— GESTAPÓ —
Í uppáhaldi:
Félagsrit:
Ívar Sívertsen
Friðargæsluliði.
Heiðursgestur og  skáldjöfur.
Gagnrýni - 4/12/08
Klezmer Kaos

Ég brá mér á tónleika ásamt Aðalöndinni á laugardagskvöldið. Það var merkileg upplifun!

Laugardagskvöldið 18. maí voru haldnir tónleikar á skemmtistaðnum NASA við Austurvöll. Þar voru auglýstar til leiks hljómsveitirnar Klezmer Kaos og upphitun var í höndum Múgsefjunar. Auglýst var að húsið opnaði klukkan 20 og að tónleikar hæfust klukkan 20.30. Þegar við Aðalöndin vorum að skrönglast inn um dyrnar klukkan 20.25 voru sveitarmeðlimir Múgsefjunar að drattast inn. Ég hugsaði með mér að þeir væru þá löngu búnir að gera allt klárt og væru hreinlega á leið upp á svið. Við settumst inn og keyptum bjór... og annan. Það voru liðnar 45 mínútur frá auglýstum upphafstíma tónleikana þegar Múgsefjun hóf leik. Þeir byrjuðu á sínu þekktasta lagi, Kalin slóð. Þeir hefðu betur notað eitthvað annað lag til að gera loka soundtékk. Það heyrðist lítið í gíturum og nikku en þeim mun meira í bassanum. Svo ráku lögin hvert annað. Sándið var lagað aðeins nema hvað aldrei heyrðist neitt af viti í nikkunni. Þetta rann allt í einn graut og sándaði eiginlega ömurlega... en þó ekki fyrir tilstuðlan hljóðmannsins heldur vegna þess að Múgsefjun ofhleður lögin. Þess ber þó að geta að allir meðlimir Múgsefjunar eru frábærir hljóðfæraleikarar en það skortir talsvert upp á útsetningar. Textagerð er klárlega ekki þeirra tebolli heldur. Mér þykir alltaf frekar skítt þegar upphitunarband spilar meira en 30 mínútur þegar annað band er klárlega aðalnúmerið. En Múgsefjun spiluðu í rétt um klukkutíma og voru allir komnir með meira en nóg af þeim... enda fengu þeir svo sem ekkert mikil fagnaðarlæti.

Það tók ekki langan tíma að hreinsa til á sviðinu og ekki leið á löngu þar til Klezmer Kaos birtust á sviðinu. Þessi hljómsveit er skipuð fjórum frönskum sprelligosum og einni íslenskri sprellikellingu. Klezmer Kaos er meira en bara Klezmerhljómsveit, Þetta var allt annað líf frá því sem áður gerðist á sviðinu. Allar útsetningar hófstilltar og sándið frábært. Klezmer Kaos er uppákoma, leiksýning. Þau spjalla saman með hljóðfærunum, fara í slag, tjá ást sína. Í þessari sýningu kennir ýmissa grasa. Klezmer lög sem þau léku sér með að setja í alls kyns útgáfur. Þau spiluðu líka íslensk þjóðlög í Klezmer útgáfum, Krummi svaf í Klettagjá, Góða veislu gjöra skal og Á Sprengisandi. Það er ekki margt hægt að segja um þeirra flutning annað er STÓRKOSTLEGT! Þau hafa ný lokið við að taka upp disk sem kemur út síðar á þessu ári. Það verður gaman að handfjatla hann og hlusta á hann.

Þessir tónleikar voru tvískiptir algerlega. Ef dónaskapur Múgsefjunar að hefja leik 45 mínútum of seint og að útsetningar þeirra væru vandaðri þá hefðu þessir tónleikar farið í fimm stjörnur en því er ekki að heilsa. Í raun fær Múgsefjun bara 2 stjörnur en Klezmer Kaos 5 og vega þær fimm stjörnur hærra en tvær stjörnur Múgsefjunar.

   (38 af 287)  
4/12/08 20:01

Jarmi

Hvað er klezmertónlist?

4/12/08 20:02

Vladimir Fuckov

Eigi hljómaði sýnishorn það er vjer sáum á hinu sk. 'Interneti' af þessari óreiðu óskemmtilega heldur þvert á móti en sú mikilvæga spurning hefur núna vaknað hvort setja beri múgsefjun á listann yfir óvini ríkisins (bæði með stóru og litlu 'M').

4/12/08 21:00

Ívar Sívertsen

Jarmi: þjóðlagatónlist austur-evrópu, gyðingatónlist, arabatónlist og þess háttar.

Vlad: hljómsveitin má alveg fara á listann en mér er það til efs að fyrirbærið sé rétt staðsett sem óvinur, meira svona sem óæskileg hegðun. Hljómsveitina má hins vegar alveg bóka fyrir slíkt athæfi - þ.e.a.s. óæskilega hegðun.

