— GESTAPÓ —
Í uppáhaldi:
Félagsrit:
Ívar Sívertsen
Friðargæsluliði.
Heiðursgestur og  skáldjöfur.
Pistlingur - 9/12/05
Jöfnun kjara er grundvallaratriði!

Að koma undir sig fótunum í íslensku samfélagi er erfitt. Að verða gamall í íslensku samfélagi er erfitt. Að lifa mannsæmandi lífi í íslensku samfélagi er nánast ógerlegt.

Það hefur verið æ erfiðara undangengin ár fyrir ungt fólk að koma undir sig fótunum, festa sér húsnæði og hefja búskap. Til þess að eignast húsaskjól þarf að sökkva sér í botnlausar skuldir og veðsetja hálfa ættina.

Það er ekki lengra en síðan 1998 sem ég keypti mér mína fyrstu íbúð og á þeim 8 árum sem liðin eru hefur íbúðin mín hækkað um ríflega 100% að verðgildi. Laun hafa hins vegar ekki hækkað að sama skapi.

Ef ungt par ætlar að fjárfesta í íbúð þá þarf það að finna sér um það bil 15 - 20 milljónir. Þessir peningar liggja ekkert á lausu og þegar árslaun pars eru á bilinu 3 - 6 milljónir þá er ekkert gefið að lán fáist fyrir íbúðarkaupum. Þá þarf að leigja sér og eins og þróunin hefur verið þá kostar meira að leigja heldur en afborganir af íbúðarlánum. Og til lengri tíma litið þá eru leigupeningar náttúrulega ekkert annað en blóðpeningar!

Það er vissulega fátt til ráða nema að unga fólkið vinni myrkranna á milli og slíti sér út fyrir aldur fram. Þetta er röng þróun! Ef unga fólkið á barn þá er hægt að gefa sér það að annar aðilinn nái litlu sem engu sambandi við barnið sitt vegna þess að verið sé að vinna af hörku til að geta keypt húsnæði.

Þegar parið er komið með börn þá taka við gjöld fyrir leikskóla, grunnskólavistun að loknum skólatíma, framhaldsskóla og svo framvegis. Þetta er alls ekki ókeypis og eiginlega langt frá því! Hvenær og hvernig á þá unga fólkið að koma sér upp húsnæði?

Þegar fólk svo verður aldrað þá tekur baráttan aftur við. Ef fólk hefur verið ólánsamt og ávallt verið í láglaunastörfum þá er úr minnu en engu að moða þegar lífeyririnn fer að koma. Þeir peningar sem fólk hefur lagt í lífeyrissjóði og alls kyns sparnað var skattlagt í upphafi og afgangur lagður inn. Svo þegar þetta er greitt til baka þá mætir skattmann með síuna sína, rennir upphæðinni aftur í gegn og eftir stendur tvísköttuð upphæð.

Það er ömurlegt hvað gamalmenni þurfa að greiða fyrir lyf. Oftar en ekki eru lífeyrisgreiðslurnar svo lágar að þær hrökkva vart fyrir lyfjakostnaði og svo á eftir að lifa út mánuðinn. Og svo eru menn hissa á því að gamalt fólk á Íslandi sé þunglynt og finnist látið heima hjá sér eftir tvær vikur.

Þessi kjör vil ég jafna. Ég vil gefa ungu fólki möguleika á því að koma undir sig fótunum með húsnæðiskaupum og að lifa af. Leikskóla vil ég gera að fyrsta skólastiginu og skólaskylda þar af leiðandi frá þriggja ára aldri. Ég vil að aldraðir hafi jafn mikinn möguleika á því að lifa og við sem yngri eru.

Einhver kann að spyrja hvernig ég ætli að fara að því. Jú, það þarf að breyta lánakerfinu hér á landi. Það þarf að auka sveigjanleikann til að fólk sé ekki komið á vonarvöl þremur árum eftir íbúðakaup. Ég vil að leikskólagjöld verði felld niður í kjölfar þess að leikskóli verði gerður að fyrsta skólastiginu. Ég vil að skólavistun eftir venjubundinn skóatíma verði einnig gjaldfrjáls vegna þess að það hafa ekki allir foreldrar efni á því að borga slíka peninga og ekki er öllum börnum treystandi fyrir því að vera ein heima.
Hvað eldri borgara varðar þá vil ég afnema alla skattlagningu sem lýtur beint að þeim nema ef vera skyldi fasteignaskattur. Skattur á lífeyri er glæpur hvort sem er inn eða út. Ég vil að aldraðir fái sjálfkrafa afslátt af lyfjum þegar þeir hætta að vinna.

