— GESTAPÓ —
Enn er henzt á oddum
» Gestapó   » Kveðist á
        1, 2, 3 ... , 20, 21, 22  
 • Svara • Vitna í •  Senda skilaboð Senda póst
Bakaradrengur 18/9/22 22:16

Spáðu ey í spekingsgrey
sem sprungnu fleyi siglir.
Við hann svei skal segja og nei
er svart það grey sig ygglir.

Hver hefur svo sem ekki ruglast á teskeið og kílói?
GESTUR
 • Svara • Vitna í •  Senda skilaboð Senda póst
Bullustrokkur 19/9/22 18:40

Ygglibrún nefnd oft var hún.
Oft á spún sér veiddi ufsa.
Breiddi dún og töðu á tún.
Tótu Rún sig nefndi lufsa.

 • Svara • Vitna í •  Senda skilaboð Senda póst
Bakaradrengur 21/9/22 20:34

Lufsan hefur lagst í kvef
sem lekur nefi úr.
Ég hana sefa og henni gef
hugljúf stef, og kúr.

Hver hefur svo sem ekki ruglast á teskeið og kílói?
GESTUR
 • Svara • Vitna í •  Senda skilaboð Senda póst
Bullustrokkur 23/9/22 19:57

Kúri heima hug læt sveima,
herkinn dreymi afrek mín.
Reyni að gleyma er fögur feima
fór að teyma mig í dý.

 • Svara • Vitna í •  Senda skilaboð Senda póst
Bakaradrengur 25/9/22 00:26

Dý ég leit hvar lá í geit,
það lífið sleit úr henni.
Áður heit sú huðna á beit
sig hélt, vel feit, frá Enni.

Hver hefur svo sem ekki ruglast á teskeið og kílói?
GESTUR
 • Svara • Vitna í •  Senda skilaboð Senda póst
Bullustrokkur 26/9/22 12:26

Ennið hátt og hárið grátt,
heldur fátt hann sagði.
Hló þó lágt er kvenfólk kátt
kom í gátt og þagði.

 • Svara • Vitna í •  Senda skilaboð Senda póst
Bakaradrengur 27/9/22 22:44

Þagði ég er tungan treg
tölti veginn breiða
heim nú þegar hún mig dreg-
ur hinsta í legstað bleyða.

Hver hefur svo sem ekki ruglast á teskeið og kílói?
GESTUR
 • Svara • Vitna í •  Senda skilaboð Senda póst
Bullustrokkur 28/9/22 23:56

"Bleyða, gunga" gjarnan sungu
gumar ungir er sáu mig.
Úr hlátri sprungu er heyrðu af tungu
hrakorð þung er féllu um sig.

 • Svara • Vitna í •  Senda skilaboð Senda póst
Billi bilaði 30/9/22 16:38

Sigurður, einn Sigurðs bur,
situr kjur í starfi.
Ósköp luralegur þur-
s er lepur smur úr skarfi.

Sérlegt hirðkrútt og gæludýr hinnar keisaralegu hátignar • Sitjandi á kornflögu, bíð ég þess að vagninn komi
GESTUR
 • Svara • Vitna í •  Senda skilaboð Senda póst
Bullustrokkur 1/10/22 18:54

Í skarfafar ég fór oft þar.
Fuglinn skar og sló ég niður.
Fugla bar eg myrta á mar.
Móti var þeim tekið viður.

 • Svara • Vitna í •  Senda skilaboð Senda póst
Bakaradrengur 6/10/22 00:27

Viðurkennum væna menn
sem vekja enn upp blóðið.
Þó yfir fenni alla senn
mun okkur brenna ljóðið.

Hver hefur svo sem ekki ruglast á teskeið og kílói?
GESTUR
 • Svara • Vitna í •  Senda skilaboð Senda póst
Bullustrokkur 10/10/22 19:01

Ljóð mitt þótti leitt og ljótt;
laust við þrótt og sköpun.
Dæmdist skjótt það slæmt og sljótt
og slakt með gnótt af öpun.

 • Svara • Vitna í •  Senda skilaboð Senda póst
Bakaradrengur 11/10/22 22:27

Öpun mín var aðeins grín
svo ekki hrína, vinur.
Þá í mér pínan eykst, ófín,
og ég dvína, linur.

Hver hefur svo sem ekki ruglast á teskeið og kílói?
GESTUR
 • Svara • Vitna í •  Senda skilaboð Senda póst
Bullustrokkur 13/10/22 18:55

Linur er að leika mér.
Löngum ver ég mínum tíma
að fægja gler hjá frelsisher
og fikta hér við ljóð að ríma.

 • Svara • Vitna í •  Senda skilaboð Senda póst
Bakaradrengur 15/10/22 14:59

Ríman löngum lá að söng
og lögin ströng ey dugðu.
Eftir göngur orðin röng
oft í þröng menn tuggðu.

Hver hefur svo sem ekki ruglast á teskeið og kílói?
GESTUR
 • Svara • Vitna í •  Senda skilaboð Senda póst
Bullustrokkur 18/10/22 13:43

Tuggði mat er í mér at
ungi kratinn gerði og skvetti
úldnu hrati á mitt fat.
Allan ratinn þá sig fetti.

 • Svara • Vitna í •  Senda skilaboð Senda póst
Bakaradrengur 19/10/22 22:05

Fettish hef ég fært í stef
og fínt með nefi sungið.
Ef um þú krefur, upp ég gref
þó undir ref sé stungið.

Hver hefur svo sem ekki ruglast á teskeið og kílói?
GESTUR
 • Svara • Vitna í •  Senda skilaboð Senda póst
Bullustrokkur 21/10/22 17:42

Stungum af og út á haf.
Engin krafa borguð var.
Eftir skraf þá sætt ég svaf.
Sagði vafa um mitt svar.

        1, 2, 3 ... , 20, 21, 22  
» Gestapó   » Kveðist á   » Hvað er nýtt?
Innskráning:
Viðurnefni:
Aðgangsorð: