— GESTAPÓ —
Í uppáhaldi:
Félagsrit:
Ívar Sívertsen
Friðargæsluliði.
Heiðursgestur og  skáldjöfur.
Dagbók - 1/12/08
Aðgát skal höfð í nærveru Gestapóa

Mér barst þörf ábending um að nú sé kominn tími á duglega tiltekt á Gestapó. Það hafa hrúgast upp þræðir sem annað hvort eiga ekkert erindi þar sem þeir eru eða hreinlega þræðir sem má henda hið snarasta. Enn fremur var bent á þá staðreynd að starfandi friðargæsluliðar ættu að halda í höndina á nýliðum og benda þeim á misgjörðir sínar.

Dæmi eru um þræði sem eru tvíteknir og er helsta ástæðan sú að eitt sinn týndist grunnurinn að Gestapó og við urðum að gera allt upp á nýtt. Svo fann Enter grunninn og bætti honum við á ný.

Ég ætla að gera gangskör að því að læsa tvíteknum þráðum og held ég þeim opnum sem eru virkari. Séu þeir jafn virkir þá lifir sá eldri. Gott dæmi um svona þræði eru Spurt eftir svarið (leikur fyrir alvöru indjána) og síðan nýrri útgáfa sem heitir Spurt eftir svarið.

Nú er það svo að nokkrir friðargæsluliðar eru ekki lengur virkir og mun ég leggja það til við Enter að gæsluvöld verði tekin af þeim og öðrum, virkari Gestapóum veitt friðargæsluvöld í staðinn.

Ég mun enn fremur fara fram á það við Enter að friðargæslan fái þar til gert fundarherbergi þar sem hægt sé að varpa fram málum og ræða vandamál sem gætu verið of viðkvæm fyrir augu allra. Ekki er ég að reyna að stofna nýtt Gimlé heldur eingöngu að fá athvarf þar sem friðargæslan getur rætt málin án truflunar þeirra sem ekkert hafa með málið að gera.

Skipan friðargæsluliða er eftirfarandi í dag:
Almennt spjall
• Friðargæsluliðar: Hakuchi, Skabbi skrumari, Vladimir Fuckov, Vamban, Þarfagreinir, Isak Dinesen
Efst á baugi
• Friðargæsluliðar: Hakuchi, Skabbi skrumari, Vladimir Fuckov, Vamban, Þarfagreinir, Isak Dinesen
Vjer ánetjaðir
• Friðargæsluliðar: Vladimir Fuckov, Þarfagreinir, Isak Dinesen
Baggalútía
• Friðargæsluliðar: Vladimir Fuckov, Þarfagreinir, Isak Dinesen
Dægurmál, lágmenning og listir
• Friðargæsluliðar: Hakuchi, Isak Dinesen
Sögur, gátur, leikir og dægradvöl
• Friðargæsluliðar: Ívar Sívertsen, Sverfill Bergmann, Jóakim Aðalönd
Lygilega vinsælir leikir
• Friðargæsluliðar: Ívar Sívertsen, Sverfill Bergmann, Jóakim Aðalönd
Okkar málstaður
• Friðargæsluliðar: Ívar Sívertsen, Vladimir Fuckov, Þarfagreinir
Kveðist á
• Friðargæsluliðar: Skabbi skrumari, Barbapabbi, Z. Natan Ó. Jónatanz, Isak Dinesen
Fyrirspurnir
• Friðargæsluliðar: Ritstjórn
Vísindaakademía Baggalúts
• Friðargæsluliðar: Hakuchi, Vladimir Fuckov, Isak Dinesen
Umvandanir, ábendingar, tilmæli
• Friðargæsluliðar: Ritstjórn
Sorpminjasafnið
• Friðargæsluliði: Vladimir Fuckov
Undirheimar
• Friðargæsluliðar: Vladimir Fuckov, Þarfagreinir

Skipun friðargæsluliða hefur verið þannig frá upphafi að þeir sem hafa verið hér lengst og eru virkir fá þessi völd. Á þessum lista eru nokkrir sem ekki eru mikið virkir eða hreinlega alveg óvirkir og að mínu mati ekki hæfir sem friðargæsluliðar.

