Hér er komin heildarlausn fyrir Íslendinga sem þurfa að láta taka kjaftinn á sér rækilega í gegn.
Hvers vegna að eyða öllum þessum peningum í heimsóknir, skoðanir, bráðabyrgðafyllingar og hvað þetta nú heitir allt saman, þegar hægt er að fá þetta gert fljótt og vel og sársaukalaust fyrir örlítið brot af því sem þetta kostar hérna heima.

Ég fékk mínar tennur viðgerðar fyrir 3 árum. Hægri og vinstri, efri og neðri kjálkar voru fylltir silfri. Og allar smáviðgerðir fengu sína meðferð fumlaust. Og þetta tók einungis 3 heimsóknir. 3 daga. Og kostaði í heildina 6.300 kr. og var gert í miðbæ Bankok, í einhverjum smáskúr inn af veitingastað.

Flugið fram og til baka kostaði 120.000 kr. svo ég held ég hafi sparað mér stórfé, auk þess sem ég naut þess að skoða mig um í framandi menningarheim, og læra heilmikið.

Var þetta betra en stritið hér heima og endalausar komur og heimsóknir og meira strit til að borga fyrir það. Plús allar endalausu deyfingarnar og pintingarnar og bönnin við því að borða í svo og svo langan tíma.

Ég mæli eindregið með þessari aðferð, til að fá kjaftinn í gott lag!