Kavalérar kunna margt og klókir verjast
ófriður hjá ítum gerjast
alltaf þeir í stríði berjast
Berjast menn, á banaspjótum berast jafnvel.
Slíkan burð ég sjúklegan tel,
snauða lífs í jörðu þá fel.
Feldar allvel fara mér af flestum dýrum.
Hamfletting með höndum snörum
heldur uppi mínum kjörum.
Kjörís finnst mér klakinn vera klikkað góður.
Emmess fíla ísinn síður;
ekki nógu viðmótsþýður.
Viðmótsþýður vill i ljóðum vera góður
oft þó lasti aðra fróður
ef að hrjáir mig viðbjóður
Viðbjóður er vísa þar sem vantar stuðla
engu nær hún mér að miðla
má því saman blaði kuðla.
Kuðla ekki kátur mátt samt kvæðum þínum
öll þau stuðlum flíka fínum
Farðu nú að ráðum mínum
Mína elskar mýslu sem að Mikki heitir.
Honum býður heim í Lúdó,
hann vill engan nema Plútó.
Plútó heitir pláneta með plat á fati
himingeim um rétt þó rati
og reikistjörnutitli glati
Glatað hef ég gæfu og sóma og góðvild manna.
Allar syndir um mér kenna.
Ætla mér því líf að banna.
Bannað er að berja mann og bjálfa kalla
Í þá gryfju flestir falla
fljóð ef þeirra aðrir spjalla
Spjalla vil ég vina þig en ekki við þig.
Klárlega sem klettur styð þig,
kjafti þó að halda bið þig.
Þig ég bið nú braghent yrkja blíðleiks kvæði
Þar sem snótin þarf i næði
þokkafull að kyngja sæði
horfi vandræðalegur i kringum mig og vona að enginn hafi tekið eftiressu
Sæði mínu sæmt ég hefi sexí konum
sautján þúsund, sem að vonum,
sakna allar fjörs með Honum.
Það var boðið upp á þetta.
Honum Lixa, honum Froski og honum mér
viðbjargandi ekki er
allt of dónó, því er ver.
Honum brást hér bogalistin, braghent yrkja
Annað bragform vildi virkja
Valhent Hlebbi fór að styrkja.
að öðru leiti sammála honum
Valhenda er ein af undirtegundum braghendu, ljúfurinn.
Það hefur svo sem verið dissað út af þessu áður hér á þræðinum en ég gef ekkert fyrir það. Ekki ryðbrunnið rassgat.
Ver nú Hlebbi valhenduna og verður gal(inn).
Heim í fjandans Heiðardal(inn)
hendudruslan fara skal (inn),
Valhenda er ein af undirtegundum braghendu, ljúfurinn.
Það hefur svo sem verið dissað út af þessu áður hér á þræðinum en ég gef ekkert fyrir það. Ekki ryðbrunnið rassgat.
Ver nú Hlebbi valhenduna og verður gal(inn).
Heim í fjandans Heiðardal(inn)
hendudruslan fara skal (inn),
Þetta er nú allt umdeilanlegt í heimi bragfræðinnar valhendur eru sjálfstæður bragarháttur á sama hátt og braghendur. Þó ber þess að geta að bæði braghendur og valhendur ásamt stuðlafalli mynda braghenduætt og ég nýliðinn gerði mér ekki grein fyrir að braghendukeðja innihéldi alla ættina. Á sama hátt má þá segja að allir víxlrímaðir bragarhættir með 4 línum séu ferskeyttlur þar sem þeir eru af þeirri ætt. Ekki hef ég í hyggju að gera langa ritdeilu úr þessu ágreiningsefni okkar og geri því ekki frekari athugasemdir við valhendur í þessari keðju. Viðurkenni það fúslega að þegar ég giftist konu minni fylgdi öll ættin með í kaupbæti.
Inn skal bara braghent sett og blíð öll ættin
valhendum nú við svo bætt inn
vísnagarpi býðst því sættin