— GESTAPÓ —
Í uppáhaldi:
Félagsrit:
Ívar Sívertsen
Friðargæsluliði.
Heiðursgestur og  skáldjöfur.
Pistlingur - 1/11/05
Dómsdagsspár og heimsósómatal

Það er meira hvað menn eru neikvæðir nú orðið. Hér eru menn farnir að saka hvern annan um ósæmilega hegðun, ósæmilegt orðfæri og jafnvel ósæmilegt útlit. Þessu verður að linna

Fyrir rúmum þremur árum skráði ég mig á það sem við þekkjum sem Gestapó í dag. Ég Fagnaði því mjög að geta átt mitt eigið heiti í friði og ekki leyft öðrum að villa á sér heimildir með því að reyna að vera ég eins og einhverjir reyndu af og til í því gamla gestapói sem notast var við. Frá því í ágúst 2003 þar til síðast liðið vor hefur alltaf verið frekar gaman á Gestapó og öll dýrin í skóginum hafa reynt að vera vinir og tekist það merkilega vel.

En nú eftir opnunina í haust hefur þetta snúist algerlega við. Það hefur skapast óvild í garð einhverra, aðrir hafa hætt með hávaða og enn aðrir látið sig hverfa þegjandi og hljóðalaust. Hver er ástæðan? Jú, það eru skemmd epli hér innan um. Sum eru ný en önnur gömul. Ég ætla mér ekki að nefna nöfn og ekki að gefa í skyn hverjir eiga í hlut.

Sjálfur hef ég reynt að forðast leiðindin þó ég hafi á ákveðnum tímapunkti farið áleiðis með að verða leiðinlegur en sá að mér og dró í land.

Það sem hryggir mig mest er sú staðreynd að það eru afskaplega fáir sem reyna að gera eitthvað í því að Gestapó verði sá gleðistaður og skemmtiathvarf sem það var. Hér eru hlutirnir farnir að snúast of mikið um skítkast í náungann og almenn leiðindi. Vissulega er ég orðinn þreyttur á því en ég er ekki á þeim buxunum að hætt að venja komur mínar hingað. Hér hefur maður þó alltaf vettvang fyrir fimmaurabrandarana hvort sem þeir falla í frjóan svörð eða grýttan jarðveg.

Einhvern tíman hlaut að koma að því að Gestapó fylltist af leiðindum og erfiðleikum. En erfiðleikar eru til þess að sigrast á þeim. Mér finnst við hins vegar hafa dregist það mikið niður að seinlegt verður að ná upp góðum skemmtistatus aftur.

Leggjumst því öll á eitt, gerumst afspyrnuskemmtileg og hættum þessum dómsdagsspám og öllu þessu heimsósómatali. Ef þetta heldur svona áfram má búast við því að ristjórn finnist mál að linni og loki sjoppunni. Hvað ætlum við að gera þá? Það verður aldrei annað Gestapó, svo mikið er víst.

Lifi Gestapó, lifi sannleikurinn, lifi Baggalútur!

   (114 af 287)  
1/11/05 00:00

Rýtinga Ræningjadóttir

Heyr heyr! Orð í sannleika mælt! Lifi sannleikurinn!

1/11/05 00:00

Offari

Nei nei ekki loka sjoppunni nei nei við verðum að snúa vörn í sókn, ég held að góða árshátíðin muni snúa þessari þróun við og allir hætti að kítast. nema jæja ég nefni engin nöfn heldur.

1/11/05 00:00

Þarfagreinir

Það sem mér þykir leiðinlegast er að við þessi fáu sem erum að reyna að bæta úr málum fáum oftar en ekki skítkast úr þekktum og óþekktum áttum. Það er ekki beinlínis skemmtilegt eða gefandi, og ég skil alls ekki hvaða annarlegu hvatir eru þar að baki. Aldrei nokkrun tímann hef ég skipað neinum fyrir. Ég hef einungis mælt með hinu og þessu, í nafni þess að hér ríki sátt. Ég er sáttasemjari að eðlisfari, og þar að auki friðargæsluliði. Á ég þá ekki að gæta friðarins? Hef ég misskilið eitthvað?

