— GESTAPÓ —
Í uppáhaldi:
Félagsrit:
Ívar Sívertsen
Friðargæsluliði.
Heiðursgestur og  skáldjöfur.
Pistlingur - 1/11/06
Enn af nokkrum þeldökkum einstaklingum.

Ok, let's cut the crap. Hvað útgáfu bókarinnar um negrastrákana varðar þá eru þeir sem harðast hafa gengið fram duglegir við að hrópa að þarna sé verið að tönglast á því hvað þessir þeldökku piltar séu meingallaðir og klaufskir. Nú skulum við greina það aðeins.

Negrastrákar fóru á rall,
Nokkrir þeldökkir einstaklingar skelltu sér í smá hópeflisferð
þá voru þeir tíu,
segir sig sjálft...
einn drakk flösku af ólyfjan
Í æsku lærðist manni af barnabókum að ólyfjan væri eitur eða eitthvað sem gerir mann fárveikan. Að hér sé um að ræða áfengi er ekkert sennilegra en blómaáburður eða hreinlega að blessaður drengurinn hafi fengið ofnæmisviðbrögð við drykknum atarna og þar af leiðandi gæti hreinlega verið um mjólk að ræða.
en eftir urðu níu.
Vissulega hættir hann við að vera með í þessari hópeflisferð ef hann þarf á læknishjálp að halda. Það kemur hvergi fram að hann hafi látist, heldur bara að hann hafi heltst úr lestinni.

Níu litlir negrastrákar
fóru seint að hátta

Eins og við öll gerum einhvern tíman, sérstaklega þegar við förum í hópeflisferðir.
einn þeirra svaf yfir sig
Þetta er merki um að hann er mannlegur, hann missir af félögum sínum sem halda áfram í hópeflisferðinni og sefur á sínu græna. Engin merki um dauðdaga eða nokkurn klaufaskap heldur bara að hann var þreyttur og missti af vakningunni.
og þá voru eftir átta

Átta litlir negrastrákar
vöknuðu klukkan tvö.

Vissulega má gera því skóna að í erindinu á undan sé vitnað í það að einn hafi sofið yfir sig og sofið fram yfir tvö. Ég hef oft farið á rall og sofið lengur en til tvö og ekki er ég lágvaxinn þeldökkur einstaklingur af erlendum uppruna.
Einn þeirra dó úr geyspum
Ekki hef ég nú vitað til þess að menn deyji úr geyspum en ég veit að menn hafa farið úr kjálkalið og tognað illa á hálsi við það að geyspa ógurlega og ekki voru þeir lágvaxnir þeldökkir einstaklingar, hvorki af erlendum né innlendum uppruna. En hér er ekki klaufaskapur á ferð og ekki er þetta heimska.
en þá voru eftir sjö.

Sjö litlir negrastrákar
sátu og átu kex

Sem og margir gera þegar þeir eru svangir eða langar í einhvern aukabita.
einn þeirra át yfir sig
Það þarf nú ekki lágvaxinn þeldökkan einstakling til að éta yfir sig. Heimska og klaufaskapur? Jú, líklega en ekki kynþáttabundið.
en þá voru eftir sex.

Sex litlir negrastrákar
sungu dimmalimm

Hér vísar ljóðskáldið í listaverk myndlistarmannsins sem skreytti þessar vísur.
einn þeiirra sprakk á limminu
Hvað er að því að gefaast upp í miðju lagi þegar menn eru að syngja sér til gamans? Ef maður annað hvort kann ekki lagið eða hreinlega hefur ekki úthald í sönginn? Hér tel ég að lágvaxni þeldökki einstaklingurinn hafi verið snjall og tekið rétta ákvörðun. Hann vildi ekki skemma sönginn fyrir hinum.
en þá voru eftir fimm.

