Spilahöndin arfaslöpp, sposkur svipur dylur
spái vel og ígrunda, samt sem fellibylur
lífsins harmur leikur grátt og fjarri ylur
líkar vel á botni þínum harmahylur.
Var að kveðast á og þessi vísa varð til, passaði ekki inn í þar. Vísan í Stein Steinarr - Að sigra heiminn. Það á stundum vel við.
Ég hugsa að Huxi sé hugsi. Máski.
Steinarrinn:
Að sigra heiminn er eins og að spila á spil
með spekingslegum svip og taka í nefið.
(Og allt með glöðu geði
er gjarna sett að veði.)
Og þótt þú tapir, það gerir ekkert til,
því það er nefnilega vitlaust gefið.
Ég skil minn sálm og hans Aðalsteins. Það er nóg fyrir mig í bili.
Æ Huxi minn, það var alveg óþarfi að skoða linkinn tvisvar. Einu sinni átti alveg að nægja. Hugsaðu þetta bara aðeins. Ekki kíkja í þriðja sinn - ég get alla vegna ekki ábyrgst afleiðingarnar. [íhugar að fjarlægja linkinn en hugsar um alla þá sem þá verða af stórkostlegri skýringu sem skýrir ALLT]
Kannski ertu kominn með skeggjalýs...ég meina veggjalýs. Þær valda oft svona endurtekningum.
Yfir sálmi þessum hinum ágæta er yfirbragðið drungalegt mjög; vörum vjer gesti hjer við að Yðarrörshámenning sú er hjer ofar er vísað á getur haft í för með sjer miður glatt geð.
Stundum er lífið bara drungalegt. Þúunarrörið er alveg á ábyrgði þeirra sem leita það uppi. Mönnum má alveg hefnast fyrir að enda innlegg sín á not. Það vekur ónot og er alveg ónothæft. NOTALEGT hefði verið mun betra. Þá væri enginn að sogast inn í rörið. NOTALEGT.