4/12/08 21:00

Kiddi Finni

'ivar, afsakaðu afskiptasemi, en ég hef lengi haldið að klezmertónlist sé tónlist gyðinganna úr Austur-Evrópu,amk. upphaflega, og þar með afmarkað frekar skýrt.

4/12/08 21:01

Ívar Sívertsen

Það er hin eiginlega skilgreining en Klezmerhljómsveitir spila oftast nær út í þessa stíla sem ég nefndi hér með. Þess vegna hefur Klezmer fengið víðari skilgreiningu enda um mjög skylda tónlistarstefnur að ræða.

4/12/08 21:01

Nermal

Mér dettur nú helst í hug einhver organdi heavy metall þegar ég heyri nafnið Múgsefjun.

Ívar Sívertsen:
  • Fæðing hér: 11/8/03 12:21
  • Síðast á ferli: 22/6/23 12:25
  • Innlegg: 12356
Eðli:
Ákaflega fagur ungur maður með mikinn metnað og kann sig á allan hátt. (hann lærði það á kvöldnámskeiði hjá Bréfaskóla SÍS)
Fræðasvið:
Ég veit allt, get allt og kann allt en fer rosalega leynt með það og kann að fela það vel.
Æviágrip:
[i]Fæddur að handraðanesi á sóðbrókarströnd í Ristilfirði. Lést skömmu síðar. Reis upp frá dauðum eftir korter og bað um brauð. Eftir það var ekki aftur snúið. Hann hefur síðan verið ánetjaður Baggalúti og virðist ekkert vera að skána.Hann fékk sér fæðingarblett á kinnina skömmu áður en hann lét taka hann af sér. Hann hló skömmu eftir það. Ívar hefur nú hafið búskap á Eyðibýli á Auðkúluheiði. Hann hefur aldrei verið við kvenmann kenndur en hann er all oft kenndur. Sívertsenættin hefur lýst hann útlægan og krafist þess að hann afsali sér ættarnafninu og taki upp nafnið Nestrevís en hann hefur margsinnis hafnað því. Ef þú ert að lesa þetta ennþá þá ert þú líklega jafn skemmdur og Ívar... ef ekki skemmdari barasta. Ertu enn að lesa? Nei nú læt ég leggja þig inn á geðdeild! Það er ekki heilbrigt að lesa svona langt! Viltu hætta þessu! HÆTTU SEGI ÉG!!! Ef þú ert enn að lesa og finnur ekki fyrri vott af þreytu þá skal því bætt við að þegar Gestapó var opnað í árdaga þá gerðist Ívar fastagestur hið snarasta. Hann hefur æ síðan verið einn virkasti gestapóinn og ritað mikið. Hins vegar er ljóst að hann kemur til með að auka viðveru sína á Gestapó á komandi árum því nú hefur hann komið sér í innivinnu við tölvu. Ertu enn að lesa þetta? ÉG held svei mér að þú ættir í alvöru að leita þér hjálpar. Ég er löngu hættur að lesa þetta... ég veit ekki einu sinni hvað stendur eftir línu þrjú. En hvað um það. Síðan hafa mörg vötn runnið til sjávar og eiginlega svo mikið að það er ekkert salt eftir í sjónum, það lagði á flótta upp í ár og stöðuvötn þannig að nú er sjórinn pakkfullur af ferskvatnsfiskum og ferskvatnshvölum. En það bar til um þessar mundir, að boð kom frá Megasi keisara, að skrásetja skyldi alla drykkina. Þetta var fyrsta skrásetningin og var gjörð þá er Gylfi Ægisson var blandstjóri í Stúdjó Sýrlandi. Fóru þá allir til að láta stjaksetja sig, hver til sinnar borgar. Þá fór og Rúnar Þór úr Litlu Hraunum frá Hótel Borg upp í Morgunblaðshús, til borgar Davíðs, sem heitir Hádegismóar, en hann var af ætt og kyni Davíðs,að láta skrásetja sig ásamt Maríu hjákonu sinni, sem var þung. En meðan þau voru þar, kom sá tími, er hún skyldi verða léttari. Ældi hún þá bjór sinn frumdrukkinn, sagði hann vondan og lagði hann í fötu, af því að eigi var romm handa þeim í gistihúsi. En í sömu byggð voru barþjónar úti í haga og gættu um nóttina drykkja sinna.Og vörður laganna stóð hjá þeim, og dýrð Áfengis ljómaði kringum þá. Þeir urðu mjög fullir, en löggimann sagði við þá: Verið óhræddir, því sjá, ég boða yður mikinn fögnuð, sem veitast mun öllum lýðnum: Yður er í dag afréttari færður, sem er Hristur og hrærðu, í Mogga Davíðs.Og hafið þetta til marks: Þér munuð finna gubb vont, lagt í fötu. Og í sömu svipan var með löggumanninum fjöldi himneskra hljómsveita, sem lofuðu stuð og sögðu: Dýrð sé stuði í Hádegismóum, og fiður á Davíð og mönnum sem hann hefur velþóknun á. Þannig hljóðar hið heilaga stuðspjall. Og þegiðu svo!