Fimm litlir negrastrákar
héldu að þeir væru stórir

Hér er höfundur að vísa til þess að drengirnir hafi borið sig mannalega og lent í útistöðum við einhverja. Ekki er tekið fram hver átti upptökin.
einn þeirra fékk á hann
Þegar menn lenda í uppþotum af einhverju tagi þá má alltaf gera ráð fyrir því að pústrar verði og einhver hljóti kjaftshögg. Sjaldan veldur einn þá tveir deila og því er ekki hægt að segja með vissu hvort hér sé um klaufaskap eða heimsku umræddra drengja að ræða.
en þá voru eftir fjórir.

Fjórir litlir negrastrákar
fóru að reka kýr

Sem góðir og gegnir samfélagsþegnar sinna þeir störfum og hér eru þeir komnir í kúasmalamennsku.
ein kýrin stangaði einn þeirra
Hvað hefur það með klaufaskap eða heimsku að gera þegar kýr stangar mann? Jú, kýrin er heimsk en menn ná ekki alltaf að víkja sér undan þeim. En þess má geta að sá sem stangaður var, lést greinilega ekki heldur slasaðist.
en þá voru eftir þrír.

Þrír litlir negrastrákar
þorðu nú ekki meir

Það er ekkert skrýtið að allur kjarkur skuli úr þeim þar sem hópeflisferðin hefur farið á annan veg en ætlað var.
einn þeirra dó úr hræðslu
Kjarkleysi er engin synd. Ég tel að drengurinn hafi haft fuglshjarta og því ekki enst aldur til að ljúka ferðinni.
en þá voru eftir tveir.

Tveir litlir negrastrákar
þögðu nú eins og steinn

Nú er svo komið að þeir þurfa að íhuga málin og hafa hægt um sig. Ekki vilja þeir lenda í frekari ógöngum.
annar hann varð vitlaus
Algengur nútímamisskilningur er sá að hér sé átt við að hann hafi skyndilega orðið heimskur. Svo er ekki raunin. Þarna er átt við að hann hafi brjálast á þögninni og þurft á hjálp geðlæknis eða sálfræðings að halda til að ná bata. Enginn dauðdagi í það skiptið
en þá var eftir einn

Einn lítill negrastrákur
sá hvar gekk ein dama

Það er eðli einstaklinga að laðast að öðrum einstaklingum, óháð því hvort það eru einstaklingar af sama eða gagnstæðu kyni. Einnig er það óháð því hvort um vinasamband eða ástarsamband sé að ræða.
Hann gaf sig á tal við hana
Öðruvísi kynnast þau víst ekki...
og bað hennar með það sama
Einhver kynni að að kalla þetta heimsku en einnar-nætur-gaman er alls ekki nýtt af nálinni. Þetta hefur viðgengist frá alda öðli.

Negrastelpan sagði já
og svo fóru þau í bíó

Rómantískt að skreppa með elskunni sinni í kvikmyndahús.
ekki leið á löngu
uns þau urðu aftur tíu.

Hafa samskipti þeirra greinilega verið svo góð að þeim hefur þótt ástæða til áframhaldandi sambands. Einhverjir hafa viljað benda á það að þarna sé verið að gera lítið úr þeldökku fólki, hvað það fjölgi sér hratt. Ég vil góðfúslega benda á að 10 barna fjölskyldur þekktust vel árið 1922 þegar bókin var fyrst gefin út. Sem dæmi má nefna að Guðni Ágústsson, formaður Framsóknarflokksins kemur úr 16 barna hópi og ekki er neinn þeldökkur þar á bæ (útúrsnúningar á gæðum framsóknarmanna skulu notaðir á öðrum vettvangi).

Það er ljóst að fátt af því sem dregur drengina úr hópeflisferðinni er vottur um heimsku eða klaufaskap annarra en þeirra sem bókina skrifa. Tíðarandinn var einfaldlega þannig þegar þessi bók er gefin út að þeldökkir einstaklingar voru þrælar, þjónar og vinnumenn. Auðvitað er það fráleit hugsun í dag en lítum okkur aðeins nær. Hér á íslandi viðgengst þrælahald. Í dag eru það ekki þeldökkir eða fólk sem hefur annan húðlit en frumbyggjar Íslands. Það eru blessaðir austantjaldsmennirnir sem fá að kenna á þrælahaldi íslendinga. Ef þessi bók væri gerð í dag þá væri líklega ort um pólverja eða eystrasaltsbúa.

