Hjer skulu menn velta fyrir sjer þeim möguleika hvort til sjeu endalok á endalokum.........eru til endalok á endalokum , og ef svo er , eru til algjör endalok á endalokum? Er til eitthvað sem er endanlega endanlegt , eitthvað sem á sjer hugsanlega upphaf og endi sem aldrei tekur enda , eða hugsanlega endi en ekkert upphaf?
„Þetta var upphaf endalokanna“ segir í annarri hverri klisjukenndri frásögn af stórmælaviðburðum. Hví skyldu endalokin þá ekki líka geta átt sér endalok? Sbr. skeifugörnina sem hlýtur að vera botninn á botninum.
Ei mun upphaf til endaloka teljast þar eð upphaf segir sig sjálft , er upphaf.
og endalok endalok , og endalok án endaloka endalok án endaloka og endalok með endalokum endalok með endalokum.....
Ef skeifugörnin er botninn á þínum meltingarfærum, þá áttu samúð mína alla Hlebbi. Í mínu tilviki er hún rétt aftan við miðju ef miðað er við lengd meltingingarfæra í hæðarstefnu líkamans. Að því gefnu að líkaminn standi uppréttur. Og ef að myndin sem ég notaði til þessara slumpslegu mælinga sé í sambærilegum skala og ég sjálfur. En nóg um það.
Annars er pælingin góð, ætli það sé ekki heppilegt að setja um þetta einhvern staðal? Með því að mæla lengd atburða eða fyrirbæra, hvort sem er þá í tíma eða lengd, þá er hægt að ákvarða upphaf endaloka sem eitthvað fyrirframgefið hlutfall af heildarlengdinni, t.a.m. 1/50 af henni. Þá hefjast endalok handboltaleiks þegar 72 sek. eru eftir af leiktíma svo dæmi sé tekið.
Benda ber í þessu sambandi með skýrum og augljósum hætti á mögulegt jafngildi upphafs byrjunar endaloka byrjunar upphafs endaloka þeirra er koma í kjölfar byrjunar á endalokum mögulegs upphafs þeirra hugsanlegu endaloka er áður hefur verið vikið að og hvort af því megi í reynd með sannanlegum hætti leiða mögulegan óþarfleika einna eða fleiri endaloka þar sem fjöldinn má þó aldrei verða nema í mesta lagi einum lægri en heildarfjöldi endaloka og/eða upphafa endaloka.
Upplifum við ekki endalaus endalok?
Með tilvísun í síðasta innlegg vort er augljóst að það kann eða kann ekki að vera eða vera ekki svo.
Ef að rauntölur eru mengi í litum, þá má ef til vill svara þessari spurningu játandi.
Jeg velti fyrir mjer hvort fjölmiðlaþvaður geti verið endalok upphafs , upphaf endaloka eða mengi í endalokum endaloka.....