Það allra síðasta sem ég vil sjá gerast er að Gestapó breytist í ofurvenjulegt spjallsvæði þar sem persónulegar svívirðingar, óvandað málfar, og almenn leiðindi eru daglegt brauð. Ég tel að það myndi gerast ef enginn héldi hér uppi aga.

Reyndar grunar mig að einungis einn aðili hafi staðið að baki umræddum árásum, og að sá sé hættur hér. Það þykir mér miður, en ef þessum aðila líkar ekki mórallinn hérna, þá er kannski best fyrir alla að hann hætti að stunda Gestapó.

En hættum nú þessu dramaröfli og höfum gaman. Þetta er skipun frá gæðastjórnandanum.

1/11/05 00:00

Galdrameistarinn

Tek algerlega undir orð Þarfa í þessu máli.
Held mínu striki í fílagangi og fábjánahætti.

1/11/05 00:00

Þarfagreinir

Ég er þreyttur á því að nefna ekki nöfn.

Þarna var ég að tala um Harald Austmann. Mig grunar að DoktorGestapó og Ísafold séu á hans vegum, þó ég viti auðvitað ekkert um það með vissu. Það er auðvitað ömurlegt að fólk skuli sjá þörf á því að stofna aukasjálf til að róta upp leiðindum og óvissu. Hver sá sem stendur að baki DoktorGestapó og Ísafold ætti að skammast sín.

Og hana-fokkings-nú.

1/11/05 00:00

Rauðbjörn

Ég er mjög góður í því að vera leiðinlegur.
Það gleður mig að þið hafið aldrei þurft að kynnast því, því mér þykir svo ósköp vænt um ykkur öll.

1/11/05 00:00

dordingull

Gott að vera ekki fokkings hani. [Klórar sér í rassinum]

1/11/05 00:00

Billi bilaði

Áfram með friðargæslustörfin.

1/11/05 00:00

Skabbi skrumari

Já... sammála að mörgu leiti... ég hef reyndar tekið þann pól í hæðina að sjá þetta þannig að þeir sem eru sífellt að tala um vandann, þeir séu að ýta undir vandann, það er ekki víst að svo sé... Sem dæmi, þá reyndi ég að brjóta upp félagsritaruglið í síðustu viku með því að skrifa félagsrit um eitthvað annað en Gestapó og vandann þar, ég var þó umkringdur einhverju rugli frá vandamálunum og öðrum sem voru að tala um vandamálið...

Við megum ekki gleyma því að þetta er svæði þar sem menn koma til að skemmta sér, þeir sem skemmta sér ekki ættu því að hundskast í burtu í stað þess að eyðileggja fyrir hinum... en þar er vandamálið, við viljum ekki að þeir sem hafa vakið kátínu hjá okkur í gegnum tíðina, með skemmtilegum félagsritum og innleggjum, fari... þó illa liggi á þeim þessa stundina...

Það hafa áður komið fram einstaklingar sem hafa vísvitandi reynt að eyðileggja húmorinn með leiðindahúmor og skal hér nefndur til sögunnar Tony Clifton sem fór hamförum hér fyrir nokkrum misserum... eftir á að hyggja fyndið, en á sínum tíma jafn leiðinlegt og læti sem eru stundum núna...

OmegaOne og Úlfamaðurinn... svipaðir persónuleikar, nema hvað að OmegaOne var ekki með hótanir eða persónulegar svívirðingar svo ég muni eftir...

Jæja, þetta er álíka samhengislaust og hjá Úlfamanninum og svipað langt, en ég ætla ekki að setja þetta í félagsrit, það er nóg af félagsritum um vandamál Gestapó...

1/11/05 00:01

Þjóðólfur

Voðalega eru allir eitthvað úr jafnvægi hérna. Er eitthvað í gangi? Hef ég misst af einhverju?

