JÓLIN TIL 18 NÓV. ER MINNA EN 2 MÁN. TIL JÓLA • ( þessi undirskrift er með afbrigðum víðsjálverð!)

Þetta rifjaði upp fyrir oss þá merku sögulegu staðreynd að árið 2003 hjeldu flestir Bagglýtingar upp á jólin 18. nóvember, að oss minnir í þeim tilgangi að stytta hið langa tímabil fyrir jól er einkennist af auglýsingaskrumi.

Nú er stutt er í jólaauglysingar (vjer sáum þá fyrstu í ágúst sl.) er eigi seinna vænna en að taka ákvörðun í þessu mikilvæga máli. Til viðbótar ofangreindu er aðfangadagur á laugardegi, þ.e. (nær) ekkert frí. Leggjum vjer til að jólin verði í október (*) eða nóvember að þessu sinni.

(*) Man einhver hvort þjóðhátíðarmánuður Baggalútíu er í október eða febrúar ? Vjer höfum gleymt hvor mánuðurinn er fyrir þjóðhátíðina og hvor er fyrir 'prufukeyrslu' á þjóðhátíðinni ‹Veltir fyrir sjer hvort það teljist þjóðarskömm að forseti baggalútíska heimsveldisins muni eigi tímasetningu þjóðhátíðar›.

jég hef alltaf verið talsmaður frjálslyndra jóla og mæli eiginlega með að reyna næst svokölluð górillu jól. Þar sem jólunum verður bara skelt á með nokkra daga fyrirvara... HA HA ! Þá geta þeir bara reynt að auglýsa‹Styður báðum höndum á mjaðmir, hallar sér aftur og hlær eins djúpum hlátri og unnt er›

Forseta vorum til fróðleiks og upplýsingar skal hér tekið fram að þjóðhátíðarmánuður Baggalútíu er október, en svo skemmtilega vill til að afmæli konungs og drottningar ber upp í þeim mánuði. Sú staðreynd, auk almenns og átakalegs skorts á frídögum á þessum árstíma réði mestu um að október varð fyrir valinu sem sérstakur hátíðarmánuður.

Ég legg því til að viku eftir að almennum hátíðarhöldum lýkur 31. október hefjist hin bagglýtísku jól, sem síðan standi sleitulaust til 20. janúar þegar vér fögnum Þorra og hyllum bændur.

Með því móti er sæmilega langt jólafrí tryggt.

‹Muna: Fá mun stærri upphæðir úr sameiginlegum sjóðum Baggalútíu til að standa straum af kostnaði vegna fyrirhugaðra hátíðarhalda í október; múta Hilmari Harðjaxli skattstjóra með ís, ef ekki vill betur til.›

Jól?! Ég hata jól. Ég hef alldrei drepið jólin (enda eitt af því sem er ekki hægt að drepa), heldur einungis drepið stemminguna hjá einstaka fjölskyldum hér og þar.

Já verður að undirbúa þetta almennilega.

‹Lætur ræna og rupla Rómarborg til að undirbúa októberfestið. Lætur flytja Cólúseum stein fyrir stein yfir í einn af skemmtigörðum konungdæmisins›

Við getum haft glæsileg gladíadórasjóv. Nóg er líka af föngum í ‹hóstar›-ey til að varpa fyrir ljónin.

Hversu mikið mál var þessi flutningur ? Hafi þetta eigi verið of tímafrekt/flókið í framkvæmd erum vjer nefnilega að hugsa um að flytja Vladikanið í einn af görðum forsetahallarinnar og gefa þar með forsetafrúnni virðulega þjóðhátíðargjöf. Oss sjálfum munum vjer svo gefa gjöreyðingarvopn í þjóðhátíðargjöf svo unnt verði að hafa glæsilega 'flugeldasýningu' í tilefni þeirra hátíða er framundan eru ‹Leggur undir sig smáríki í Afríku og breytir því í kóbaltnámu til að knýja gjöreyðingarvopnin›.

Ég er að íhuga að flytja pýramídana og sfinxinn í bakgarðinn hjá mér. Það gæti verið góð líkamsrækt að klífa uppá topp endrum og sinnum. Svo hefði Consuela bara gott af að þurrka af sfinxnum annan hvern dag; nógan frítíma virðist sú kona hafa.
‹Muna: Lækka laun þjónustufólksins til að vega upp á móti nauðsynlegum útgjöldum vegna fatakaupa fyrir hátíðarhöldin›

Hann var alls ekki mikið mál. Með nýjustu tækni tókst mér að flytja þetta á mettíma. Ég notaði skrilljón leðurdverga. Kóbaltknúið ofurhafsskip á stærð við Vestmannaeyjar komu síðan með varninginn og leðurdvergarnir hlóðu þetta upp eftir teikningu.