Myndskreyting bókarinnar er vissulega vafasöm og alltaf ástæða til umræðu en við getum ekki afneitað þeirri staðreynd að þetta var tíðarandinn og hann er hluti af sögu okkar. Við getum ekki afneitað því sem orðið er heldur sýnt börnum okkar fram á að í dag hugsa menn aðeins öðruvísi en menn gerðu hér áður.

Í Fréttablaðinu í gær, sunnudaginn 4. nóvember á blaðsíðu 14, er grein um endurútgáfu barnabóka af þessu tagi. Þar er vitnað m.a. í jarðálfinn Láka og fleiri gamlar barnabækur. Þar er bent á að vísnabálkurinn um þeldökku drengina hafi verið ortur og gerður til að auðvelda börnum að læra að telja. Góð og gild ástæða og góð bók til þess á þessum tíma. Vissulega höfum við háþróaðri aðferðir í dag og getum litið á þessa bók í besta falli sem skemmtun fyrir þá sem það vilja og í versta falli rasisma fyrir þá sem það vilja.

Ef menn fetta fingur út í þetta þá er ástæða til þess að fetta fingur út í annan kveðskap þá er rétt að benda á Stína og brúðan þar sem segir m.a.:

Hann brosandi fór og klippti klæðið.
“Hvað kostar það?” spurði Stína.
“Einn koss” hann svaraði, “kostar klæðið
í kjól á brúðuna þína.”

Er ekki verið að vísa í barnaníðingsskap? Ekki finnst mér það. Mér finnst alveg ástæða til að staldra við og hugsa aðeins hvort sé verið að gera rétt með upphlaupum vegna útgáfu svona rita.

Í kvikindisskap mínum skrifaði ég um daginn félagsrit þar sem ég tók mjög einarða afstöðu með endurútgáfu bókarinnar um þeldökku drengina. Ég kallaði bókina meistaraverk og annað í þeim dúr. Viðbrögðin létu ekki á sér standa. Hins vegar þá er afstaða mín ekki svona svarthvít. Ég skil viðhorfin og er alveg á báðum áttum með myndskreytingar bókarinnar eins og áður segir. En ég sé ekkert að því að yrkja svona vísur. Í áðurnefndri grein, í Fréttablaðinu í gær, er meðal annars nefnt að orðið Negri er komið af latneska orðinu Negro. Hér er ekki tenging við orðið Nigger sem er niðrandi orð um blökkumenn. Á íslandi höfum við mýgrút af niðrandi orðum um þeldökkt fólk sem ég vil síður hafa eftir.

Er gagnrýni þeirra sem amast við útgáfunni hefur verið kennd við fáfræði og fordóma í líkingu við þá sem þeir hinir sömu gagnrýna útgáfuna fyrir. Ekki ætla ég að dæma um það en mér finnst merkilegt hvað fólk hefur farið hörðum orðum um þetta mál. 2005 var bókin um jarðáflinn Láka endurútgefin og ekki minnist ég þess að það hafi orðið upp fótur og fit út af henni. Hann er samt með svart, krullað hár og með hala í upphafi bókar en í lokin orðinn ljóshærður "venjulegur" drengur. Þetta kemur einnig fram í Fréttablaðinu í gær.

Barnabækurnar Stubbur og Stúfur ala á einelti og fordómum í garð þeirra sem eru frávik í samfélaginu. Stúfur er lítill og mjór sem bróðir hans er stór og feitur. Stubbur er lítill og mjór en Óli og Pétur stórir og kraftmiklir. Þeir stóru hafa yfirburði og níðast á þeim litlu. En með utanaðkomandi hjálp ná Stubbur og Stúfur að hefna fyrir níðið. Eða er það ekki? Er þetta ekki alveg jafn vafasamt og Negrastrákarnir?

