Smábeinótt og ljóshærð, lítil ljúflingsmey
aumkaði sig yfir grey.
Grey við yrðum Gestapóið grotnaði
ef Billi hér ei bullaði.
rímið á undan var nú á mörkunum að vera tækt en jæja látum gott heita
Bullaði í potti er pápi pastað sauð
dellu þessa börnum bauð.
Bauð mér oft við búðingi úr blóði lambs
og hanastéli hanakambs.
Hanakambur hirðsfífls svipinn hári gaf.
Hann nú dottið hefur af
Afhending er allra best í orða stað.
Stúfhendan er styttri en það.
Það er gott að þjóra vín og þenja raust,
vetur, sumar, vor og haust
Haustið spáir hörðum vetri, hálku og snjó.
Þá er gott á Gestapó.
Á Gestapó er gott að ver' en gamanmál
geta orðið öðrum hál.
Hálkan getur hamlað för um heljarslóð.
Mannbroddana missti þjóð.
Á þjóðfundi nú þinga eitthvað þúsund manns.
Fari þeir allir til andskotans.
Andskotinn með ömmu sinni átti leið
sem að öðrum undan sveið.
Sviðahausa, saltað tros og súrsað rengi
í mig hefur langað lengi.
Sveið mér þegar sargað var með sverri töng,
inn að beini leið var löng.
Héðinsfjarðar- held ég reynist happa-göng.
Um Lágheiði var leiðin ströng.
{Ath. þráður}
Æi afsakið enn einu sinni. Fáránlegt hvernig hlutirnir veltast stundum í hausnum á manni... Byrjaði semsagt á einhverju sem hélt þræði en æxlaðist svona og upphafið hvarf.
Já, ég er líka alltaf að lenda í þessu. Jæja, þræðum.
Lengi hef ég lagt það til og legg till enn:
Semjum frið við Sovétmenn.