Hún gengur á milli (á bakkanum bús er),
Bessastaðagriðkan digra.
Í stórskáldafansi mér líður sem lúser
en langar þó alltaf svo mikið að sigra.
Eftir afhendingu Íslensku bókmenntaverðlaunanna á Bessastöðum fyrr í dag.
Móri litli mjög svo vildi
myrða Erp í útvarpinu
Erpur byrstur brá við skildi
og barðist þar með kústskaftinu.
http://www.dv.is/frettir/2010/2/15/mori-reyndi-ad-stinga-erp-/
,
Saltkjöt góðir bústnir bitar
baunasúpa og rófan téð
Það flestir snæða viskuvitar
og vitaskuld, ég sjálfur með.
(Þessi fannst mér of skemmtileg til að felast á laumuþræðinum.)
Fátíð er þátíð sem framtíð í nútíð,
ferðumst við tíðast í augnanna bliki.
Þó er nú vitað að senn kemur sútíð
er sjáumst við ekki í vegarins ryki.
Laumuþræði?
Þú ert með þátíð og nútíð
þó er nú fratið
þetta að þar er ei sú tíð:
þáskilda gatið.
Lifnar þrá léttist brá
ljós á bæjum skína.
Segir Lína lipurtá
við Ljósbrá frænku sína.
Fátt er á höfðinu hára
og heldur þau grána í nára.
Það nær engri átt
hversu napurt og flátt
er að fylla nú fimm tugi ára.
Laumuþræði?
Þú ert með þátíð og nútíð
þó er nú fratið
þetta að þar er ei sú tíð:
þáskilda gatið.
Leitið og þér munuð finna.
Djöfull er þessi góð hjá þér. Ljómar upp
Þáskildagatíð ég tel
tæpast skiljanlega.
Ég mig henni fyrir fel
og forðast alla vega.
Skíma hugans dofnar dvín
en draumar flestir rætast.
Þú ert komin Maja mín
á morgun skulum kætast.
Drottinn minn, í sérhvert sinn
sem ég ætl'að skralla
óþef mikinn alltaf finn
undir forhúð Palla.
VG- Vísan
Bönnum þetta bönnum hitt
Bönnum aðeins meira
Bönnum Fokk og bönnum sjitt
Bönnum síðan fleyra
Svona verður framtíðin... amk ef áfram heldur sem horfir.
Dúlli, Snúlli, Breki, Blær,
Bresi, Alex, Ninni,
Krútti, Lilli, Snuddi, Snær,
Snati, Engill, Binni.
Svona verður framtíðin... amk ef áfram heldur sem horfir.
Dúlli, Snúlli, Breki, Blær,
Bresi, Alex, Ninni,
Krútti, Lilli, Snuddi, Snær,
Snati, Engill, Binni.
og annað hvert sveinbarn mun, að ég tel
ónefnið bera: Gabríel.
Og meira af nöfnum.
Alur, Frera,Goggur, Geir,
Garpur, Shitta, Falur.
Hnugginnn Vesta, Þoka,Þeyr
Þrymur, Ögla, Svalur.
Innkomendur ekkert segja
innleggjunum fjölgar lítið.
Lengi má þó lopann teygja,
lengi 'ann fram í rauðabítið.
Nú er vorsins blíða í bænum
börnin una prúð og keik
í boltaleik á grundum grænum.
Og grilluð úti nautasteik.
Er þann kvíða í brjósti ber,
sem beinist helst að prófi,
oft þá lestur fræða fer
fram úr meðalhófi.
Rauðhetta ákvað að lötra niður Laugaveg
í ljósbláum stuttum kjóli með sótugu ferhyrndu gati.
- Ákvörðun þessi var talin fagurfræðileg
og forsendur hennar allsekki byggðar á raunsæju mati.