Eitt sem ég vil reyndar gagnrýna við útgáfu bókarinnar sem fagmaður í hönnun. Eins og Hel að Hurðarbaki benti á þá er búið að eyðileggja útlit bókarinnar með því að prenta hana á snjóhvítan pappír og textinn prentaður í skýru og auðlesnu letri en ekki upprunalega handskrifaða textann. Það er ekkert nema sögufölsun. Auðvitað á að láta þetta halda sér í upprunalegri mynd.

En ég býst við að tjá mig ekki mikið meira um þetta mál þar sem ég hef ekkert meira um það að segja... alla vega að svo stöddu.

   (84 af 287)  
1/11/06 05:01

Gísli Eiríkur og Helgi

http://blog.central.is/gautieggertsson/index.php?page=comments&id=336312 6#co

1/11/06 05:01

Ívar Sívertsen

Prýðilegt innlegg. Það sem ég sil bara ekki eru öll þessi læti út af ekki meira máli. Það liggur við að maður gruni útgefanda um að vera með fólk á sínum snærum sem blæs þetta svona upp.

1/11/06 05:01

Fíflagangur

1/11/06 05:01

Fíflagangur

Þetta er einmitt málið Ívar minn.
Það er líka gagnleg ábending hjá GEH að benda á þessa grein hans Gauta, sem ég las fyrir nokkru. Með samanburði þessara tveggja greina kemur einmitt berlega í ljós hugsunarfeillinn hjá téðum Gauta; Hann lítur algerlega framhjá textanum og kýs að velta sér upp úr bakgrunni sambærilegs kvæðis einhvers bandaríkjamanns. Samlíkingin við það kvæði endar á því að í báðum er talað um þelbökka pilta og uppbyggingin er hin klassíska niðurtalning sem birst hefur í ótal barnakvæðum í gegn um tíðina.
Reyndar má jafnvel segja að titillinn sé ekki einusinni sá sami það sem "Ten little Niggers" er gildishlaðið vegna notkunar orðsins "nigger" í amerísku sem e.k. niðrandi útgáfu á litarafti svartra, á meðan negri hefur alla tíð einfaldlega merkt svartur maður á íslensku, án allrar niðrandi merkingar þá undanfarin ár hafi menn reynt að yfirfæra ameríska rétthugsunaleiðréttingu yfir á íslenska tungu í algeru tilgangsleysi.
Sumsé saklaust

1/11/06 05:01

krossgata

Ég man eftir 10 litlum negrastrákum þegar ég var krakki og man að mér þótti voðalega leiðinlegt að einn dó og var alls ekki viss um að það að springa á limminu væri hægt að lifa af, en ég var mjög fegin í lokin þegar þeir urðu 10 aftur. Ég skildi það þannig að allir hefðu í raun lifað af og mætt í bíó. Svona var maður nú saklaus.

En varðandi hana Stínu, þá þótti mér alltaf frekar dónalegt af búðarkallinum að heimta koss af stelpunni, ókunnugur maðurinn. Mér þykir það enn. Samt hef ég sungið þetta kvæði fyrir börn. Ef ég á eftir að syngja það fyrir barnabörnin ætla ég að brýna fyrir þeim að maður borgi ekki neitt með kossi.

1/11/06 05:01

Útvarpsstjóri

Væri ekki nær að heiðra Mugg með því að endurframleiða Lomberspilastokkinn sem hann skreytti og er fyrir löngu ófáanlegur. Um leið væri síðan hægt að endurvekja Lombermenninguna, sem tröllreið öllu landinu þar til hið einfalda og auðlærða spil, brú, kom til sögunnar. Þar eru miklu meiri menningarverðmæti en í þessari barnabók.

