— GESTAPÓ —
Í uppáhaldi:
Félagsrit:
Ívar Sívertsen
Friðargæsluliði.
Heiðursgestur og  skáldjöfur.
Sálmur - 5/12/07
Kjóll og hvítt...

Hafiði þetta pervertarnir ykkar [glottir eins og fífl]

Á kvöldi einu köldu
kjól ég skrýddi til minja.
Ný- þar -liða ljót á öldu
lagðist bitur ninja

Að þá bar einn bráðan gutta
í býsna miklu móki,
vældi eina vísu stutta
vesalingur, Jóki.

Þeir mér ansi þótti stynja
þá var málið eins og flóki
Ölvuð orðin nú var ninja
og nokkuð rakur orðinn Jóki.

Lagðist þannig lárétt ninja
langaði með Jóka
Öndin sagðist öflugt skynja
ömurlega djóka

Upphófst mikill mektarleikur
mig ég tók að spóka
Undrast þá einn undrableikur
afdrif sinna bróka.

Nam ég brækur báðar tvær
og brenndi þar til ösku
Þá ég mér á lamdi lær
og larfa setti í tösku.

Klæðalausir karlar tveir
kepptust við að leita,
Fötin oní fóru leir
og fiska- urðu -beita.

Ortu bitrir kappar brag
börðust við að semja
Að því hlæ ég hvern einn dag
og hamslaust þá ég emja!

Ninjan hafði nokkuð þá
notast við að góla
Jóki skrýtni skelfdur, já,
skoðaði þá kjóla.

Jóki kjólinum klæddist nú
kaldur, hræddur, þreyttur
Ninjan sagði Heyrðu, Hú!
Helvíti ertu breyttur.

Fóru kappar keikir þá
kumpánlega að hátta
Síðan glaðir sigldu hjá
í Samtökin 78.

   (70 af 287)  
5/12/07 22:00

Offari

Þú kannt að svara fyrir þig.

5/12/07 22:00

Jóakim Aðalönd

Hmmm...

Í fyrsta lagi var félaxrit mitt ekki sett fram í neinu samhengi við félaxrit ninjunnar. Í öðru lagi skil ég ekki tenginguna við meinta samkynhneigð okkar.

En það er greinilegt að skáldagyðjan hefur séð leik á borði og ákveðið að hella okkur alla fulla af sér í kveld...

Skál og prump!

5/12/07 22:00

Ívar Sívertsen

Hjarta mitt heilt er úr járni
hjálpandi ljæ aldrei hönd,
Gamanið þó kannski kárni
Kimma hjá Aðalönd.

5/12/07 22:00

Grágrímur

Snilld

5/12/07 22:00

Regína

Það stíga fram stórskáldin hvert af öðru.

5/12/07 22:00

Kiddi Finni

Kiäh kiäh...

5/12/07 22:00

Andþór

Nettur!

5/12/07 22:01

krossgata

Klapp, klapp!

5/12/07 22:01

Billi bilaði

<Sækir um inngöngu í samtökin...>

5/12/07 22:01

Varamaðurinn

Ég vara þig við að skrifa svona um mig.

5/12/07 22:02

Huxi

[Hlær Blesahlátri] Þetta kemur mér ekkert á óvart heldur. Ninjur klæðast nú yfirleitt einhverskonar kjólum. Og auðvitað er Kimi svona þenkjandi líka. Andarskömmin hefur gengið um ber að neðan frá því ég sá hann fyrst.

5/12/07 23:00

Jóakim Aðalönd

Já, en það er bara vegna þess að ég tími ekki að kaupa buxur.

[Kímir]

5/12/07 23:01

Kondensatorinn

Alltaf missi ég af svona skemmtilegum partíum.

