— GESTAPÓ —
Í uppáhaldi:
Félagsrit:
Ívar Sívertsen
Friðargæsluliði.
Heiðursgestur og  skáldjöfur.
Dagbók - 2/12/17
Andskotinn

Ég held að nú sé fokið í flest skjól. Ég hef ekki ritað fjelaxrit í háa herrans tíð. Þetta er náttúrulega ekki nokkur hemja.

Ég er alveg gapandi bit á því hvernig samfélagsmiðlar hafa hreinsað fólk í burtu af þessum miðli. Ég er þar með talinn. Þetta hófst með því að hugi.is reyndi allt hvað af tók að narra samfélag okkar þangað með öllum tiltækum ráðum. En það tókst illa. Þá kom voðavefurinn barnaland sem dró okkur í þessa líka dásamlegu umræðuhefð sem skekið hefur nánast allt samfélagið, hvort sem er á almenningssalernum eða jógatímum. Svo gerðist það, Fnæsbók kom... svo Minnstagramm... og Smjattpatt... eða hvað þetta heitir nú allt saman. Allt gengur út á læki, kvittanir og deilur. Er ekki allt í lagi með okkur? Hvað varð um þá hámenningarlegu umræðu sem við viðhöfðum hér? Hvað varð um þá virðingu sem við höfðum áskapað okkur? Kannski ég ætti að eyða meiri tíma við lestur hér en að hoppa á milli þessara smáborgarasamfélagsmiðla... Kannski.

   (2 af 287)  
2/12/17 00:01

Clark Kent

Ég held að læk og svarleysið við þessum pælingum þínum svari öllum þínum spurningum.
Hvernig komið er fyrir þessum annars ágæta miðli er sorglegt, eina virknin er mafíósaleikir og einstaka síðastur að svara vitleysa.
Meira að segja teningarnir eru útdauðir.
[Dæsir mæðulega og allt það og fer að leita að teningaleik]

2/12/17 00:01

Billi bilaði

Þetta var nú bara skrifað í dag, hinn tuttugasta og fjórða dag janúarmánaðar þess herrans árs tvöþúsund og átján, þó að það þykist vera skrifa hinn annan dag desembermánaðar síðast liðins árs.

Sum sagt, ekki er hægt að tala um svarleysi við glænýjum vangaveltum.

En það ætti svo sem ekki að svara þessu neitt frekar fyrr en höfundur hefur velt hér talsvert fleiri vöngum, svo hægt sé að gera ráð fyrir að hann sjái dásemdina í svörunum.

2/12/17 01:01

Regína

Ívar, fyrst þú getur falsað dagsetningu, geturðu þá ekki líka gefið þessum apasmettum feis?

2/12/17 02:01

Billi bilaði

Dagsetningar allra félaxrita eru orðnar brogaðar.

2/12/17 02:02

Huxi

Það er allt á fallanda fæti í þessari útópísku undraveröld sem Baggalútía eitt sinn var. Allir þræðir eru orðnir laumupúkaþræðir en forsetinn er hvergi sjáanlegur.
Eg þurfti 1/2 flösku af spænskum rauðvínum til að muna eftir að gæjast hingað inn.

2/12/17 02:02

Billi bilaði

Sumsagt, þú sullaðir saman öllum afgöngunum úr síðasta partýi á Kaffi Blút, til að ná í hálfa flösku?

2/12/17 05:02

Texi Everto

Sagði einhver flösku? [Ljómar upp]

2/12/17 05:02

Vladimir Fuckov

Forsetinn hvergi sjáanlegur? Meinið þjer að vjer höfum náð fullkomnun í listinni að laumupúkast? [Ljómar upp]

2/12/17 06:01

Grágrímur

Billi, Regína og Forsetinn eru nú þau sem mest sjást hérna orðið og eiga mikinn heiður skilinn, Hvæsi er hins vegar horfinn aftur. gaman væri að fleiri gamlir póar myndu birtast hérna og staldra við í nokkra stund.

2/12/17 18:00

Hvæsi

Ívar, þyrla!!!
[Rekur “þyrluna” sína utaní Grágrím]

3/12/17 09:02

hlewagastiR

Ég er hér eins og grár köttur á glóheitu tinþaki.

3/12/17 11:01

Regína

[Gáir hvaða dagsetning kemur]

3/12/17 22:01

Ívar Sívertsen

ÞAÐ ER BYRJUÐ MESSA!