1/11/06 05:01

Ívar Sívertsen

Einn koss, hann svaraði kostar klæðið
í kjól á brúðuna þína

Með kreptum hnefa hún flaug í fantinn
FÁVITI orgaði Stína
Ég ætla að kæra þig kúkalabbi
og kem þessu á sakaskrá þína!

1/11/06 05:01

Gísli Eiríkur og Helgi

Enn einu sinni þessi bók er ekkert annað enn full af fordómum Teikningar Mugs eru líka fullar af fordómum Lagið sem er rauulað lað við rasistagæluna er ekki Íslenskt textinn er bara frjáls Þíðing og ekkert annað
Muggur ríður á rasista vaðið og teiknar svarta með lendarskílur og rauðar þikkar varir.þegar þessi hörmung var gefinn út þá voru blökku menn hengdir í næsta tré yfir allt í Bna. Ok flestu virðist nu þikja að þettað sé ekki sérlega merkileg bók segið þið enn af hverju í andskotanum eigum við að láta leikskólana kaupa ógeðið ? Síðast þegar ég tók með mér krakkana til Íslans fékk ekki ljósmyndari að lána skautbúning af þjóðdansafélagi rasistalandsins því það skyldi flekka þjóðbúninginn , Það var ekki 1922 . Þegar talað er um meinleisi þessara rasistaskruddu þá verðum við að spurja bræður okkar og systur með annan húðlit enn okkar nábleika , hvort þeim sárni brandarabókinn frá
ef hinum halta ekkert fynst fyndið að hlæa af sér þá gerum við það ekki ef Gyðingnum sárnar skopteikninginn af stórnefjuðum nýskupúka . Ef feitabollann grætur þegar hún er lægð i einelti þá er það skylda okkar að ekki nábleiku börnin okkar ferköntuðu . fái fordómana með móðursmjólkini. Látum krakkana á leikskólanum
sýna tillitsemi til hvots annað án niðurlægjandi hæðni í garð hvers annars . þá held ég að við lítið skref í áttina að betri heim þar sem við öll getum hlegið til samans í staðin fyrir að hata hvort annað

1/11/06 05:01

Gísli Eiríkur og Helgi

Enþá fyrirgef allar villurnar .Ég er nánast blindur sé lítið á eina auganu og ekkert á hinu og bíð eftir aðgerð. . Þið gætuð kanski skrifað níðvísu um það . Ég er líka reiður og þá gerist ég fljótfærinn um of. 'eg er líka fullur því edrú getur maður ekki verið í þessum heimi , Eitt atriði sem féll úr var að stúlkan sem átti að klæðast skautbúninginum var blökkukona. Annað atriði er að frænka mín á barn með Nígeríumanni sem er uppalinn á skreið frá 'isbyrninum þau þora ekki að flytja til Íslands
þó þeim langi . Giska afhverju ?

1/11/06 05:01

Ívar Sívertsen

GEH minn. Nú skaltu lesa lengra en bara þessa bloggfærslu sem þú keppist við að vitna í. Þú skalt líka leita lengra en í eigin barm. Þú ert vafalaust besta skinn og hinn vænsti náungi. En með því að vitna einvörðungu í þetta blogg / grein og einstrengingslega afstöðu þína þá gerirðu þig sekan um að vera ferkantaður og fordómafullur. Hvað með okkur sem þykir myndirnar á gráu svæði? Við fáum að heyra það hjá þér af því að okkur þykir textinn ekki rassgat dónalegur ef miðað er við söguna. Þú afneitar ekki sögunni heldur verðum við að umbera hana með þeim fyrirvörum sem nú hafa komið fram. Ég ætla síst að réttlæta krossferðir kaþólikka á miðöldum, herferðir Ghengis Khan (nei ekki bróðir Olivers markvarðar) og ég ætla ekki heldur að réttlæta ofsóknir innflytjenda í garð frumbyggja norður-ameríku. Ég er raunverulega ekki að reyna að réttlæta neitt sema endurútgáfuna í sögulegu samhengi. Kældu þig aðeins og reyndu að hugsa aðeins út fyrir kassann og í fleiri litum en svörtu og hvítu!

