BARA SKO!...
Undarlegur alltaf skal
eygra sjer við ekki neitt
endaskekkju tímatal
treður í sig öllu neytt.
Fyllir huga tæmir trog
tussulegur alltaf hreint
fýsir rettu fullt innsog
finnst að ekkert hafi reynt.
Endaslepptur undan vetri
öldungis er ferðafær
furðulega bættur betri
borubrattur endra nær.
Vín og veigum fagnar hann
vitleysan er eingu lík
burt úr bænum keyra kann
kaldur burt úr Reykjavík.
Hugsanlega hentar mjer
heimt á blóðsins bragði
fjörð að taka fjárinn ber
fjandinn mjer það sagði.
Sumt hef sjeð og annað ekki
undrast ey þó opnist hlið
áræðinn og laus við hlekki
liggur leiðin uppávið.
Vetur er mjer vinur góður
vori lofar eftirá
sumrin sæll og vinnuóður
sáttur fagna hausti þá.