Haldiði að ég hafi bara ekki tekið mig til, sjálfum mér og öðrum að óvörum, og miðlað anda Yul Brynner á húsfundi í gær? Fyrst hélt ég að ég hefði sofnað sökum ölvunar, enda nýbúinn að brugga vænan skammt af kóbaltbættum Admiral, en frétti svo eftirá að Yul heitinn hefði bara birst þarna og talað í gegnum mig.
Mér skilst að Yul hafi reynt að kenna Önnu gömlu í 103 að skjóta úr einhleypu án þess að blikka augunum og viðrað skoðanir sínar framlagi Einars Bárðarsonar til íslenskrar tónlistarmenningar (sem sumum þóttu helst til óvægnar). Einnig hafi hann líst því yfir að sköllóttir menn væru "bestir í heimi" og upplýst (hann lét víst alla viðstadda sverja að þegja yfir þessu) að Páll Óskar væri hommi.

Nú er bara spurning hvort Ernest Borgnine láti nokkuð sjá sig á næsta nefndarfundi?