Nú er ég búinn að pústa svolítið um pólitík... en það á örugglega eftir að heyrast meira frá mér um þá skepnu á næstunni.

   (125 af 287)  
9/12/05 12:01

Offari

Er þetta nýja stefnuskráin hjá Framsóknarflokknum?

9/12/05 12:01

Ívar Sívertsen

nei!

9/12/05 12:01

Vestfirðingur

Jamm, þú ert á grænni grein! Íbúðin tvöfaldast í verði á nokkrum árum. Þú getur lifað af vöxtunum! Eða keypt eina í viðbót fyrir peningin og leigt hana út. Bjartsýni borgar sig, það er margsannað.

9/12/05 12:01

Ívar Sívertsen

Það er málið nefnilega ekki. Ég keypti íbúð en nú þarf ég að fara að stækka við mig og það er nánast ógerlegt því sú íbúð sem ég þarf er of dýr fyrir mig.

9/12/05 12:01

Gvendur Skrítni

Það þarf auðvitað að gera byltingu.

9/12/05 12:01

Gaz

Og hvernig fáum við svo Ívar inn á þing??

9/12/05 12:01

Glúmur

Með byltingu auðvitað!

9/12/05 12:01

Ívar Sívertsen

Neinei... það verður auglýst nánar síðar

9/12/05 12:01

Skabbi skrumari

Ég er með lausn, en ef þú ert háður því að vera á stór-Hafnafjarðarsvæðinu þá er hún ekki fyrir þig...

Þú getur selt íbúðina þína, borgað upp skuldir, stækkað við þig og átt pening aflögu ef þú flytur á einhvern útkjálka...

9/12/05 12:01

Ívar Sívertsen

Ég gæti keypt mér 3 hæða einbýli á Höfn fyrir 3 milljónir... En mig langar akkúrat núna ekkert að flytja þangað.

9/12/05 12:01

Offari

En það má allveg kalla fjörðinn sem Höfn er í Hafnarfjörð.

9/12/05 12:01

Ívar Sívertsen

Ekki þegar náttúruperlan Hornafjörður er annars vegar.

9/12/05 12:01

Offari

Eru ekki allir firðir sem innihalda höfn hafnarfirðir?

9/12/05 12:01

Haraldur Austmann

Ég rændi banka í dag. Hvað viljið þið mikið?

9/12/05 12:01

Ívar Sívertsen

Allt takk!

9/12/05 12:01

Haraldur Austmann

Gleymdi að taka fram að þetta var Blóðbankinn - ég er með partí í kvöld.

9/12/05 12:01

Ívar Sívertsen

ahh... ég ætla þá að fá eina bloody mary...

9/12/05 12:01

Haraldur Austmann

Gjössovel góurinn.

9/12/05 12:01

U K Kekkonen

Alveg er ótrúlegt að horfa upp á systemið á blessuðum klakanum, alveg ótrúleg vitleisa með bæði íbúðarverð svo og verðtryggingu lána. Hver í ósköpunum er svo vitlaus að sætta sig við að borga 27-28 millur fyrir íbúð sem er á svona 12mil að brunabótamati að sjálfsögðu á 100% láni með verðtryggingu svo að raunvextir skella í svona nett 12-15% á ári.

9/12/05 12:02

Hakuchi

Ég sá Björgólf á Hömmernum í gær. Honum væri nær að keyra á Rolls.

9/12/05 13:00

Upprifinn

Mér sýnist að Ívar ætli að skipta um stjórn.
Gott hjá honum.

9/12/05 13:01

Jóakim Aðalönd

Össs...

Mér er alveg sama, svo framarlega að ég missi ekki eyri úr peningatanknum. Ég skil reyndar ekki af hverju barnlaust fólk á að vera að borga undir þessa gríslinga. Hoho.