1/11/06 05:01

Ívar Sívertsen

Og já, GEH, ég man eftir atviki þegar þjóðdansafélagið neitaði að lána blökkukonu íslenskan búning. Það var hneyksli og þeir fengu búning annars staðar sem birtist á forsíðu Reykjavik Grapevine. Flottasta forsíðan á því blaði hingað til. Ég er fylgjandi því að fólk flytji sig á milli. Fyrir mér er fólk bara fólk en ekki svartir, gulir, rauðir eða hvítir. Þetta eru útlitseinkenni eins og vörtur, svipmót eða vaxtarlag. Það væri nær að fárast út í textann sem segir eftirfarandi:

Svart, svart, svart er lambið út í haga
svart, svart, svart er góða sjalið mitt
Allt sem er svart, svart, finnst mér vera fallegt
fyrir vin minn litla svertingjann...

Eða er það ekki? Er þetta ekki alveg eins til þess fallið að ala á rasisma? Er ekki verið að líkja svertingja við búfénað? Kommonn, hugsum aðeins lengra en nasahárin á okkur bera okkur.

1/11/06 05:01

Gísli Eiríkur og Helgi

Elsku Ívar minn ef hún frænku þinni sem kanski á pabba frá Sómalíu skildi koma heim til þín og gráta
yfir því að í leikskólanum í dag sungu börninn þennan saung við þessar myndir . Skyldir þú þá hugga hana með að Muggur væri ástsæll Íslenskur Listamaður og þettað væri bara grín

1/11/06 05:01

Ívar Sívertsen

Ég myndi síst nefna þá hluti heldur að þetta væri gamaldags hugsunarháttur á Íslandi. Þetta hafi verið tíðarandinn. Ég kem aldrei til með að réttlæta kynþáttahatur.

En fyrir mér er þetta ekki alvarlegt. Mér finnst mun alvarlegra að sjá fréttir þar sem þjóðarbrotum er slátrað á matartíma.

Fjölskyldan situr með matinn við sjónvarpið og horfir á fólk í austurevrópu, asíu, afríku og nánast hvar sem er brytjað í spað nánast í beinni meðan kartöflurnar renna ljúflega niður í maga. Er ekki frekar að fárast yfir svoleiðis málum en svona smáræði?

1/11/06 05:01

Gísli Eiríkur og Helgi

Mig langar líka að vita af hverju þessi bók höfðar til nútímabarnsins á Íslandi svo að fólk taki stríð fyrir réttinn að kaupa inn sóðaskapinn á leikskólum landsins?

1/11/06 05:01

Ívar Sívertsen

Veistu, fjöldamorð í Baghdad hafa ekki verið hluti af okkar þjóðararfi. Það er bókin um negrastrákana. Lifandi dæmi um viðhorf þess tíma.

1/11/06 05:01

Gísli Eiríkur og Helgi

Bókinn um negrastrákana er ekki neinn þjóðarafur .
textinn er rasistiskur myndirnar líka og eiga uppruna sinn í kolonialrasisma Bandaríkjana Fjöldamorðin í Bagdad eru afurð af tortryggni í garð annara þjóðflokka og græðgi nokkuð sem fer hönd í hönd með Rasisma
Fjöldamorðinn í Bagdad eru framin með stuðníng Íslendinga

1/11/06 05:01

Ívar Sívertsen

Hvað er þjóðararfur annað en það sem þjóðin gefur af sér? Fjöldamorðin í Írak VORU með samþykki íslenskra stjórnvalda. Þau hafa dregið hann til baka!

1/11/06 05:02

krumpa

Elsku Ívar - viltu giftast mér?
Fer ekki annars að koma tími á að tala um eitthvað annað - það er alveg augljóst að hér tekst engum að snúa neinum.

