— GESTAPÓ —
Í uppáhaldi:
Félagsrit:
Ívar Sívertsen
Friðargæsluliði.
Heiðursgestur og  skáldjöfur.
Sálmur - 2/11/08
Jólalag Ívars Sívertsen 2009

Hér er kominn bragur sem ég sendi í jólalagasamkeppni Rásar 2. Þetta lag hlaut ekki náð fyrir eyrum dómnefndar þar á bæ þannig að hér kemur það handa ykkur.

í húsunum sveinarnir sveifluðu sér
svíðingar fornir og illmennager
Þeir komu og hrekktu hvern dreng, hverja snót
Sem hvergi sig hreyft gátu sveinunum mót.

En fólkið á bæjunum brást þó við skjótt
og brunuðu í kirkju á jólanótt
þá sveinarnir hirtu og hömstruðu mat
með hávaða og látum þeir átu á sig gat

Jólin síðan gengu í garð
gjafir færðu í minningu hans
sem færði heimi hamingju arð
þar himnafaðir í búningi manns

Á verðinum sveinarnir sváfu of vært
því sveitungar höfðu á tæknina lært
Rafmagnið knúði nú kertanna ljós
og kusa var komin í hátæknifjós

Jólin síðan ganga í garð
gjafir færum í minningu hans
sem færði heimi hamingju í arð
þar himnafaðir í búningi manns

Þeir eru víst orðnir hreint ágætis menn
og ávallt þeir boða að jól komi senn
Þeir breyttust og núna þeir ger'okkur gott
og gleðja nú börnin með ánægjuvott

Jólin síðan ganga í garð
gjafir færum í minningu hans
sem færði heimi hamingju í arð
þar himnafaðir í búningi manns

Lagið er svo hér
Flytjendur:
Söngur: Ívar Sívertsen
Raddir: Kór daufblindra
Gítar: Ívar Sívertsen
Bassi: Nestrevís Raví
Strengir: Félagar úr sinfóníuhljómsveit áhugalausra.

   (25 af 287)  
2/11/08 07:02

Isak Dinesen

Þrettándi bítillinn er fundinn!

2/11/08 07:02

Bleiki ostaskerinn

Sem betur fer eru skoðanir manna misjafnar. En þessa tóna myndi ég ekki keyra í gegn um græjurnar mínar á fullu blasti.

Velfarnaðar og hamingjuóskir með jólalagið engu síður.

2/11/08 07:02

Ívar Sívertsen

Nei, það er ekki líklegt að fólk vilji þruma þessu til að komast í Helgu Möller gírinn. Hér er verið að glingra við fornan sið og heiðnu jólalögin sem og þá tónlist sem var iðkuð á miðöldum í evrópu.

2/11/08 07:02

Nermal

Ég heyrði nú ávæning af lögunum sem hlutu náðina. Ég hefði nú alveg hikstalaust kippt þessu lagi inn fyrir ýmis hinna. Giska skondið atarna.

2/11/08 08:00

Tina St.Sebastian

Mun betra en meirihlutinn sem komst í gegn. Hvaða apakettir stjórna þessu eiginlega?

2/11/08 08:00

Ívar Sívertsen

Lilli (úr brúðubílnum) og félagar hans...

2/11/08 08:00

Vladimir Fuckov

Þessi jólalög yðar fara eiginlega að verða hluti af hefðbundinni jólastemmningu, svona eins og jólakveðjur Baggalúts fyrir nokkrum árum o.fl. Skál !

2/11/08 08:00

Upprifinn

þetta er ekki svo galið hjá þér.

2/11/08 08:01

Grágrímur

Mjög flott... sé fyrir mér stórhríð og torfkofa.

2/11/08 08:01

krossgata

Mér finnst þetta alveg ljómandi og myndi blasta þessu hvenær sem er í desember! Kann vel við þjóðlegan stílinn.

Ég hins vegar get alveg séð fyrir mér að textinn hafi ekki þótt nægilega smeðjulegur og ekki um bómullarpakkaðan veruleika og því ekki komist út í veruleikafirringuna.

Varstu kvefaður þegar þú tókst upp sönginn?

2/11/08 08:01

Regína

Búin að hlusta tvisvar og lagið venst mjög vel, en mér fannst það ekki grípandi í fyrstu hlustun.
En ég er ansi hrædd um að þeim hafi ekki þótt lagið nógu jólalegt, og ekki tekstinn heldur. Mér líkar hins vegar hvorttveggja, en ég er víst ekki almenningur lengur.

2/11/08 08:01

Huxi

Frekar drungalegt. Og því mun þjóðlegra og betur viðeigandi í miðju kreppuskammdeginu heldur en ítalska poppgaulið sem búið er að klæða í jólaföt hérna uppi á skerinu. Þetta er bara drullufínt hjá þér. Til lukku með ljóðið...

2/11/08 08:02

Grýta

Til hamingju með lagið, spilið, sönginn og textann Ívar.