1/11/05 00:01

Galdrameistarinn

Já, það er alþjóðadagur rauðsokka í dag og karlpeningurinn því í vondu skapi.

1/11/05 00:01

Þjóðólfur

Skil. Erfiðar blæðingar og allt það.

1/11/05 00:01

Úlfamaðurinn

Dómsdagsspár eru hluti af fortíðinni. Ég var að lesa eina slíka í bók eftir fræga, bandaríska FFH konu að nafni Lea H. Haley. Þessi snillingur er einn hinna bjartsýnu eins og ég. Þær geimverur sem hún er í sambandi við sögðust fullvissar um að Jörðinni yrði eytt vegna glapa mannsins.
En staðreyndin er sú að Jörðinni hefur ekkert verið eytt og ef þetta átti að vera brandari þá hló enginn.
Eitt af því sem menn og geimverur og önnur kvikindi verða að læra, er að hætta að vera með dómsdagsspár. Þó veit ég að þetta félagsrit Ívars Sívertssen snýst ekkert um þær sem slíkar. Ég er oft öfundaður af þeim sem eru svartsýnir um örlug Jarðar þegar ég fullyrði hversu langa framtíð ég tel mannkynið eiga sér fyrir höndum - framtíð þar sem könnun og nýting geimsins er orðin hluti af veruleika sem áður fyrr var álitinn fjarstæða.
Eins og Ívar Sívertssen bendir réttilega á, þá leysir svartsýni engann vanda. Ég hef reynt eftir bestu getu að minnka svívirðingar og hótanir hjá mér upp á síðkastið, og sem nú félagsrit sem eru vandlega ígrunduð áður en þau eru sett á vefinn. En eins og ég segi, breytið nafninu Gestapó í eitthvað annað, og þá rjúkið þið upp í vinsældum. Ef Vintri Grænir geta fengið 24% fylgi upp á að hlusta á mig, ættuð þið alveg að geta stóraukið ykkar fylgi með því að breyta nafninu Gestapó í eitthvað annað, t.d. Ísafold eða jafnvel Albatrossinn.

1/11/05 00:01

Jóakim Aðalönd

Að mæla fyrir því að nafni Gestapó verði breytt, bara vegna einhverra vinsælda, jaðrar við landráðum! Skyldi Vlad ekki bæta þér við á listann?

Þetta er spurning um að vera gegnheill Gestapói og trúr sínum málstað. Haraldur var hér eitt sinn Gestapógæðingur og friðargæzluliði og allt, en fékk greinilega leið og hættir þá bara. Ekkert við því að segja, en hitt er annað mál að það gilda ákveðnar óskráðar reglur um hegðun hér á Gestapó.

Þær reglur hefur þú brotið Úlfamaður.

Jæja, ekki ætla ég að vera með sömu ritræpuna og Úlli, þannig að ég ætla að enda þetta á sömu nótum og Ívar: Lifi Gestapó, lifi sannleikurinn, lifi Baggalútur!

Skál!

1/11/05 00:01

Þarfagreinir

Lifi Gestapó, lifi sannleikurinn, lifi Baggalútur!

1/11/05 01:01

Afturhaldskommatittur

Lifi byltingin!

1/11/05 02:01

feministi

Lifi andspyrnan!

1/11/05 02:01

Úlfamaðurinn

Til Jóakims Aðalandar - nafnið Gestapó er bölvað nafn og því er siðferðilega rétt að breyta því. Það er enginn að tala um landráð, aftur á móti.