1/11/06 05:02

Gísli Eiríkur og Helgi

Ívar Er giftur elsku Krumpa enn ég er á lausu

1/11/06 05:02

Ívar Sívertsen

Nei, Krumpa en ég myndi vafalaust íhuga það alvarlega væri ég laus og liðugur.

Hvað finnst ykkur um að dollarinn sé kominn niður fyrir 60 krónur?

1/11/06 06:00

Texi Everto

Snúm kvæðinu í kross - hugsum okkur að Danir hefðu gefið út um aldamótin 1900 bók sem kallaðist Tíu íslenskir bóndadurgar. Í þessari bók hefðu svo bóndadurgarnir allir hellst úr lestinni á klaufalegan, broslegan eða heimskulegan máta. Bókin hefði verið skreytt með háðslegum skopstælingum af íslenskum bóndadurgum. Ef Danir myndu í dag ætla að endurútgefa bókina og dreyfa í leikskólana sína - væri það til að gleðja okkur, eða myndum við sjá fyrir okkur að það myndi auka líkurnar á því að dönsk börn myndu hæðast að íslenskum börnum að ósekju?

1/11/06 06:00

Texi Everto

Níu íslenskir bóndadurgar,
gátu'ey hætt að þrátta.
Einn þeirra sprakk úr reiði,
þá sátu þeir eftir átta.

1/11/06 06:00

Ívar Sívertsen

Mér þætti það skemmtileg heimild um viðhorf danskra til okkar fyrr á tímum.

1/11/06 06:00

Jóakim Aðalönd

Danir þurfa ekkert að gefa út kvæði til að lýsa vanþóknun þeirra á Íslendingum fyrr á öldum. Þeir nutu þess að pína okkur í aldanna rás og skattleggja, en nú eigum við bara að hætta að kaupa fyrirtækin þeirra. Sveiattan!

Danir eru einhver viðbjóðslegasta þjóð í heimi!

1/11/06 06:00

Útvarpsstjóri

Jóakim minn, skoðaðu samskiptasögu Íslendinga og Dana aðeins betur, þá kemstu að ýmsu sem þér er ekki kennt í barnaskóla. Það voru t.d. Íslendingar sem báðu um að fá fastann taxta í verslanir hér á landi, eitthvað sem þekktist hvergi annars staðar í danska konungsríkinu.

1/11/06 06:01

Dexxa

Ég man eftir þessari bók þegar ég var lítil.. samt skildi ég ekki munin á að vera svartur og hvítur.. ég hélt einmitt að maður væri negri þegar maður var búinn að vera mikið í sólinn og orðinn sólbrúnn.. þeir sem voru orðnir svona sólbrúnir voru kallaðir negrar, eða bara svartir.. já svona var maður nú einfaldur og saklaus einu sinni

1/11/06 06:02

Offari

Svo mætti líka minna á söguna um geiturnar þrjár þar finnst mér votta nokkuð fyrir fordómum á TRÖLLUM það ætti að banna foreldrum að lesa þá sögu fyrir börnin.

1/11/06 08:00

Rattati

Svo ekki sé talað um Lukku Láka, þar sem talsvert fer fyrir fordómum á hundum.....

1/11/06 08:00

Ívar Sívertsen

Að ég tali nú ekki um gengisskráningu gjaldmiðla, Dollarinn er miklu lægri en Evra og Pund!

6/12/10 10:02

Fergesji

Raunar urðu þau tríó. Bæði rímar það, og er einnig mun rökréttara.

3/12/21 10:01

Billi bilaði

Er ekki aftur kominn tími á endurútgáfu?

