— GESTAPÓ —
Í uppáhaldi:
Félagsrit:
Ívar Sívertsen
Friðargæsluliði.
Heiðursgestur og  skáldjöfur.
Pistlingur - 4/12/06
Efri ár

Ég hlýt að vera farinn að komast á efri ár! Það finnst mér ekki gaman!

Ég er farinn að geyspa upp úr hádegi
Ég er farinn að fá hár úr eyrunum
Ég er farinn að heyra illa
Ég er farinn að verða þreyttur í barnaafmælum
Ég er farinn að sofa stundum fyrir kl 23
Ég er farinn að geta vaknað án vesens kl 07
Ég er hættur að þola eins mikið áfengi og áður
Ég á jeppa
Ég keypti parket í janúar
Ég drekk meira kaffi en nokkru sinni fyrr!

Eru einhver ráð við þessu?

   (96 af 287)  
4/12/06 05:01

Hvæsi

<Hrökklast hrikalega langt aftur og hrasar við í fangið á Ívari>
ALLT þetta á við mig líka.

4/12/06 05:01

krossgata

[Í anda litaspár dagsins fyrir gula]
Við efri árum eru engin ráð. Sá aldur sem maður er á er alltaf sá efsti, því er þetta viðvarandi ástand allt til dauða. Það verður bara að lifa með þessu.

4/12/06 05:01

Billi bilaði

Kaupa tjaldvagn aftan í jeppann?

4/12/06 05:01

Carrie

Hár úr eyrunum, oj, ég las ekki lengra.
[Stelur lífselexír konungs og svolgrar í sig]

4/12/06 05:01

Ívar Sívertsen

Hér er þörf á að stofna samtök um málefni eldri borgara hér í Baggalútíu.

4/12/06 05:01

Billi bilaði

Er ekki fundur í EMBLU bráðum?

4/12/06 05:01

hvurslags

EMBLA?! Ég held nú frekar að ég stofni Æskulýðssamtök Baggalútíu. [hnussar þrátt fyrir ungan aldur]

4/12/06 05:01

Dula

Vax
heyrnartæki
orkupillur og fæðubótarefni

ólæknandi
ólæknandi

drekktu bara oftar þá jafnast þetta út
fáðu þér bara skuldahala aftan í jeppann, þá ertu einsog allir íslendingar.
Fínt að eiga parket, ef þú vilt ekki eiga það þá vantar mig ca 70 fm
Já kaffifíknin eykst oftast af því að þú drepur niður bragðlaukana og ert alltaf að reyna að muna hvernig alvöru kaffi bragðast

[hlær dátt af eigin fyndni]

4/12/06 05:01

Tigra

Vakna... fyrir 7??
Hvurslags geðveiki er það?

Annars er ég að verða afasystir núna á næstu dögum, en er yngri sem aldrei fyrr!

4/12/06 05:02

Offari

Ertu búinn að parketleggja Hexíu?

4/12/06 06:01

Kargur

Illa er fyrir þér komið. Annars á þetta flest við mig, nema eyrnahárin og parketið.

4/12/06 06:01

Galdrameistarinn

Komin tími til að sækja um á Hrafnistu eða Grund gamlinginn þinn

4/12/06 06:02

Jóakim Aðalönd

Ég er farinn að geyspa upp úr hádegi -- Ég geyspa á öllum tímum dax.
Ég er farinn að fá hár úr eyrunum -- Gerðist um tvítugt hjá mér.
Ég er farinn að heyra illa -- Hef alltaf heyrt illa.
Ég er farinn að verða þreyttur í barnaafmælum -- Ég hef ávallt HATAÐ barnaafmæli. Líka þegar ég átti afmæli.
Ég er farinn að sofa stundum fyrir kl 23 -- Ekkert mál með Imovane vinum mínum...
Ég er farinn að geta vaknað án vesens kl 07 -- Ekkert mál ef ég þarf að vakna til vinnu.
Ég er hættur að þola eins mikið áfengi og áður -- Ekki kannast ég við þetta.
Ég á jeppa -- Það er ekki ellimerki.
Ég keypti parket í janúar -- Það er ekki heldur ellimerki nema þegar það er keypt í marz.
Ég drekk meira kaffi en nokkru sinni fyrr! -- Það er ungdómsmerki. Flestir þurfa að hætta að drekka kaffi með ellinni...

Skál!