Ívar Sívertsen:
  • Fæðing hér: 11/8/03 12:21
  • Síðast á ferli: 22/6/23 12:25
  • Innlegg: 12356
Eðli:
Ákaflega fagur ungur maður með mikinn metnað og kann sig á allan hátt. (hann lærði það á kvöldnámskeiði hjá Bréfaskóla SÍS)
Fræðasvið:
Ég veit allt, get allt og kann allt en fer rosalega leynt með það og kann að fela það vel.
Æviágrip:
[i]Fæddur að handraðanesi á sóðbrókarströnd í Ristilfirði. Lést skömmu síðar. Reis upp frá dauðum eftir korter og bað um brauð. Eftir það var ekki aftur snúið. Hann hefur síðan verið ánetjaður Baggalúti og virðist ekkert vera að skána.Hann fékk sér fæðingarblett á kinnina skömmu áður en hann lét taka hann af sér. Hann hló skömmu eftir það. Ívar hefur nú hafið búskap á Eyðibýli á Auðkúluheiði. Hann hefur aldrei verið við kvenmann kenndur en hann er all oft kenndur. Sívertsenættin hefur lýst hann útlægan og krafist þess að hann afsali sér ættarnafninu og taki upp nafnið Nestrevís en hann hefur margsinnis hafnað því. Ef þú ert að lesa þetta ennþá þá ert þú líklega jafn skemmdur og Ívar... ef ekki skemmdari barasta. Ertu enn að lesa? Nei nú læt ég leggja þig inn á geðdeild! Það er ekki heilbrigt að lesa svona langt! Viltu hætta þessu! HÆTTU SEGI ÉG!!! Ef þú ert enn að lesa og finnur ekki fyrri vott af þreytu þá skal því bætt við að þegar Gestapó var opnað í árdaga þá gerðist Ívar fastagestur hið snarasta. Hann hefur æ síðan verið einn virkasti gestapóinn og ritað mikið. Hins vegar er ljóst að hann kemur til með að auka viðveru sína á Gestapó á komandi árum því nú hefur hann komið sér í innivinnu við tölvu. Ertu enn að lesa þetta? ÉG held svei mér að þú ættir í alvöru að leita þér hjálpar. Ég er löngu hættur að lesa þetta... ég veit ekki einu sinni hvað stendur eftir línu þrjú. En hvað um það. Síðan hafa mörg vötn runnið til sjávar og eiginlega svo mikið að það er ekkert salt eftir í sjónum, það lagði á flótta upp í ár og stöðuvötn þannig að nú er sjórinn pakkfullur af ferskvatnsfiskum og ferskvatnshvölum. En það bar til um þessar mundir, að boð kom frá Megasi keisara, að skrásetja skyldi alla drykkina. Þetta var fyrsta skrásetningin og var gjörð þá er Gylfi Ægisson var blandstjóri í Stúdjó Sýrlandi. Fóru þá allir til að láta stjaksetja sig, hver til sinnar borgar. Þá fór og Rúnar Þór úr Litlu Hraunum frá Hótel Borg upp í Morgunblaðshús, til borgar Davíðs, sem heitir Hádegismóar, en hann var af ætt og kyni Davíðs,að láta skrásetja sig ásamt Maríu hjákonu sinni, sem var þung. En meðan þau voru þar, kom sá tími, er hún skyldi verða léttari. Ældi hún þá bjór sinn frumdrukkinn, sagði hann vondan og lagði hann í fötu, af því að eigi var romm handa þeim í gistihúsi. En í sömu byggð voru barþjónar úti í haga og gættu um nóttina drykkja sinna.Og vörður laganna stóð hjá þeim, og dýrð Áfengis ljómaði kringum þá. Þeir urðu mjög fullir, en löggimann sagði við þá: Verið óhræddir, því sjá, ég boða yður mikinn fögnuð, sem veitast mun öllum lýðnum: Yður er í dag afréttari færður, sem er Hristur og hrærðu, í Mogga Davíðs.Og hafið þetta til marks: Þér munuð finna gubb vont, lagt í fötu. Og í sömu svipan var með löggumanninum fjöldi himneskra hljómsveita, sem lofuðu stuð og sögðu: Dýrð sé stuði í Hádegismóum, og fiður á Davíð og mönnum sem hann hefur velþóknun á. Þannig hljóðar hið heilaga stuðspjall. Og þegiðu svo!