Ívar Sívertsen:
  • Fæðing hér: 11/8/03 12:21
  • Síðast á ferli: 22/6/23 12:25
  • Innlegg: 12356
Eðli:
Ákaflega fagur ungur maður með mikinn metnað og kann sig á allan hátt. (hann lærði það á kvöldnámskeiði hjá Bréfaskóla SÍS)
Fræðasvið:
Ég veit allt, get allt og kann allt en fer rosalega leynt með það og kann að fela það vel.
Æviágrip:
[i]Fæddur að handraðanesi á sóðbrókarströnd í Ristilfirði. Lést skömmu síðar. Reis upp frá dauðum eftir korter og bað um brauð. Eftir það var ekki aftur snúið. Hann hefur síðan verið ánetjaður Baggalúti og virðist ekkert vera að skána.Hann fékk sér fæðingarblett á kinnina skömmu áður en hann lét taka hann af sér. Hann hló skömmu eftir það. Ívar hefur nú hafið búskap á Eyðibýli á Auðkúluheiði. Hann hefur aldrei verið við kvenmann kenndur en hann er all oft kenndur. Sívertsenættin hefur lýst hann útlægan og krafist þess að hann afsali sér ættarnafninu og taki upp nafnið Nestrevís en hann hefur margsinnis hafnað því. Ef þú ert að lesa þetta ennþá þá ert þú líklega jafn skemmdur og Ívar... ef ekki skemmdari barasta. Ertu enn að lesa? Nei nú læt ég leggja þig inn á geðdeild! Það er ekki heilbrigt að lesa svona langt! Viltu hætta þessu! HÆTTU SEGI ÉG!!! Ef þú ert enn að lesa og finnur ekki fyrri vott af þreytu þá skal því bætt við að þegar Gestapó var opnað í árdaga þá gerðist Ívar fastagestur hið snarasta. Hann hefur æ síðan verið einn virkasti gestapóinn og ritað mikið. Hins vegar er ljóst að hann kemur til með að auka viðveru sína á Gestapó á komandi árum því nú hefur hann komið sér í innivinnu við tölvu. Ertu enn að lesa þetta? ÉG held svei mér að þú ættir í alvöru að leita þér hjálpar. Ég er löngu hættur að lesa þetta... ég veit ekki einu sinni hvað stendur eftir línu þrjú. En hvað um það. Síðan hafa mörg vötn runnið til sjávar og eiginlega svo mikið að það er ekkert salt eftir í sjónum, það lagði á flótta upp í ár og stöðuvötn þannig að nú er sjórinn pakkfullur af ferskvatnsfiskum og ferskvatnshvölum. En það bar til um þessar mundir, að boð kom frá Megasi keisara, að skrásetja skyldi alla drykkina. Þetta var fyrsta skrásetningin og var gjörð þá er Gylfi Ægisson var blandstjóri í Stúdjó Sýrlandi. Fóru þá allir til að láta stjaksetja sig, hver til sinnar borgar. Þá fór og Rúnar Þór úr Litlu Hraunum frá Hótel Borg upp í Morgunblaðshús, til borgar Davíðs, sem heitir Hádegismóar, en hann var af ætt og kyni Davíðs,að láta skrásetja sig ásamt Maríu hjákonu sinni, sem var þung. En meðan þau voru þar, kom sá tími, er hún skyldi verða léttari. Ældi hún þá bjór sinn frumdrukkinn, sagði hann vondan og lagði hann í fötu, af því að eigi var romm handa þeim í gistihúsi. En í sömu byggð voru barþjónar úti í haga og gættu um nóttina drykkja sinna.Og vörður laganna stóð hjá þeim, og dýrð Áfengis ljómaði kringum þá. Þeir urðu mjög fullir, en löggimann sagði við þá: Verið óhræddir, því sjá, ég boða yður mikinn fögnuð, sem veitast mun öllum lýðnum: Yður er í dag afréttari færður, sem er Hristur og hrærðu, í Mogga Davíðs.Og hafið þetta til marks: Þér munuð finna gubb vont, lagt í fötu. Og í sömu svipan var með löggumanninum fjöldi himneskra hljómsveita, sem lofuðu stuð og sögðu: Dýrð sé stuði í Hádegismóum, og fiður á Davíð og mönnum sem hann hefur velþóknun á. Þannig hljóðar hið heilaga stuðspjall. Og þegiðu svo!