Þeir eru:
Hakuchi
Vamban
Isak Dinesen
Sverfill Bergmann
Jóakim Aðalönd
Barbapabbi

Einstaka sinnum hafa ákveðnir friðargæsluliðar farið í hrekkjastuð og breytt innleggjum og titlum þráða, því verður nú hætt nema óviðeigandi hlutir komi þar fram.

Svo vil ég að lokum benda nýliðum á að friðargæsluliðar áskilja sér allan rétt til að breyta eða eyða óviðeigandi innleggjum. Finnist notendum ekki farið að reglum eða að þræðir eigi ekki heima á ákveðnum svæðum skal snúa sér til friðargæsluliða viðeigandi svæðis.

Bestu hreinsunarkveðjur af Sívertsensetrinu

   (43 af 287)  
1/12/08 04:02

B. Ewing

Heyr heyr, út með ruslið! [Sækir bunka af sópum og nýjum afþurrkunarkústum]

1/12/08 04:02

Upprifinn

Það er nú alveg nauðsinlegt að hrekkjastuðið verði ekki alveg aflagt.

1/12/08 04:02

Wayne Gretzky

Láttu ekki svona. hrekkjastuðið er nauðsynlegt.

En hvað er með titilinn?

1/12/08 04:02

Ívar Sívertsen

Markaðssetning Gretzky...

Já ok, hrekkir geta sprottið upp...

1/12/08 04:02

Litla Laufblaðið

Hvernig væri svo að einhverjar konur væru skipaðar sem friðargæsluliðar?

1/12/08 04:02

Andþór

Það sem Litla Laufblaðið sagði!

1/12/08 04:02

Ívar Sívertsen

Það skiptir ekki máli hvað hangir framan á friðargæsluliðum svo lengi að þeir séu starfi sínu vaxnir.

1/12/08 04:02

krossgata

Verða innlegg af tvíteknum þráðum brædd við þann sem eftir verður?

1/12/08 04:02

Ívar Sívertsen

Það er því miður ekki hægt Krossgata. Það gæti líka orsakað að innlegg koma inn á milli sem enginn skilur neitt í.

1/12/08 04:02

krossgata

Eins og það væri skemmtilegt.
[Ljómar upp]

1/12/08 04:02

Hexia de Trix

já það gæti nú verið soldið skemmtilegt....

1/12/08 04:02

Ívar Sívertsen

Í sumum tilvikum... ekki öllum. Og þá þyrfti að fara gríðarleg vinna í það sem við Gestapóar nennum ekki að standa í!

1/12/08 04:02

Z. Natan Ó. Jónatanz

[Tilvitnun:]

Ég get ekki tekið til !

1/12/08 04:02

Golíat

Ég er algerlega lost þegar farið er að ræða kynferði gestapóa, hvernig þeir sé vaxnir, hvað hangi framan á þeim og svo virðist sem svokölluð innlegg hangi milli fóta sumra þeirra. Síðan eru þessu svokölluðu innlegg greinilega að þvælast þar sem þau eiga ekki að vera og er algerlega eins og festur upp á þráð þegar umræðan er á þessum nótum og ég skil ekkert.
Er hægt að fá botn í þessa umræðu? Er ekki meiri þörf á túlki eða afruglara en friðargæslu. Við Íslendingar höfum löngu sýnt það að við eigum ekkert að vera að sinna friðargæslu. Er ekki best að semja bara við NATO eða rauðu kmerana?

1/12/08 04:02

Upprifinn

ég er til dæmis ekki með framlegg heldur bara millilegg.

1/12/08 04:02

Ívar Sívertsen

Ég hélt það væri spælegg

1/12/08 04:02

Þarfagreinir

Já, það má fjölga friðargæsluliðum.

Lesbía!

1/12/08 04:02

Upprifinn

ég skal.
ekki vera lesbía samt.

1/12/08 04:02

Villimey Kalebsdóttir

Þú værir nú örugglega alveg til í að prófa að vera lesbía ..

HEYR HEYR.

1/12/08 05:00

Offari

Mér finnst sumir hafa fengið fullmikil völd hér! Eru þetta pólitískar ráðningar?

1/12/08 05:00

Vladimir Fuckov

Nei, hjer eru aldrei neinar pólítískar ráðningar [Býður Offara að ganga í Hreintrúarflokkinn svo hægt verði að láta hann fá eitthvert embætti].

1/12/08 05:00

albin

Fleiri kellingar í frygðargæsluna.

Ef það er skortur á gæsluliðum, þá má senda lykilinn til mín, lofa að vera stilltur og hrekkja einstaklega lítið. Annars er svolítið svindl þegar gæslan er að hrekkja.

Puttasleikja, eða Pissustopp:
Ég verð ekkert sár þó ég fái ekki lykil.

1/12/08 05:00

hlewagastiR

Er enginn friggi á Geltinum?

1/12/08 05:00

Vladimir Fuckov

Jú, Vamban.

1/12/08 05:00

Gísli Eiríkur og Helgi

Mér finst víst að ráða ættii kvenpóa í þau lausu störf sem til boðs eru ´kvenpóar eru mun greindari og betri á allan hátt

1/12/08 05:00

Gísli Eiríkur og Helgi

Það sem ég vildi hafa sagt er að það skiptir víst máli hvað friðargæsluliðinn sé með á milli lappana því hann er sá eini að mínu mati sem verður að hafa raunheimatengsl og þess vegna er það sjálfsagt að konurnar taki yfir. Baggalútíer bygt á feminístískum grunni Lifi Matrerkatið !

1/12/08 05:00

Upprifinn

Gísli, farðu með í ferð.

1/12/08 05:00

Herbjörn Hafralóns

Er ekki rétt að stíga skrefið til fulls og ráða lesbíur í þau störf, sem laus eru. Þá yrði nú Enter ánægður.

1/12/08 05:00

Isak Dinesen

Ég er nú á því að friðargæsluliðar eigi fyrst og fremst að passa að aðrir friðargæsluliðar (ekki síst þú) séu ekki með einhvern helvítis barnaskap og valdníðslu.

1/12/08 05:00

Garbo

Elskum friðinn og strjúkum kviðinn. Sei, sei já.

1/12/08 05:00

Ívar Sívertsen

Láttu þá einhvern tímann sjá þig ellegar þegja. Bylur hæst í tómri tunnu.

þú hefur um leið misskilð hlutverkið. Friðargæslan sér um að passa að fólk fari ekki yfir strikið í orðavali eða gerir eitthvað rangt samkvæmt fyrirfram ákveðnum reglum.
Hafi ég orðið sekur um eitthvað sem kalla mætti valdníðslu þá hefur ekkert verið kvartað undan því og tel ég mig því ekki hafa misbeitt því litla valdi sem ég hef. Barnaskap skal ég alveg viðurkenna en ég stunda þó ekki ruddaskap eins og sumir!

1/12/08 05:00

Ívar Sívertsen

Og var þetta ætlað Isak Dinesen.

1/12/08 05:00

Isak Dinesen

Þetta var nú bara grín. Úff.

Annars hef ég alltaf verið á þeirri skoðun að ekki eigi að taka þetta of alvarlega og síst af öllu að "taka" of mikið "til". Fyrst og fremst skuli passa upp á að hér séu ekki einhverjir ruddar (verri en ég þá) að eyðileggja stemninguna með alvöru ruddaskap.

1/12/08 05:00

Isak Dinesen

(Annars hef ég sterklega á tilfinningunni að ég yrði síðastur látinn hætta friðargæslustörfum, hversu utangátta sem ég kann að vera.)

1/12/08 05:00

Vladimir Fuckov

Vjer erum sammála. Alls ekki að taka þetta of alvarlega og forðast of stórar 'tiltektir', þ.e. gera það sem þarf þegar upp kemur vesen - en ekki meira.

Það getur hinsvegar verið gaman af prakkaraskap einstaka sinnum (sem Ívar nefndi) - sje hann vel útfærður - en þar þarf að gæta þess vandlega að fara ekki yfir strikið og að gæta þess að skýrt sje hvað er á ferðinni.

1/12/08 05:00

Tigra

Það skiptir líka kannski máli að það séu ekki alltaf sömu einstaklingarnir sem séu friðargæsluliðar allstaðar... því þeim mun fleiri sem eru friðargæsluliðar, því líklegra að einhver þeirra sé inni.

1/12/08 05:00

Isak Dinesen

Lykilatriðið er (og nú held ég að ritstjórn sé sammála mér) að einhverjir misvitrir kjánar fari ekki að eyða út eða breyta snilld þeirri sem af og til villist hingað inn.

1/12/08 05:00

Ívar Sívertsen

Það þarf líka að laga ölæðisinnlegg og ofsareiði ef farið er gróflega yfir strikið.

Annars mætti útfæra friðargæsluna þannig að það væri 10 aðilar í þeim hópi og þeir hefðu allir sama aðgang til að geta þá veitt öðrum aðhald.

Gaman væri að heyra frá ritstjórn um þetta hér.

1/12/08 05:01

Texi Everto

Ég er þokkalega virkur og nokkuð virtur (að vettugi), ég á heimtingu á löggæslutitli. Núna, ef ekki strax. [Fleygir baun á borðið]

1/12/08 05:01

Regína

Ég var að vona að þetta rit væri til að láta fólk vita að þetta er ekki fésbókin.

1/12/08 05:01

Hugfreður

[Fleygir mandarínubita á borðið] Hvað verður um dónakalla í svona hreinsunum? Hvernig hreinsanir er um að ræða? Vonandi ekki að kaþólskum sið?

1/12/08 05:01

Billi bilaði

!!!ENGINN BÝST VIÐ SPÆNSKA RANNSÓKNARRÉTTINUM!!!

1/12/08 05:01

Altmuligmanden

Þetta er sennilega best ritskoðaði vefur landsins. Virkilega huggulegur, penn og sætur. Hér eru öllum steinum velt jafnharðan, allt skoðað og ekkert undanskilið. Ég mun mæla með því á ríkisráðsfundi á eftir að Gestapó verði þjóðnýtt. Þetta er módelið sem við þurfum.

1/12/08 05:01

Lepja

Ritskoðun er líka vinsæl í Kína. Og svo er [Ritskoðað af friðargæslu].

1/12/08 05:01

Skabbi skrumari

Hafiði tekið eftir hvað það er alltaf hreint og fagurt á Kveðist á? [Mundar kústinn]... Skál

1/12/08 05:01

Wayne Gretzky

smá pælin .af hverju er það val - möguleiki að búa til þræði í lygilega vinsælum leikjum þegar það má ekki?

1/12/08 05:01

Upprifinn

ég yrði örugglega langsætasti frygðargæsluliðinn og bestur í að leiðrétta stafsettninguna og að henda byttifyllunum út.

1/12/08 05:01

Skabbi skrumari

Freistingin maður... freistingin...

1/12/08 06:02

Bleiki ostaskerinn

<Ruslar til... ALLSSTAÐAR>

1/12/08 06:02

Vladimir Fuckov

[Ritskoðar sjálfan sig]

1/12/08 06:02

The Shrike

<Skoðar sjálfan sig>

1/12/08 07:01

Hugfreður

[Skoðar rit eftir sjálfan sig]

1/12/08 08:00

Kífinn

Æji ég veit það ekki. Held (persónulega, fyrst það bi(y eins og það ætti það vera)ndst ekki við annað). Verður embættum deilt út eftir kynjanöfnum eða raunheimakynjum? Kynngin er mörg og fátt ber að varast. Hver ert þú?

1/12/08 08:01

The Shrike

Ég er faðir þinn!

1/12/08 09:02

Kífinn

Takk maður. Þú skuldar mér meðlög til átján ára. Hvar áttu heima?

1/12/08 10:00

The Shrike

Í kolli þínum. <Réttir Kífnum exi> Opnaðu og hleyptu mér út.

1/11/09 20:01

Sannleikurinn


Þakka jeg að sjálfsögðu fyrir allar ábendingar í minn garð um hvernig betur mætti fara í gerð fjelagsrita.
Það væri flott ef einhverjir friðargæsluliðanna hjer færu þá að reyna að eyða einhverjum elstu innleggjanna hjerna , t.d. sumum af hinum vinsælu Úlfamannsinnleggjum og einhverju af gömlu sorpritunum.

