Samþykkt fyrir mína parta, vér leggjum til að þér verðið bæði íþrótta- og kvennamálaráðherra. Það er eigi vanþörf á að staðla íþróttakappleiki, t.d. er með öllu ótækt að eigi skuli liggja sama refsing við leikbrotum í handbolta, fótbolta og körfubolta. Verður að viðurkennast að hálf vandræðalegt er að oss skuli hafa sést yfir þessa mikilvægu staðreynd þar til nú.

Til að fyllsta jafnréttis og jafnræðis sé gætt verður síðan Úrsus karlamálaráðherra.

Frábært! Kemur sér vel nú þegar öll stjórn landsins er í höndum karlmanna.
‹ Nýr höndunum græðgislega saman ›

Verða drykkjuleikir samþykktir sem íþróttagrein?

Já en það þarf að festa reglur um slíka iðju í sessi.

Tilkynning hefur borist til mín um að kúin sem fjallað er um í grein þessari:
http://baggalutur.is/rit.php?id=2155
er fundin.

Vladimir, ég gef þér hér með fullt leyfi til þess að klóna þessa kú í ótakmörkuðum eintökum í hernaðarlegum tilgangi.

Vér vekjum athygli á að vér höfum uppfært ráðherra- og embættismannalistann í síðu 14 í þræði þessum til samræmis við nýjustu breytingar.

Beljuklónun er þegar hafin og erum vér í þeim tilgangi að íhuga að stofna svosem eins og eina nýja stofnun, Beljuklónunarstofnunina rhf (ríkishlutafélag).

Það er ekki andskotalaust að koma á jafnrétti hér í þessu landi baggalúta. ‹Dæsir mæðulega›
Oft hefur sá grunur læðst að mér að hér inni hangi tómir karlmenn í versta skilningi þess orðatiltækis en nú þykir mér það full sannað. Ég hélt að þetta kjaftæði væri bara í nösunum á ykkur en nú eruð þið karlremburnar búnir að koma upp stjórn sem eingöngu er skipuð kalrmönnum. Svei ykkur og vonandi sleppið þið aldrei út í blákaldann raunveruleikann. ‹Blótar herfilega og rífur hár sitt›
Mér þótti nokkuð sniðugt framan af hvernig þið veltust um á ykkar sorglega skítahaug og virtust ekki hafa minnsta skilning á jafnrétti kynjanna, hvað þá áhuga á því að fræðast betur um málið. ‹Hækkar róminn› Nú er mér alveg nóg boðið ‹Strunsar út af sviðinu í skotþungu skapi, það má sjá móta fyrir sporunum í stéttinni hvar steypan hafði bráðnað undan fótum hennar›

Í firsta lagi ég er ekki maður, (ég er mun skildari humri) þó ég verði að gangast við því að vera karl.

Í annan stað er ég ekki tómur heldur a.m.k. rall hálfur.

Skál

Svona svona feministi! Ég er alveg fullviss um að þessi stjórn endurspegli á trúverðugan hátt kynjaskiptinguna á þessum vefsamkomustað. Ef menn vilja halda því fram að það sé af einhverjum öðrum ástæðum þá er þeim frjálst að halda því fram. Annars þýðir ekkert að vera með vælutón til þess að ná sínu fram það espar menn einungis upp. Ég á mjög bágt með að halda aftur af mér sjálfur.

Vér erum því sammála að ráðuneytaskiptingin endurspeglar að verulegau leyti kynjaskiptinguna hér (þó er 100% e.t.v. aðeins of mikið af því góða en er það eigi þannig að meirihlutinn ræður ? ;-) ) en einnig er það til þess fallið að flækja mál við stjórnarmyndun ef óskir um ráðherraembætti eru óskýrar. Ef einhver segir efnislega "ég ætla að vera ráðherraráðherra" liggur allt ljóst fyrir en ef einhver segir "ég ætla hugsanlega að vera þessi eða hinn ráðherrann" og svo fylgja e.t.v. einhver óljós skilyrði með er aðeins erfiðara um vik.