Ívar Sívertsen:
  • Fæðing hér: 11/8/03 12:21
  • Síðast á ferli: 22/6/23 12:25
  • Innlegg: 12356
Eðli:
Ákaflega fagur ungur maður með mikinn metnað og kann sig á allan hátt. (hann lærði það á kvöldnámskeiði hjá Bréfaskóla SÍS)
Fræðasvið:
Ég veit allt, get allt og kann allt en fer rosalega leynt með það og kann að fela það vel.
Æviágrip:
[i]Fæddur að handraðanesi á sóðbrókarströnd í Ristilfirði. Lést skömmu síðar. Reis upp frá dauðum eftir korter og bað um brauð. Eftir það var ekki aftur snúið. Hann hefur síðan verið ánetjaður Baggalúti og virðist ekkert vera að skána.Hann fékk sér fæðingarblett á kinnina skömmu áður en hann lét taka hann af sér. Hann hló skömmu eftir það. Ívar hefur nú hafið búskap á Eyðibýli á Auðkúluheiði. Hann hefur aldrei verið við kvenmann kenndur en hann er all oft kenndur. Sívertsenættin hefur lýst hann útlægan og krafist þess að hann afsali sér ættarnafninu og taki upp nafnið Nestrevís en hann hefur margsinnis hafnað því. Ef þú ert að lesa þetta ennþá þá ert þú líklega jafn skemmdur og Ívar... ef ekki skemmdari barasta. Ertu enn að lesa? Nei nú læt ég leggja þig inn á geðdeild! Það er ekki heilbrigt að lesa svona langt! Viltu hætta þessu! HÆTTU SEGI ÉG!!! Ef þú ert enn að lesa og finnur ekki fyrri vott af þreytu þá skal því bætt við að þegar Gestapó var opnað í árdaga þá gerðist Ívar fastagestur hið snarasta. Hann hefur æ síðan verið einn virkasti gestapóinn og ritað mikið. Hins vegar er ljóst að hann kemur til með að auka viðveru sína á Gestapó á komandi árum því nú hefur hann komið sér í innivinnu við tölvu. Ertu enn að lesa þetta? ÉG held svei mér að þú ættir í alvöru að leita þér hjálpar. Ég er löngu hættur að lesa þetta... ég veit ekki einu sinni hvað stendur eftir línu þrjú. En hvað um það. Síðan hafa mörg vötn runnið til sjávar og eiginlega svo mikið að það er ekkert salt eftir í sjónum, það lagði á flótta upp í ár og stöðuvötn þannig að nú er sjórinn pakkfullur af ferskvatnsfiskum og ferskvatnshvölum. En það bar til um þessar mundir, að boð kom frá Megasi keisara, að skrásetja skyldi alla drykkina. Þetta var fyrsta skrásetningin og var gjörð þá er Gylfi Ægisson var blandstjóri í Stúdjó Sýrlandi. Fóru þá allir til að láta stjaksetja sig, hver til sinnar borgar. Þá fór og Rúnar Þór úr Litlu Hraunum frá Hótel Borg upp í Morgunblaðshús, til borgar Davíðs, sem heitir Hádegismóar, en hann var af ætt og kyni Davíðs,að láta skrásetja sig ásamt Maríu hjákonu sinni, sem var þung. En meðan þau voru þar, kom sá tími, er hún skyldi verða léttari. Ældi hún þá bjór sinn frumdrukkinn, sagði hann vondan og lagði hann í fötu, af því að eigi var romm handa þeim í gistihúsi. En í sömu byggð voru barþjónar úti í haga og gættu um nóttina drykkja sinna.Og vörður laganna stóð hjá þeim, og dýrð Áfengis ljómaði kringum þá. Þeir urðu mjög fullir, en löggimann sagði við þá: Verið óhræddir, því sjá, ég boða yður mikinn fögnuð, sem veitast mun öllum lýðnum: Yður er í dag afréttari færður, sem er Hristur og hrærðu, í Mogga Davíðs.Og hafið þetta til marks: Þér munuð finna gubb vont, lagt í fötu. Og í sömu svipan var með löggumanninum fjöldi himneskra hljómsveita, sem lofuðu stuð og sögðu: Dýrð sé stuði í Hádegismóum, og fiður á Davíð og mönnum sem hann hefur velþóknun á. Þannig hljóðar hið heilaga stuðspjall. Og þegiðu svo!