2/11/17 04:01

Rattati

Og hananú!

Ívar Sívertsen:
  • Fæðing hér: 11/8/03 12:21
  • Síðast á ferli: 22/6/23 12:25
  • Innlegg: 12356
Eðli:
Ákaflega fagur ungur maður með mikinn metnað og kann sig á allan hátt. (hann lærði það á kvöldnámskeiði hjá Bréfaskóla SÍS)
Fræðasvið:
Ég veit allt, get allt og kann allt en fer rosalega leynt með það og kann að fela það vel.
Æviágrip:
[i]Fæddur að handraðanesi á sóðbrókarströnd í Ristilfirði. Lést skömmu síðar. Reis upp frá dauðum eftir korter og bað um brauð. Eftir það var ekki aftur snúið. Hann hefur síðan verið ánetjaður Baggalúti og virðist ekkert vera að skána.Hann fékk sér fæðingarblett á kinnina skömmu áður en hann lét taka hann af sér. Hann hló skömmu eftir það. Ívar hefur nú hafið búskap á Eyðibýli á Auðkúluheiði. Hann hefur aldrei verið við kvenmann kenndur en hann er all oft kenndur. Sívertsenættin hefur lýst hann útlægan og krafist þess að hann afsali sér ættarnafninu og taki upp nafnið Nestrevís en hann hefur margsinnis hafnað því. Ef þú ert að lesa þetta ennþá þá ert þú líklega jafn skemmdur og Ívar... ef ekki skemmdari barasta. Ertu enn að lesa? Nei nú læt ég leggja þig inn á geðdeild! Það er ekki heilbrigt að lesa svona langt! Viltu hætta þessu! HÆTTU SEGI ÉG!!! Ef þú ert enn að lesa og finnur ekki fyrri vott af þreytu þá skal því bætt við að þegar Gestapó var opnað í árdaga þá gerðist Ívar fastagestur hið snarasta. Hann hefur æ síðan verið einn virkasti gestapóinn og ritað mikið. Hins vegar er ljóst að hann kemur til með að auka viðveru sína á Gestapó á komandi árum því nú hefur hann komið sér í innivinnu við tölvu. Ertu enn að lesa þetta? ÉG held svei mér að þú ættir í alvöru að leita þér hjálpar. Ég er löngu hættur að lesa þetta... ég veit ekki einu sinni hvað stendur eftir línu þrjú. En hvað um það. Síðan hafa mörg vötn runnið til sjávar og eiginlega svo mikið að það er ekkert salt eftir í sjónum, það lagði á flótta upp í ár og stöðuvötn þannig að nú er sjórinn pakkfullur af ferskvatnsfiskum og ferskvatnshvölum. En það bar til um þessar mundir, að boð kom frá Megasi keisara, að skrásetja skyldi alla drykkina. Þetta var fyrsta skrásetningin og var gjörð þá er Gylfi Ægisson var blandstjóri í Stúdjó Sýrlandi. Fóru þá allir til að láta stjaksetja sig, hver til sinnar borgar. Þá fór og Rúnar Þór úr Litlu Hraunum frá Hótel Borg upp í Morgunblaðshús, til borgar Davíðs, sem heitir Hádegismóar, en hann var af ætt og kyni Davíðs,að láta skrásetja sig ásamt Maríu hjákonu sinni, sem var þung. En meðan þau voru þar, kom sá tími, er hún skyldi verða léttari. Ældi hún þá bjór sinn frumdrukkinn, sagði hann vondan og lagði hann í fötu, af því að eigi var romm handa þeim í gistihúsi. En í sömu byggð voru barþjónar úti í haga og gættu um nóttina drykkja sinna.Og vörður laganna stóð hjá þeim, og dýrð Áfengis ljómaði kringum þá. Þeir urðu mjög fullir, en löggimann sagði við þá: Verið óhræddir, því sjá, ég boða yður mikinn fögnuð, sem veitast mun öllum lýðnum: Yður er í dag afréttari færður, sem er Hristur og hrærðu, í Mogga Davíðs.Og hafið þetta til marks: Þér munuð finna gubb vont, lagt í fötu. Og í sömu svipan var með löggumanninum fjöldi himneskra hljómsveita, sem lofuðu stuð og sögðu: Dýrð sé stuði í Hádegismóum, og fiður á Davíð og mönnum sem hann hefur velþóknun á. Þannig hljóðar hið heilaga stuðspjall. Og þegiðu svo!