Annars er að sjálfsögðu endalaust hægt að bæta við ráðherraembættum ef áhugi er á slíku enda nauðsyn að sem flestir/flestar hafi góð eftirlaun er ellin sækir að.

Nú eru bæði Sirrý og Leia prinsessa í skjaldarmerki Baggalútíu, ef það er ekki spor í átt til jafnréttis þá veit Nykur eigi hvað því ekkert er kvenndýrið á því íslenska.

Svo má náttúrulega ekki gleyma að Femínista var boðið kvenráðuneytið, sem viðleitni til átt að jafnrétti, en hún guggnaði á því. Ætli konur séu hræddar við völd?

‹Hoppar í felur og bíður spenntur eftir að femínisti springi af bræði›

Nú og svo má auðvitað bæta jafnréttisráðherra við til viðbótar karla- og kvennamálaráðherra en þá er það að sjálfsögðu skilyrði að jafnréttisráðherrarnir yrðu tveir, annar karlkyns og hinn kvenkyns.

Eða einn hvorugkyns náttúrulega.

hahahahahahaha

Er hvorukyns ekki frekar ónáttúrúrulegt?

Hvað með þá hugmynd að koma á fót stofnun sem héti Kvenréttindanefnd eða Rannsóknarstofa í kvennafræðum þar sem eingöngu konum væri gefin kostur á að starfa og að "kvennamálum", þetta eru fyrirbæri sem til eru í dag og þær tækju því fegins hendi ef við góðfúslega leyfðum þeim að starfa áfram. Þessi nefnd/stofa væri að sjálfsögðu innan jafnréttisráðs sem aftur væri innan Karlamálaráðuneytis. Með þessu myndum við koma til móts við jafnræðiskröfum kvenna hliðholla málstaðnum og byltingunni sem og auka hlut kvenna almennt í Lýðveldinu Baggalútíu. Eins myndu stelpunum finnast við vera voða sætir að leyfa sér þetta og töluverðar líkur eru á að þær gefi okkur smá "sykur". (Eða eins og segir í dægurflugunni "pota í sig miðja")

Með von um jákvæðar undirtektir,
Nykur, starfandi Forsætisráðherra Baggalútíu
Baggalútíu allt! ‹Starir þegjandi út í loftið með hökuna fram og eilitla skeifu á munnvikunum að hætti Mússólínis›

Hvernig væri nú bara að sameina alla saumaklúbba landsins í einn?

Mikill Hákon
Landbúnaðarráðherra

‹Opnar vínskápinn og fær sér vænan slurk af stút af Black Bush flöskunni›
Nú er illt í efni. Undirritaður var núna rétt í þessu að ná að sleppa úr prísund kvenréttindasinna sem höfðu í fáfræði sinni haldið að félagsmálaráðherra hefði eitthvað með jafnrétti að gera. Það er auðvitað almenn vitneskja að helsta og nánast eina hlutverk mitt er að skrifa undir ávísanir til handa þeim er ekki geta haldið í vinnu ellegar eru einfaldlega latir. Héldu þær mér föngnum á stað sem líktist Volkswagen rúgbrauði að innan, og þó svo að mér hafi verið boðið brauð og viskí hefði verið óhæft að þiggja slíkt af kvenvörgunum ‹Brestur í óstöðvandi grát og fær sér meira af Black Bush› Í ljósi þess að ætla má að jafnréttindasinnar þessir muni nú taka til við að nema á brott ráðherra í stórum stíl væri sniðugt að byrja að halda skrá yfir yfirlýstar kvenrembur og fá þær til ótilgreindra leynistarfa fyrir utanríkisþjónustuna, og senda þær þá helst léttklæddar til Svalbarða. ‹Fær sér einn klaka og vænan slurk af viskíinu› Síðan væri hægt að skipa einn kvenkyns ráðherra til þess að þurfa ekki að vera að ferja vargana til Svalbarða. Mér líst þó betur á Svalbarða hugmyndina. ‹Klárar úr viskíflöskunni, gefur frá sér vellíðunarstunu og óskar öllum lesendum Gestapó gleðilegra jóla›