Ívar Sívertsen:
  • Fæðing hér: 11/8/03 12:21
  • Síðast á ferli: 22/6/23 12:25
  • Innlegg: 12356
Eðli:
Ákaflega fagur ungur maður með mikinn metnað og kann sig á allan hátt. (hann lærði það á kvöldnámskeiði hjá Bréfaskóla SÍS)
Fræðasvið:
Ég veit allt, get allt og kann allt en fer rosalega leynt með það og kann að fela það vel.
Æviágrip:
[i]Fæddur að handraðanesi á sóðbrókarströnd í Ristilfirði. Lést skömmu síðar. Reis upp frá dauðum eftir korter og bað um brauð. Eftir það var ekki aftur snúið. Hann hefur síðan verið ánetjaður Baggalúti og virðist ekkert vera að skána.Hann fékk sér fæðingarblett á kinnina skömmu áður en hann lét taka hann af sér. Hann hló skömmu eftir það. Ívar hefur nú hafið búskap á Eyðibýli á Auðkúluheiði. Hann hefur aldrei verið við kvenmann kenndur en hann er all oft kenndur. Sívertsenættin hefur lýst hann útlægan og krafist þess að hann afsali sér ættarnafninu og taki upp nafnið Nestrevís en hann hefur margsinnis hafnað því. Ef þú ert að lesa þetta ennþá þá ert þú líklega jafn skemmdur og Ívar... ef ekki skemmdari barasta. Ertu enn að lesa? Nei nú læt ég leggja þig inn á geðdeild! Það er ekki heilbrigt að lesa svona langt! Viltu hætta þessu! HÆTTU SEGI ÉG!!! Ef þú ert enn að lesa og finnur ekki fyrri vott af þreytu þá skal því bætt við að þegar Gestapó var opnað í árdaga þá gerðist Ívar fastagestur hið snarasta. Hann hefur æ síðan verið einn virkasti gestapóinn og ritað mikið. Hins vegar er ljóst að hann kemur til með að auka viðveru sína á Gestapó á komandi árum því nú hefur hann komið sér í innivinnu við tölvu. Ertu enn að lesa þetta? ÉG held svei mér að þú ættir í alvöru að leita þér hjálpar. Ég er löngu hættur að lesa þetta... ég veit ekki einu sinni hvað stendur eftir línu þrjú. En hvað um það. Síðan hafa mörg vötn runnið til sjávar og eiginlega svo mikið að það er ekkert salt eftir í sjónum, það lagði á flótta upp í ár og stöðuvötn þannig að nú er sjórinn pakkfullur af ferskvatnsfiskum og ferskvatnshvölum. En það bar til um þessar mundir, að boð kom frá Megasi keisara, að skrásetja skyldi alla drykkina. Þetta var fyrsta skrásetningin og var gjörð þá er Gylfi Ægisson var blandstjóri í Stúdjó Sýrlandi. Fóru þá allir til að láta stjaksetja sig, hver til sinnar borgar. Þá fór og Rúnar Þór úr Litlu Hraunum frá Hótel Borg upp í Morgunblaðshús, til borgar Davíðs, sem heitir Hádegismóar, en hann var af ætt og kyni Davíðs,að láta skrásetja sig ásamt Maríu hjákonu sinni, sem var þung. En meðan þau voru þar, kom sá tími, er hún skyldi verða léttari. Ældi hún þá bjór sinn frumdrukkinn, sagði hann vondan og lagði hann í fötu, af því að eigi var romm handa þeim í gistihúsi. En í sömu byggð voru barþjónar úti í haga og gættu um nóttina drykkja sinna.Og vörður laganna stóð hjá þeim, og dýrð Áfengis ljómaði kringum þá. Þeir urðu mjög fullir, en löggimann sagði við þá: Verið óhræddir, því sjá, ég boða yður mikinn fögnuð, sem veitast mun öllum lýðnum: Yður er í dag afréttari færður, sem er Hristur og hrærðu, í Mogga Davíðs.Og hafið þetta til marks: Þér munuð finna gubb vont, lagt í fötu. Og í sömu svipan var með löggumanninum fjöldi himneskra hljómsveita, sem lofuðu stuð og sögðu: Dýrð sé stuði í Hádegismóum, og fiður á Davíð og mönnum sem hann hefur velþóknun á. Þannig hljóðar hið heilaga stuðspjall. Og þegiðu svo!