Þeir eru eins og maurar blessaðir leðurdvergarnir mínir.

Það ætti að vera lítið mál. Við getum komið fyrir þægilegum nuddpotti á toppnum. Það yrði ágætt að slappa af þarna uppi og horfa niður á pöpúlinn, jafnvel gætum við komið upp grillaðstöðu á næsta þrepi svo Consúela geti grillað handa okkur þegar hún er búin að dusta af píramíðanum.

Þá ættum vjer að geta flutt Vladikanið með sömu aðferð fyrir októberbyrjun svo þjóðhátíðargjöfin til forsetafrúarinnar verði tilbúin í tíma ('því miður' verður sökum þessara stórframkvæmda eigi unnt að gefa pöpulnum neina þjóðhátíðargjöf, a.m.k. eigi frá forsetaembættinu). Oss virðist sem vjer þurfum að fá lánað eitthvað af leðurdvergum vegna þessara framkvæmda ‹Laumar þykku, brúnu umslagi til Hakuchis›.

Ekki málið.

‹Tekur við umslaginu›

‹Nokkrir trukkar fullir af sprækum leðurdvergum yfirgefa leynilega klónunarverskmiðju Hermálaráðuneytisins›

Tja.. í mínum uppvexti sagði faðir minn "Ja Doofy minn nú eru jólin". Og það var ávallt þegar hann keypti Vodka fyrir fyrstu helgina í Ágúst. Eftir að ég komst sjálfur af barndómsskeiðinu hef ég nú alltaf haldið í þessa hefð og látið mér fátt um finnast þetta helv..... skrum í desember.

Ég er svo að skipuleggja kappakstur með ítölskum sportbílum og glæsikerrum sem ég fékk ''gefins'' eftir hernám Ítalíu. Ég auðgaðist ''smá'' á hernáminu og splæsi hluta þess í risastóra kappakstursbraut, ágóðinn af sölu miða fer auðvitað beint til ríkisstjórnar.
Í kappakstrinum er auðvitað lögð meiri áhersla á klessubílaakstur heldur en að keyra í hringi.

Ég hef tekið eftir að glysgirni mikil hefur tekið um sig og eru menn að sanka að sér ýmsum "hlutum" sem gaman getur verið að eiga.

Leita ég því að tilboðum í að flytja kínamúrinn hið snarasta að óðalssetri mínu.

Þetta líst oss vel á með einni undantekningu: 20. janúar er orðið svo stutt í febrúar (en þá er 'prufukeyrsla' þjóðhátíðarhaldanna er verða í október 2006) að það tekur því eigi að hætta hátíðarhöldum þá. Best er að halda þeim áfram til febrúarloka ‹Ljómar upp›.

Varðandi áform albins þá líst oss afar vel á þau en bendum þó á að líklega þarf sökum lengdar Kínamúrsins að breyta legu hans örlítið og láta hann mynda 'spíral'. Svo viljum vjer fyrir hönd forseta-, konungs- og keisaraembætta Baggalútíu harðneita öllum ásökunum um glysgirni ‹Veltir fyrir sjer hvar á forsetahallarsvæðinu sje hægt að koma fyrir listaverkaránsfeng úr hernaði þeim er nýlokið er á Ítalíu (Flórens)›.

Hvað segiði um 32 Desember.

Árið tvöþúsund og Janúar.

Sérkennileg þessi hugmynd um hringrás tímans sem kemur fram með endurtekningu mánaða og daga. Nú hygg ég að flestir fatti að tíminn er línulegur og haustið í fyrra er ekki sama og haustið í ár. Það haust er búið og kemur aldrei aftur. Samt er mánuðurinn nú skýrður september, rétt eins og mánuðurinn fyrir 12 mánuðum síðan. Betri hugmynd er að hafa áframhaldandi röð í talningu daganna, svona eins og í Star-Trek þar sem stjörnudagarnir eru í áframhaldandi röð og í stað klukkustunda eru mældir hundraðshlutar af deginum og það síðan sýnt með því að bæta tveimur aukastöfum við númer dagsins.