2/11/08 09:01

Jóakim Aðalönd

Textinn er æpandi góður, en lagið svolítið drungalegt. Það hins vegar venst ágætlega, eins og Regína benti á. Þetta er í öllu falli langbezta og metnaðarfyllzta jólalag Sívertsen frá upphafi vega. Til hammó með það. Skál og prump!

2/11/08 09:02

Lopi

Flott lag og texti. Fornjólalegt. Flutningur er hins vegar ekki fullslípaður.

2/11/08 09:02

Kondensatorinn

Afbragðsgott ljóð og grípandi lag.
Ekki nógu plebbalegt fyrir útvarpið.
Hafðu þökk fyrir.

2/11/08 10:00

Ívar Sívertsen

[fær rykkorn í augað] takk öll.

Ívar Sívertsen:
  • Fæðing hér: 11/8/03 12:21
  • Síðast á ferli: 22/6/23 12:25
  • Innlegg: 12356
Eðli:
Ákaflega fagur ungur maður með mikinn metnað og kann sig á allan hátt. (hann lærði það á kvöldnámskeiði hjá Bréfaskóla SÍS)
Fræðasvið:
Ég veit allt, get allt og kann allt en fer rosalega leynt með það og kann að fela það vel.
Æviágrip:
[i]Fæddur að handraðanesi á sóðbrókarströnd í Ristilfirði. Lést skömmu síðar. Reis upp frá dauðum eftir korter og bað um brauð. Eftir það var ekki aftur snúið. Hann hefur síðan verið ánetjaður Baggalúti og virðist ekkert vera að skána.Hann fékk sér fæðingarblett á kinnina skömmu áður en hann lét taka hann af sér. Hann hló skömmu eftir það. Ívar hefur nú hafið búskap á Eyðibýli á Auðkúluheiði. Hann hefur aldrei verið við kvenmann kenndur en hann er all oft kenndur. Sívertsenættin hefur lýst hann útlægan og krafist þess að hann afsali sér ættarnafninu og taki upp nafnið Nestrevís en hann hefur margsinnis hafnað því. Ef þú ert að lesa þetta ennþá þá ert þú líklega jafn skemmdur og Ívar... ef ekki skemmdari barasta. Ertu enn að lesa? Nei nú læt ég leggja þig inn á geðdeild! Það er ekki heilbrigt að lesa svona langt! Viltu hætta þessu! HÆTTU SEGI ÉG!!! Ef þú ert enn að lesa og finnur ekki fyrri vott af þreytu þá skal því bætt við að þegar Gestapó var opnað í árdaga þá gerðist Ívar fastagestur hið snarasta. Hann hefur æ síðan verið einn virkasti gestapóinn og ritað mikið. Hins vegar er ljóst að hann kemur til með að auka viðveru sína á Gestapó á komandi árum því nú hefur hann komið sér í innivinnu við tölvu. Ertu enn að lesa þetta? ÉG held svei mér að þú ættir í alvöru að leita þér hjálpar. Ég er löngu hættur að lesa þetta... ég veit ekki einu sinni hvað stendur eftir línu þrjú. En hvað um það. Síðan hafa mörg vötn runnið til sjávar og eiginlega svo mikið að það er ekkert salt eftir í sjónum, það lagði á flótta upp í ár og stöðuvötn þannig að nú er sjórinn pakkfullur af ferskvatnsfiskum og ferskvatnshvölum. En það bar til um þessar mundir, að boð kom frá Megasi keisara, að skrásetja skyldi alla drykkina. Þetta var fyrsta skrásetningin og var gjörð þá er Gylfi Ægisson var blandstjóri í Stúdjó Sýrlandi. Fóru þá allir til að láta stjaksetja sig, hver til sinnar borgar. Þá fór og Rúnar Þór úr Litlu Hraunum frá Hótel Borg upp í Morgunblaðshús, til borgar Davíðs, sem heitir Hádegismóar, en hann var af ætt og kyni Davíðs,að láta skrásetja sig ásamt Maríu hjákonu sinni, sem var þung. En meðan þau voru þar, kom sá tími, er hún skyldi verða léttari. Ældi hún þá bjór sinn frumdrukkinn, sagði hann vondan og lagði hann í fötu, af því að eigi var romm handa þeim í gistihúsi. En í sömu byggð voru barþjónar úti í haga og gættu um nóttina drykkja sinna.Og vörður laganna stóð hjá þeim, og dýrð Áfengis ljómaði kringum þá. Þeir urðu mjög fullir, en löggimann sagði við þá: Verið óhræddir, því sjá, ég boða yður mikinn fögnuð, sem veitast mun öllum lýðnum: Yður er í dag afréttari færður, sem er Hristur og hrærðu, í Mogga Davíðs.Og hafið þetta til marks: Þér munuð finna gubb vont, lagt í fötu. Og í sömu svipan var með löggumanninum fjöldi himneskra hljómsveita, sem lofuðu stuð og sögðu: Dýrð sé stuði í Hádegismóum, og fiður á Davíð og mönnum sem hann hefur velþóknun á. Þannig hljóðar hið heilaga stuðspjall. Og þegiðu svo!