Ívar Sívertsen:
  • Fæðing hér: 11/8/03 12:21
  • Síðast á ferli: 22/6/23 12:25
  • Innlegg: 12356
Eðli:
Ákaflega fagur ungur maður með mikinn metnað og kann sig á allan hátt. (hann lærði það á kvöldnámskeiði hjá Bréfaskóla SÍS)
Fræðasvið:
Ég veit allt, get allt og kann allt en fer rosalega leynt með það og kann að fela það vel.
Æviágrip:
[i]Fæddur að handraðanesi á sóðbrókarströnd í Ristilfirði. Lést skömmu síðar. Reis upp frá dauðum eftir korter og bað um brauð. Eftir það var ekki aftur snúið. Hann hefur síðan verið ánetjaður Baggalúti og virðist ekkert vera að skána.Hann fékk sér fæðingarblett á kinnina skömmu áður en hann lét taka hann af sér. Hann hló skömmu eftir það. Ívar hefur nú hafið búskap á Eyðibýli á Auðkúluheiði. Hann hefur aldrei verið við kvenmann kenndur en hann er all oft kenndur. Sívertsenættin hefur lýst hann útlægan og krafist þess að hann afsali sér ættarnafninu og taki upp nafnið Nestrevís en hann hefur margsinnis hafnað því. Ef þú ert að lesa þetta ennþá þá ert þú líklega jafn skemmdur og Ívar... ef ekki skemmdari barasta. Ertu enn að lesa? Nei nú læt ég leggja þig inn á geðdeild! Það er ekki heilbrigt að lesa svona langt! Viltu hætta þessu! HÆTTU SEGI ÉG!!! Ef þú ert enn að lesa og finnur ekki fyrri vott af þreytu þá skal því bætt við að þegar Gestapó var opnað í árdaga þá gerðist Ívar fastagestur hið snarasta. Hann hefur æ síðan verið einn virkasti gestapóinn og ritað mikið. Hins vegar er ljóst að hann kemur til með að auka viðveru sína á Gestapó á komandi árum því nú hefur hann komið sér í innivinnu við tölvu. Ertu enn að lesa þetta? ÉG held svei mér að þú ættir í alvöru að leita þér hjálpar. Ég er löngu hættur að lesa þetta... ég veit ekki einu sinni hvað stendur eftir línu þrjú. En hvað um það. Síðan hafa mörg vötn runnið til sjávar og eiginlega svo mikið að það er ekkert salt eftir í sjónum, það lagði á flótta upp í ár og stöðuvötn þannig að nú er sjórinn pakkfullur af ferskvatnsfiskum og ferskvatnshvölum. En það bar til um þessar mundir, að boð kom frá Megasi keisara, að skrásetja skyldi alla drykkina. Þetta var fyrsta skrásetningin og var gjörð þá er Gylfi Ægisson var blandstjóri í Stúdjó Sýrlandi. Fóru þá allir til að láta stjaksetja sig, hver til sinnar borgar. Þá fór og Rúnar Þór úr Litlu Hraunum frá Hótel Borg upp í Morgunblaðshús, til borgar Davíðs, sem heitir Hádegismóar, en hann var af ætt og kyni Davíðs,að láta skrásetja sig ásamt Maríu hjákonu sinni, sem var þung. En meðan þau voru þar, kom sá tími, er hún skyldi verða léttari. Ældi hún þá bjór sinn frumdrukkinn, sagði hann vondan og lagði hann í fötu, af því að eigi var romm handa þeim í gistihúsi. En í sömu byggð voru barþjónar úti í haga og gættu um nóttina drykkja sinna.Og vörður laganna stóð hjá þeim, og dýrð Áfengis ljómaði kringum þá. Þeir urðu mjög fullir, en löggimann sagði við þá: Verið óhræddir, því sjá, ég boða yður mikinn fögnuð, sem veitast mun öllum lýðnum: Yður er í dag afréttari færður, sem er Hristur og hrærðu, í Mogga Davíðs.Og hafið þetta til marks: Þér munuð finna gubb vont, lagt í fötu. Og í sömu svipan var með löggumanninum fjöldi himneskra hljómsveita, sem lofuðu stuð og sögðu: Dýrð sé stuði í Hádegismóum, og fiður á Davíð og mönnum sem hann hefur velþóknun á. Þannig hljóðar hið heilaga stuðspjall. Og þegiðu svo!