Ætli komi aftur ber
eftir þennan vetur?
Sjaldan kemur sumar hér
ef sólina þú étur.

Versnar hagur versna kjör
ef verkalýður þénar.

Versnar hagur versna kjör
ef verkalýður þénar.
Af mér kroppuð er hver spjör
og eftirhreytur klénar.

Það var sem við manninn mælt
er mættir þú á svæðið

Það var sem við manninn mælt
er mættir þú á svæðið
og þegar höfðu allir ælt
upphófst hundaæðið.

Þeir kalla mig varg í véum
vegna breytni minnar

Þeir kalla mig varg í véum
vegna breytni minnar.
Ég ét þig í éljahléum
sem jötnar, tröll og finnar.

Upphófst nokkurt argaþras
er þú bokku tæmdir.

Upphófst nokkurt argaþras
er þú bokku tæmdir.
Uppsölur og iðragas
þú orðu sæmdir.

Einatt skyldi USB
öfugt snúa

Einatt skyldi USB
öfugt snúa.
Ef ég geri á hugsun hlé
því helst mun trúa.

Þú skalt ekki myrða mann
meðan drottinn horfir á.

Þú skalt ekki myrða mann
meðan drottinn horfir á.
Ef fagið ekki karlinn kann
er kannski best að lesa smá.

Væntanlegur vetur mun
verða nokkuð kaldur.

Væntanlegur vetur mun
verða nokkuð kaldur.
Stunda skal ég stökk og brun,
eða stytta aldur.

Það er af sem áður var,
allt í kalda koli

Það er af sem áður var,
allt í kalda koli
Við því á ég varla svar
veit samt meir en boli,

Sunnudagasólin er
sýnileg um helgar.

Sunnudaga sólin er
sýnileg um helgar,
þá söngla ég með sjálfum mér
sönglög eftir Elgar.

Andskotinn er orðinn reiður,
því allir segja fokk!

Andskotinn er orðinn reiður,
því allir segja fokk!
Sjáfur er um bakið breiður
því bestan kýs ég flokk.

Kaffi alla daga drekk
og dunda við að reykja.

Kaffi alla daga drekk
og dunda við að reykja.
Ef ég hefði annan smekk
ég aldrey myndi í kveikja.

Í Ástralíu er nú vor
og eldar fara að kvikna.

Í Ástralíu er nú vor
og eldar fara að kvikna.
Í eftirpartinn þarf ég þor
þegar sellur stikna.

Glopal Warming virðist ei
virka hér á landi.

Glopal Warming virðist ei
virka hér á landi.
Enda þótt að enn eitt grey
af ísbirni hér strandi.

Ýmsir fara út í heim
sem eftir verður beðið.

Ýmsir fara út í heim
sem eftir verður beðið.
Fáðu þér nú far með þeim
svo fari slæma geðið

Styttast dagar sest fyrr sól
en sumarið snýr aftur,

Styttast dagar sest fyrr sól
en sumarið snýr aftur
nokkuð fyrir næstu jól,
(en núna lýgur raftur).

Fór ég út og fór ég heim,
fór ég ansi víða.

Fór ég út og fór ég heim,
fór ég ansi víða.
Til í allt og til í geim
til er ég að.................................bíða.

Í krana hann var hífaður
hátt uppi þar sofnar.

Í krana hann var hífaður
hátt uppi þar sofnar.
Hrapaði svo hlífaður
hugur lítið dofnar.

Enginn hefur ennþá frétt
úrslit þeirrar sögu