Ívar Sívertsen:
  • Fæðing hér: 11/8/03 12:21
  • Síðast á ferli: 22/6/23 12:25
  • Innlegg: 12356
Eðli:
Ákaflega fagur ungur maður með mikinn metnað og kann sig á allan hátt. (hann lærði það á kvöldnámskeiði hjá Bréfaskóla SÍS)
Fræðasvið:
Ég veit allt, get allt og kann allt en fer rosalega leynt með það og kann að fela það vel.
Æviágrip:
[i]Fæddur að handraðanesi á sóðbrókarströnd í Ristilfirði. Lést skömmu síðar. Reis upp frá dauðum eftir korter og bað um brauð. Eftir það var ekki aftur snúið. Hann hefur síðan verið ánetjaður Baggalúti og virðist ekkert vera að skána.Hann fékk sér fæðingarblett á kinnina skömmu áður en hann lét taka hann af sér. Hann hló skömmu eftir það. Ívar hefur nú hafið búskap á Eyðibýli á Auðkúluheiði. Hann hefur aldrei verið við kvenmann kenndur en hann er all oft kenndur. Sívertsenættin hefur lýst hann útlægan og krafist þess að hann afsali sér ættarnafninu og taki upp nafnið Nestrevís en hann hefur margsinnis hafnað því. Ef þú ert að lesa þetta ennþá þá ert þú líklega jafn skemmdur og Ívar... ef ekki skemmdari barasta. Ertu enn að lesa? Nei nú læt ég leggja þig inn á geðdeild! Það er ekki heilbrigt að lesa svona langt! Viltu hætta þessu! HÆTTU SEGI ÉG!!! Ef þú ert enn að lesa og finnur ekki fyrri vott af þreytu þá skal því bætt við að þegar Gestapó var opnað í árdaga þá gerðist Ívar fastagestur hið snarasta. Hann hefur æ síðan verið einn virkasti gestapóinn og ritað mikið. Hins vegar er ljóst að hann kemur til með að auka viðveru sína á Gestapó á komandi árum því nú hefur hann komið sér í innivinnu við tölvu. Ertu enn að lesa þetta? ÉG held svei mér að þú ættir í alvöru að leita þér hjálpar. Ég er löngu hættur að lesa þetta... ég veit ekki einu sinni hvað stendur eftir línu þrjú. En hvað um það. Síðan hafa mörg vötn runnið til sjávar og eiginlega svo mikið að það er ekkert salt eftir í sjónum, það lagði á flótta upp í ár og stöðuvötn þannig að nú er sjórinn pakkfullur af ferskvatnsfiskum og ferskvatnshvölum. En það bar til um þessar mundir, að boð kom frá Megasi keisara, að skrásetja skyldi alla drykkina. Þetta var fyrsta skrásetningin og var gjörð þá er Gylfi Ægisson var blandstjóri í Stúdjó Sýrlandi. Fóru þá allir til að láta stjaksetja sig, hver til sinnar borgar. Þá fór og Rúnar Þór úr Litlu Hraunum frá Hótel Borg upp í Morgunblaðshús, til borgar Davíðs, sem heitir Hádegismóar, en hann var af ætt og kyni Davíðs,að láta skrásetja sig ásamt Maríu hjákonu sinni, sem var þung. En meðan þau voru þar, kom sá tími, er hún skyldi verða léttari. Ældi hún þá bjór sinn frumdrukkinn, sagði hann vondan og lagði hann í fötu, af því að eigi var romm handa þeim í gistihúsi. En í sömu byggð voru barþjónar úti í haga og gættu um nóttina drykkja sinna.Og vörður laganna stóð hjá þeim, og dýrð Áfengis ljómaði kringum þá. Þeir urðu mjög fullir, en löggimann sagði við þá: Verið óhræddir, því sjá, ég boða yður mikinn fögnuð, sem veitast mun öllum lýðnum: Yður er í dag afréttari færður, sem er Hristur og hrærðu, í Mogga Davíðs.Og hafið þetta til marks: Þér munuð finna gubb vont, lagt í fötu. Og í sömu svipan var með löggumanninum fjöldi himneskra hljómsveita, sem lofuðu stuð og sögðu: Dýrð sé stuði í Hádegismóum, og fiður á Davíð og mönnum sem hann hefur velþóknun á. Þannig hljóðar hið heilaga stuðspjall. Og þegiðu svo!