Hvíta daga hverf ég inn í hvolfið svarta.
Alltaf flý það allt of bjarta.
Bjarta daga Bjarni góði Ben mun líta.
Vonast ég þá vel að nýta.
Nýtast munu nálar vel við netasauminn
ef þú þarft að elta drauminn.
Draumur minn um daglegt brauð og dóp og vímu.
Yrkja vil í okkar rímu.
Rímuna ég reyndi við en rak í vörðu
er vildi gjalda hart með hörðu.
Harða brauðið beit ég í og bragðgott þótti.
Fyllti það mig fjöri og þrótti.
Þróttinn hef ég þurft að nýta þeg'r á dalnum
harðnar og mín vé í valnum.
Valið stóð um varnir eða varnarleysi
Þetta mál er -erfitt geysi-.
Geysir hefur gosið oft en gýs ey lengur.
Settu í hann sápu, drengur.
Drengur góður Denni var hinn dæmalausi,
en hætti aldrei heimskurausi.
Rausið sem að rann á milli rúmra eyra
vildi enginn hérna heyra.
Heyri ekki hlátrana sem hljóma viða
Flestir mig æ niðra og níða.
Níðangur er nafn sem ætti að nota meira.
Heiti gott á hraun, og fleira.
Fleira tel ég fæðu vera en feita ketið,
en einatt þó það mest er metið.
Metið féll og mikið varð þá mærin glöð.
Afskaplega er hún hröð.
Hraðar eru hendur þegar hnupla í búðum
Kaffi, sykri, sultu og snúðum
Snúðum hef ég snúið frá og snakki feitu,
sýp ey lengur sykurbleytu.
Bleyti kringlu í kaffi mínu köldu og römu
Byrja á væli vorkunsömu.